. . Officialis curie Const(anciensis) Omnibus presencium inspectoribus subscriptorum noticiam cum salute. Ne gesta modernorum || prolixitate temporis labilique memoria hominum inficiantur, utile est ea scripturarum indieiis perhennari. Noverint igitur presencium inspec||tores universi et singuli, quos nosce fuerit oportunum, quod constituti coram nobis anno domini M0CCC° LX secundo feria quinta || ante festum annunciacionis gloriose virginis Marie proxima iudicii in figura honesta matrona Elizabet olim filia naturalis et legitima quondam Petri dicti Herter de Phullendorf¹ uxor legitima Johannis dicti Bo^eschen olim filii quondam Frantzonis dicti Bo^eschen de consensu dicti sui mariti et ipse Johannes dictus Bo^esche maritus dicte Elizabet ex una et dilectus in Christo Hainricus dictus Costentzer de Wil² subcustos ecclesie Const(anciensis) et Johannes dictus Costentzer frater eins carnalis ex parte altera, prefata Elizabet sana mente et corpore et sui animi compos non vi coacta nec dolo ut asseruit circumventa de consensu dicti mariti sui fatebatur in iure coram nobis et publice confessa fuit se sponte et libere ac animo deliberato bona et matura deliberacione et tractatu sollempni et sepius premissis et prehabitis renunciasse et cessisse et presentibus etiam coram nobis sponte et libere de voluntate et consensu expresso dicti Johannis Bo^esehen sui mariti tunc presentis renunciavit et cessit omni iuri actioni requisicioni et impeticioni sibi vel eins heredibus in fructibus redditibus et proventibus trium modiorum tritici mensure in Wil, quatuor pullorum autumpnalium de schoposa dicta Hainr. dez Kreps schůpos sitis in villa et in banno ville Lo^vmas³ provenientibus seu procedentibus necnon in fructibus redditibus et proventibus duorum modiorum tritici dicte mensure de curia dicta der Hof⁴ im Rintal⁵ sitis in parrochia Lútispurg⁶ pheodalium a nobili viro comite Conr. de Fúrstenberg⁷ provenientibus et procedentibus racione dotis morganatice et donacionis propter nuptias ac aliis ex causis quibuscumque competentibus et competere valentibus usque in hunc diem in manus et potestatem prefatorum Hainrici subcustodis et Johannis fratris sui, et prefata Elizabet fatebatur se ob id in recompensam dicte renunciacionis et cessionis a predictis Hainrico subcustode et Johanne fratre suo numeratos recepisse et in numerata pecunia se habere viginti et quatuor libras denariorum Const(anciensium) et illas in usus suos utiles et necessarios ac evidentes convertisse et conversos fore, promisit quoque prefata Elizabet per fidem suam ab ipsa de voluntate et consensu dicti Johannis Bo^eschen mariti sui coram nobis nomine iuramenti sollempni interposita stipulacione corporaliter prestitam, contra predictam renunciacionem et cessionem ut predicitur factam numquam facere vel venire per se vel interpositam personam directe vel indirecte in iudicio vel extra iudicium inposterum vel ad presens de facto vel de iure quesito quovis ingenio vel colore, sed ipsam ratam et gratam habere et tenere perpetuo atque firmam. Et insuper prefata Elizabeth de consensu et voluntate dicti Johannis sui mariti renunciavit pro se et heredibus suis in et super premissis omni iuris auxilio canonici et civilis, quibus ipsa vel heredes sui iuvari facere vel venire possent contra ea, que in presentibus litteris continentur, in toto vel in aliqua sui parte, adhibitis etiam in premissis Omnibus et singulis verborum et gestuum sollempnitatibus et renunciationibus debitis et consuetis. Et in premissorum omnium et singulorum testimonium et roboris firmitatem sigillum curie Const(anciensis) ad peticionem dicte Elizabet una cum sigillo proprio dicti Johannis mariti, cum ipsa proprio careat, sigillo duximus presentibus appendendum. Quibus et ego prefatus Johannes Bo^esche maritus dicte Elizabeth ad maiorem certitudinem et cautelam omnium premissorum recognoscens premissa omnia et singula ut prescribuntur per prefatam uxorem meam et de consensu meo expresso et modo premisso esse facta, prefatam uxorem meam et heredes eius ac me ad ratihabicionem omnium premissorum firmiter astringens, sigillum meum proprium ad peticionem dicte uxoris mee una cum sigillo prelibati domini . . officialis curie Const(anciensis) duxi etiam appendendum. Dat. Const(ancie) anno et die quibus supra, ind. XV^a.

Source Fulltext: Chartularium Sangallense VIII, Nr. 4798, S. 19-21.