Den erbern wîsen mannen dem burgermaister vnd dem rat der stat ze sant Gallen enb(iet) ich Nyclaus Frêssam stetschriber ze Vlme¹ min willig dienst. Jweren eren tůn ich kunt, dz jwer anzale, alz ich in den alten registern finde, ist gewesen núntzig phunt Cost(enzer) pheninng, do brachten sumlich v´wer burger zů, das die angeschlagen wurden vmb hundert vnd vmb ahtzig phunt haller. Danach kam v´wer burger Hans Kamber her ze Vlme vnd braht mit den stetten, die do ze mâle hie waren, vs, dz v´wer anzale hundert phunt vnd vierzig phunt haller so^elt sin, vnd han ouch dz in allen minen bůchen vnd registern alzo verschriben. Vnd dar vmb so bitt ich v´wer erberkait mit flizz vnd mit ernst, dz ir v´ch darvmb gena^edeclich bedenken gen mir vnd mich des lâzzen geniezzen, das ich hienach in allen sachen ymmer des williger sin wil, wa mit ich iuch lieb vnd dienst erzo^egen kan oder mag.

Source Fulltext: Chartularium Sangallense VIII, Nr. 4853, S. 66-67.