Wir . . der amman . . der rât vnd . . die burger gemainlich der statt ze Phullendorff¹ vergehint offenlich an diseme || brief vmb die búntnizz, als die wîsen . . die burgermaister . . die ra^et vnd . . die burger gemainlich der stette || ze Costentz, Zw´rich, sant Gallen, Lindow², Rauenspurg³, V´berlingen⁴, Bůchorn⁵ vnd von Wangen⁶ mit enander getân || hâbent, alz die brief wîsent, die die selben stett gen einander darumb gegeben ha^vnt⁷, daz wir von gebottez vnd von haizzends wegen v´nsers gena^edigen herren kayser Karlen von Ro^vm⁸ vnd von dez hailigen rîchez wegen verhaizzen habint vnd verhaizzent mit disem brief, wenne daz gescha^ehe, daz die vorgenanten stette alle oder etlich, ez wa^er ainú oder mêre, sto^esse ald schad an gieng an ir lút ald an ir gůt ald an dehainen sachen von der herrschaft wegen von O^esterrîch ald von ir dienern ald von leman von Iren wegen ald von ieman, der in zů gehorti, wenne wir dez ermant werdent mit briefen ald mit ir erbern bottschafft von iren ra^eten, so sigint wir gebunden bi dem aide, so wir dem rîch gesworn habint, daz wir vnuerzogenlich die andern stette, die in dirre vorgeschribner búntnizz sint, manen so^ellint von dez hailigen rîches wegen, daz sie der statt ald den stetten, die da^enne manung geuordert hânt, ze hilf kommt in aller der wîse, alz die buntnizzbrief sagent, die si gen einander hânt. Wir sigint ôch dirre manung gebunden alle die wil vnd o^vch die buntnizz weret zwischent der hocherbornen herrschaft von O^esterrich vnd . . den von Zw´rich, die si ietze mit einander habent, vnd nit lenger. Wa^er aber, daz v´nser gena^ediger hêrre kayser Karl von Ro^vm ab giengi, e daz die buntnizze zwischent der vorgenanten herrschafft von O^esterrîch vnd . . den von Zw´rich vssgiengi, so sigint wir doch gebunden dirre manung die na^ehsten zway jar nach dez kaysers tôde, dem hailigen Ro^emschen rîch vnscha^edlich. Vnd dez allez ze offem vnd warem vrkúnd habint wir vorgenanten . . der amman . . der rât vnd . . die burger gemainlichen ze Phullendorff vnser gemainez stett insigel gehenkt an disen brief. Geben ze Phullendorff an den na^echsten dônrstag nach sant Walpurg tag, do man zalt von Cristz gebúrt dritzehehundert jar, dar nach in dem zwai vnd sehtzigosten jar.

Source Fulltext: Chartularium Sangallense VIII, Nr. 4806, S. 26-27.