Allen^a) den, die disen brief sehent lesent oder ho^erent lesen, kúnden wir die nâchgenemten Johans, Hainrich, Wil||helm, Hugo vnd Růdolf die Hofakrer gebrůder, Thoman Hofakrer iro vetter vnd Ma^ehthilt sin swe||ster, alle burger ze sant Gallen, vnd veriehent offenlich mit disem brieue fúr v´ns vnd alle v´nser er||ben vnd nâchkomen von der gu^eter wegen gelegen ze Tegerschen¹ vnd waz darzů geho^ert, sú sient friie ald aigen, wie sú genemt sint, daz dú selben gu^eter ha^elbú mit allen rehten vnd mit aller zů geho^erde V^olrichs dez Hofakrers vnsers brůders o^vch burgers ze sant Gallen sint vnd in besunder an geho^erent, ez sie von erbes oder von ko^vffes wegen, vnd won wir daz wissent vnd dez a^ellú gemainlich vnd ainhelleklich veriehen habent vnd veriehent mit disem brieue, so haben wir dem êgenemten V^olrich Hofakrer v´nserm brůder gelobt iekliches besunder mit siner trúwe, daz wir noch v´nser erben, ob wir enwa^erint, noch nieman andre an v´nser stat noch von v´nsern wegen den vorgenemten V^olrich Hofakrer noch dehain sin erben noch nâchkomen an dem selben halbentail der vorgeschribenen gu^eter ze Tegerschen vnd waz darzů geho^ert niemer sûmen ierren bekrenken bekúmberren schadgen noch ansprechen súllent mit Worten noch mit werken an gaistlichem noch ân weltlichem geriht noch an reht noch mit dehainen andern sachen, ân alle geua^erde. Vnd ze ainem wâren vrkúnde vnd gantzzer sicherhait aller der vorgeschribenen dinge vnd vergiht so haben wir die vorgenemten Johans, Hainrich, Wilhelm, Hugo vnd Růdolf die Hofakrer gebrůder fúr vns fúr alle v´nser erben vnd nachkomen v´nserú insigel gehenkt an disen brief, vnd won wir die vorgenemten Thoman Hofakrer vnd Ma^ehthilt sin swester aigener insigel niht habent, so habent wir v´ns willeklich gebunden vnd binden v´ns mit disem brieue vnder dez obgenanten Johansen Hofakrers v´nsers vettern insigel, wâr vnd sta^et ze lassenn alles, daz von v´ns da vorgeschriben stat an disem brief. Der geben ist ze sant Gallen an dem na^ehsten ma^entag nach sant Gregorien tag in dem jâr, do man zalt von gottes gebúrt drúzehenhundert jâr, sehszig jâr vnd darnâch in dem andern jâre,

Source Fulltext: Chartularium Sangallense VIII, Nr. 4795, S. 15-16.