Nos Hainricus dei gracia episcopus Constanciensis² ad universorum noticiam deducimus per presentes, || quod nos omnibus indulgenciis in litteris venerabilium in Christo dominorum episcoporum fratrum || nostrorum in eisdem suis litteris per nos sub sigillis ipsorum pendentibus sanis et integris || visis et perlectis, quibus eciam hec nostra littera sigillo nostro episcopali sigillata est transfixa, contentis et per eos concessis ducti pie intencionis proposito consensum nostrum ordinarium et voluntatem, in quantum de iure possumus et debemus, adhibentes omnibus vere penitentibus et confessis in dictis litteris nostrorum fratrum conprehensa modo, ut in ipsis exprimitur, peragentibus de omnipotentis dei misericordia et beatorum Petri et Pauli apostolorum eius auctoritate confisi quadraginta dierum indulgenciam in domino misericorditer elargimur. Datum Const(ancie) anno domini millesimo CCC°. sexagesimo secundo, XII. kln. iunii.

Source Fulltext: Chartularium Sangallense VIII, Nr. 4810, S. 29-30.