Allen^a), die disen gegenwúrtigen brief ansehent alder ho^erent lesen, kv´nden wir Herman vnd Beringer ritter vnd Herman, den man nêmmet pfaff Herman, alle drye gebrůder von Landenberg genânt von Griffense¹, hern Hermans sa^eligen || sv´n, vnd iro vetter V^olrich von Landenberg V^olrichs sa^eligen von Landenberg iro brůdes^b) svn² vnd vergehin des offenlich an disem selben brief, daz wir alle vier mit ainberem râte mit gůtem willen vmbetwungenlich vnd mit gůter vorbetrahtvnge nach || vnser gůter frv´nde vnd ander erber lúte râte von redelicher schuld wegen, so vff vns geuallen was vnd schuldig wârent, dem wolbeschaiden Johansen von Hof Cv^onrattes sa^eligen svn von Hof dem eltern burger ze Costentz vnd allen sinen erben fúr || v´ns vnd alle v´nser erben haben ze koffent geben reht vnd redelich vnd ains rehten werenden koffes vnser vesti die Alten Landenberg³ vnd och dis lút vnd gu^eter, die hie nach an disem selben brief benent vnd verschriben sint, daz ist dv´ wîs ze Blidriswile⁴, dv´ ja^ergelichs giltet ainen mut kernen, der hofze Oteswand⁵ giltet drú pfvnt sta^ebler, daz gůt am Risat⁶ gilt ainen mut kernen vnd ain malter habern, daz gůt ze des Hengstes hus⁷ gilt ain mut kernen, daz gůt ime Gefelle⁸ gilt ain mut kernen ain malter habern vnd ain swin gilt zehen schilling, da fúr nimet man ain pfvnt vnd vier schilling sta^ebler, Oswaldes hus vnd der Stainhof⁹ geltent zwelf pfvnt sta^ebler vnd aht ka^es, der hof ime Walde¹⁰ giltet fv´nf mut vnd drv´ viertal kernen zwai malter vnd drye mut habern nv´n schilling sta^ebler vnd zwai swin, der wirt ains an dem dritten jar Herman von Landenberg von Werdegg¹¹ vnd gilt ir ietweders zwelf schilling, da git man fúr ietweders svnderlich ain pfvnt vnd vier schilling sta^ebler, dv´ Brvnnwîs¹² ze Wile¹³ gilt ain mut kernen, V^eli ime Wile git von sinem gůt ainen mut kernen ain mut habern vnd sehs schaf, da nimt man fúr ieglich schafzehen schilling sta^ebler, der zehend ze Adoltswile¹⁴ gilt als man in gelihen man^b) vnd ist der vierdentail Hainrichs des Ammans kind vnd wirt inen och danne vss den anderen drin tailn zwen mut kernen, noch danne die selben drye tail geltent nv´n mut kernen vnd vier malter habern, der zehend ze Nv´nbrvnnen¹⁵ gilt ains jars zwen mut vesan an dem andern jar zwen mut habern vnd an dem dritten jar gilt er nútz, daz gůt, daz man nemmet Beringers Zagel⁷, gilt zwen mut kernen ain malter habern vnd ffv´nf schilling Costentzer pfenning, Hermans des Suters gůt ze Turbatten¹⁶ giltet dry mut kernen ain malter habern nv´n schilling sta^ebler, dv´ múli ze Wile¹³ gilt sehs mut kernen vnd ain swin gilt zehen schilling, da fúr git der múller ain pfvnt vnd ffv´nf schilling sta^ebler, weders er wil, vss dem zehenden ze Hv´rnen¹⁷ gand ja^ergelichs drye mut kernen ain malter habern, daz gůt ze Sta^eblins Ow⁷ giltet ain malter habern, daz gůt vff der Flu^e18 gilt ain malter habern, daz gůt ze Nidernhouen⁷ giltet ainen mut habern vnd sibendzehendhalben schilling Costentzer pfenning vier hu^enr, daz gůt ze Vrendal¹⁹ gilt zwen mut habern zwai pfvnt vnd vier schilling sta^ebler drv schaf, da git man fúr iegelich schaf zehen Schilling sta^ebler, daz zehendli ze Hermoltswile²⁰ gilt drv´ viertal habern, daz Hurnli²¹ gilt vier pfvnt sta^ebler, vnd dv´ vogtye ze Vinsternow²² gilt zehen schilling vnd aht sta^ebler, dv´ obgenant vesti vnd gu^eter a^ellv´ lehen sint von dem abt vnd dem gotzhus ze sant Gallen. So sint disv´ nachgeschriben gu^eter a^ellv´ reht aigen, daz ist das gůt an Mu^etersteig⁷ giltet fv´nf mut vesan ain malter ainlúf viertal habern, daz gůt ime Sluch⁷ gilt zwai viertal vnd siben imi kernen, dv´ wis ze Fůrenwangen⁷ gilt ain viertal kernen, der zehend ze Scho^enow²³ gilt sehs viertal kernen, dv´ Richhůb⁷ gilt zwelf mut kernen ainen mut bonan zwai swin, der gilt ietweders zwelf schilling, da nimt man fúr ietweders ain pfvnt vnd vier schilling sta^ebler, vnd hvndert ayer, dv´ vogtye ze Blidriswile gilt ain malter habern vier pfvnt vnd aht schilling sta^ebler sehtzehen hu^enre, der hof ze Lêttenberg²⁴ gilt vier vnd drissig mut kernen, dv´ hůb ze Nideren Slatt²⁵ gilt ahtendhalben mut kernen drithalb malter habern ain swin gilt zehen schilling, da git man fúr drissek schilling sta^ebler, des Roten gůt gilt drv´ viertal kernen, daz gůt ze Geriswile²⁶ gilt drizehen mut kernen ffv´nf malter habern zwai pfvnt sta^ebler, daz gůt ze Selmatten²⁷ gilt zwen mut kernen ain malter habern vnd zehen schilling Costentzer pfenninge, daz gůt ze Ru^egesperg²⁸ gilt ain mut kernen ain malter habern, daz gůt ze Igenbu^el⁷ gilt ain mut kernen ain malter habern vnd sehs schilling Costenzer pfenning, daz gůt ze dem Hangenden Bo^enriet⁷ gilt vier mut kernen ain malter habern ffv´nfzehen schilling sta^ebler, vnd vss dem zehenden ze A^elgo^e29 gand ja^ergelichs zwainzek malter habern, daz gůt ze Staig³⁰ gilt ainlúf mut kernen zwai malter habern vnd ffv´nf vnd drissig schilling sta^ebler, daz gůt ze Dikbůch³¹ gilt aht mut kernen zwai malter habern vnd ffv´nfzehen schilling sta^ebler, dv´ múli ze Waltenstan³² gilt sehs mut kernen zehen schilling sta^ebler, daz gůt ze Hohstrass⁷ gilt drye mut kernen ain malter habern vnd sehs schilling Costenzer pfenning, daz gůt ime Wald⁷ gilt zwen mut kernen ain malter habern, daz gůt ze Stetfurt³³ gilt zwen mut kernen ain malter habern vnd vier schilling Costentzer pfenning. Disv´ vorgeschriben gu^eter sint gescha^etzt, daz si ja^ergelichs gelten sont hvndert mut vnd siben vnd vierzek mut ain viertal vnd siben imi kernen vnd sehs vnd ffv´nfzek malter habern Wintertûrer³⁴ messe, vnd geltent och an pfenningen an schaffen vnd an swin ffv´nfzek pfvnt vnd siben schilling pfenning Zúricher múns. So sint dis die lúte, die darzů geho^erent, V^olrich in dem Wile¹³ selb zwelft, Haini ab Guble³⁵ selb fv´nft, Walti Scherer von Túrstodelen³⁶ selb sehst, die Bůbenberger von Vrendal, der sint ffv´nf, dv´ Switterin ab dem Hv´rnlin selb vierd, Hainrich vss der Rúti⁷ selb zehend, Werli vss der Rúti selb ander, Wernli vss dem Gefell selb ander, der Hohen Stokker selb ander vnd vierv´ sins brůder kind, dv Sigfridin von Blidriswile selb fv´nft, Hug von Blidriswile selb sehst, des Kleinen sv´n, dero sint zwen, der Wirt in dem Wald³⁷ selb dritt, Harmanstein dv´ Kupplerin von Blidriswile selb dritt, V^eli Frye von Vrendal, dv´ Bo^etswilerin, Berschi Tvmbermůt selb ander, Cu^eni Ga^emperli der Eseler selb ander vnd siner swester svn, Vo^egeli ||
selb ffv´nft, Vo^egelins totherman, Ha^enni vor Burg vnd sin swester, dv´ Trigenerin von Beltelswile³⁸ selb ander vnd ir brůder selb drit vnd A^erni Gogler, dis vorgeschriben lút och a^ellv´ lehen sint von dem abt vnd dem gotzhus ze sant Gallen. So sint dis nachgeschriben lút a^ellv´ reht aigen, daz ist der Bongarter von Littenberg selb sibend, V^eli Hůber von Nideren Slatt sin wip vnd sinv´ kint, der Spilman von Selmatten sin wip vnd sinv´ kint, Cu^eni Kv^echeli von Hohstrass sin wip vnd sinv´ kint vnd Hans der Keller von Dikbůch sin wip vnd sinv´ kint. Dis vorgeschriben lút alle ja^ergelichs geben sont ze rehter stúr aht pfvnt pfeming^c) Zúricher mv´ns vnd sont och ja^ergelichs nit túro gescha^etzt werden. Vnd swaz ze der obgenanten vesti der Alten Landenberg vnd lúten vnd gu^etern ho^ert, es sie mit wasen mit zwi mit waide mit holtz mit velde mit akker mit wisen mit vischentzen mit wygern mit wasser mit wasserlaiti mit gerihten mit twingen mit ba^ennen mit gewaltsami mit va^ellen vnd gela^ess mit diensten mit hobtreht mit allen nútzen vnd gewonhaiten mit aller ehafti vnd ander iro zů geho^erden gesůchs vnd vngesůchs benentes ald vnbenentes wissendes ald vnwissendes, als dv´ selb vesti lúte vnd gu^eter an v´ns komen vnd braht sint vnd als wir vnd der obgenant her Herman von Landenberg si gehebt besessen vnd genossen haben her vntz an disen hv´ttigen tag in nûtzlicher gewer von gewonhait ald von reht, also haben och wir im vnd sinen erben die obgenanten vesti lúte vnd gůt mit dem vogeschriben^b) gelte vnd mit aller zůgeho^erd fúr ain reht ledig vmbekv´mbert gůt lúte vnd geltes ze koffent geben vnd gebent inen si mit disem brief vmb drv´zehenhvndert pfvnt vnd vierzek pfvnt pfenninge alles gůter vnd gnemer Costentzer mv´ns vnd sigin och der gar vnd ga^entzelich von der^d) selben Johansen von Hof an barem gůt beriht vnd gewert nach v´nserm willen vnd habent si in vnsern redelichen vnd schinberen nûtz bekert vnd bewendet, als wir vergehin mit disem brief, won wir si geben haben an die schuld, die vnser vatter sa^elige v´ns ze geltend verlassen hatte, da grosser vnlidiger schad vff gienge, den wir da mit gewendet vnd verkomen haben. Vnd haben im och die obgenanten vesti lúte vnd gu^eter, die da lehen sint von sant Gallen, mit des hohwirdigen ffúrsten hant abt Georyen des gotzhus ze sant Gallen gefertigot vnd vfgeben, vnd die lúte vnd gu^eter, dv´ da aigen sint, haben wir im gefertigot vnd vffgeben nach aigens vff offener des riches strass, vnd haben die selben fertigvng vnd vffgeben des aigens vnd des lehens gen im getân vnd vollefu^ert mit allen den worten werken vnd geta^eten vnd mit aller kraft, so darzů hort vnd notdurftig was nach gewonhait vnd nach reht. Vnd habent in da mit gesetzet vnd setzent in mit disem brief in nûtzlich gewer der vorgeschriben vesti lúte vnd gu^eter vnd des geltes vnd der rehten vnd gewonhaiten, so darzů ho^erent. Vnd haben v´ns darv´ber verzigen vnd verzihent v´ns alle vier offenlich vnd vmbetwungenlich mit disem selben brief fúr v´ns vnd fúr alle v´nser erben vnd nachkomen gen dem obgenanten Johansen von Hof vnd gen allen sinen erben vnd nachkomen der obgenanten vesti lúte gu^eter vnd des geltes vnd daran ze vrta^et aller aigen-schaft aller lehenschaft aller vordervng aller ansprach alles schirmes alles vszugs vnd alles rehtes gaischelichs vnd weltlichs gerihtes, da mit wir gemainlich ald svnderlich ald dekain v´nser erbe vnd nachkomen ald ieman andre von v´nseren wegen die selben vesti lúte ald gůt nv ald hernach gar ald an dekainem tail kvndin ald mo^ehtin angesprechen ald da mit dirre redelich vngeuârlich koff kv´nd alder mo^eht in kain wise gewendet bekrenket ald gebrochen werden. Vnd wa^er, das dem selben Johansen von Hof ald dekainem sinem erben, ob er enwere, die selben vesti die Alten Landenberg die vorgeschriben lúte gu^eter zins oder gelte nv^ ald hernach gantz ald an dekainem tail ieman anspra^ech fúr aigen ald fúr lehen ald mit dekainer ander ansprach, des so^elin wir vnd v´nser erben den selben Johansen von Hof vnd sin erben verstân vnd versprechen gegen aller ma^engelich an gaischelichem vnd an weltlichem geriht vnd an allen stetten, da es inen notdúrftig ist vnd wirt, des lehens fúr lehen vnd des aigens fúr aigen, vnd des ir reht wern sin âne alle svmnv´st vnd âne allen ir schaden nach reht âne alle geuerde. Vnd ze warem vnd offeme vrkv´nd vnd sta^eter iemer werender sicherhait aller dirre vorgeschriben dinge geben wir vorbenenten Herman vnd Beringer ritter vnd pfaff Herman von Landenberg gebrůder vnd V^olrich von Landenberg iro fetter fúr v´ns vnd alle v´nser erben vnd nachkomen dem selben Johansen von Hof vnd allen sinen erben vnd nachkomen darv´ber disen brief mit v´nseren aigenen insigeln besigelt, dv´ wir a^ellv´ vierv´ offenlich daran gehenket haben. Dis beschach vnd ist dirre brief ze Costentz geben, do man von Cristes gebúrt zalt drv´zehenhvndert jar, darnach in dem vier vnd sehtzigosten jar, an sant Ambrosyen abende.

Source Fulltext: Chartularium Sangallense VIII, Nr. 4924, S. 119-123.