Wir Karl von gotes genaden Ro^emischer keiser zu allen zeiten merer dez reichs vnd ku^eng zu Beheim bekennen vnd tun || kunt offenlichen mit disem briefe allen den, die in sehent ho^erent oder lesent, wann^e wir die vogtei zu sant Gallen, die vns vnd || dem heiligen reiche zu geho^eret, enpholhen haben dem edlem Rudiger Manessen burgermeister ze Zu^eriche³ vnserm lieben ge||trewen, der aber sein vnderuogt dar gesetzet hat Johansen von Entziswile⁴, dem senden wir den ban vnd erlauben in^a) zu rihten vber dez menschen leip, vnd enpfelhen auch dem selben Rudiger Manessen, ob er den selben Johansen verkerte, alle die weil so er vogt zu sant Gallen von vnsern wegen ist, wen er denn zu vnderuogt dar setzet, daz er den ban vnd den gewalt hab zu rihten on als geuerd. Mit vrkund ditz briefes versigelt mit vnserm keiserlichen maiestat insigel. Der geben ist, do man zalt von Cristus geburt drewtzehenhundert jar, darnach in dem ainen vnd sehtzigsten jar, an sant Stephans tage in den weihenehten, vnser reiche in dem fu^enftzehenden vnd dez keisertůmes in dem sehsten jare.

Source Fulltext: Chartularium Sangallense VII, Nr. 4718, S. 527.