Wir der official des hofes ze Costentz tůn kunt allen den, die disen brief ansehent lesent oder ho^erent lesen, das fúr v´ns kament ze Costentz, || do wir ze geriht sassen, die ersamen beschaidenn man Růdolf vnd Hainrich Cůnratz sa^eligen sún des Baders von sant Gallen burger ze Costentz, || vnd veriahent da offenlich vnd willeklich fúr sich vnd all ir erben vnd nachkomnen, das si von den gaistlichen frowen der a^ebtisschennen || dem conuent vnd dem gotzhus ze Maggnow des ordens von Cytêl dis nachgeschribenn wingarten ze lehen habint vnd von ir ieglichem ja^ergelich den selben frowen vnd irem gotzhus vf sant Martins tag dis nachgeschribenn zins gebint und geben so^ellint, des ersten der vorgenant Růdolf Bader den wingarten, den man nemmet in der Hůb, von dem er ja^erglich git vnd geben sol ain halb pfunt wahses, vnd o^vch den wingarten, den man nemmet an [der]^a) Henki, da von er git vnd geben sol ainen vierdung wahses, vnd den wingarten genant an dem Grin, da von er git vnd geben sol [ainen]^a) halben vierdung wahses, vnd o^vch den wingarten [ge]nant^a) Eberhartz akker, da von er [git vnd]^a) o^vch geben sol ainen halben vierdung [wahses]^a), danach der vorgenant Hainrich der Bader den [wing]arten^a) genant des Tengers hald, von dem er ja^erglichs git vnd o^vch geben sol den egenanten frowen vnd irem gotzhus ainen vierdung w[ah]ses^a), vnd den wingarten, den man nemmet Go^etzen wingarten, gelegen vf dem Ebnit, von dem er git vnd geben sol ainen halben vierdung wahses, vnd o^vch den wingarten genant Ludis akker o^vch gelegen vf dem Ebnit, von dem er o^vch git vnd geben sol ainen halben vierdung wahses, die vorgeschribenn wingart all gelegen sint in dem ban vnd der kilcho^eri^b) ze Stekboren. Vnd des ze warem vrkúnd so habin wir d[er]^a) vorgenant official v´nser insigel gehenkit an disen brief. Wir die vorgenanten Růdolf vnd Hainrich Bader burger ze Costentz vergehent des offenlich fúr v´ns vnd all v´nser erben vnd nachkomnen an den vorgeschribenn gu^etern ainer gantzen warhait alles des, das da^c) vor von v´ns geschriben ist. Vnd des ze rnerrer sicherhait vnd offem vrkúnd so habin wir o^vch v´ser aigenú insigel zů des vorgenanten herren des officiales insigel gehenket an disen brief. Der geben ist ze Costentz, do man zalt von Cristus gebúrt drútzehenhundert jar, dar nach in dem vier vnd sehtzigosten jar, an sant Johans abent des hailigen To^vffers ze sunwenden.

Source Fulltext: Chartularium Sangallense VIII, Nr. 4943, S. 140.