In^a) nomine domini amen. Hainricus^b) dei gracia episcopus Constanciensis¹ universis presentes litteras intuentibus subscriptorum noticiam cum salute in eo, qui est omnium vera salus. Vigor equitatis exposcit et ordo || racionis exigit, ut ea, que ob honorem omnipotentis dei et in aucmentum divini cultus instituuntur, favore benivolo prosequamur et toto cordis conamine promovere studeamus. Cum itaque discretus dominus || Hermannus dictus von der Braiten Landenberg² miles et nonnulli sui predecessores unum altare situm in ecclesia parrochiali Turbaton³ in honore gloriose virginis matris Marie erexerint et construxerint et idem || altare ob honorem omnipotentis dei et tocius celestis curie et pro animarum suarum eorumque predecessorum et successorum salute, ut capellanus in eodem altari canonice instituendus congrue sustentari valeat in perhenne, dotaverint bonis possessionibus et redditibus infrascriptis, videlicet primo cum curia dicta des Hopplers hof sita in banno ville Ellgo^e4, que reddit annuatim septem modios tritici duo maltra avene duodecim solidos denariorum dictorum stebler unum quartale tritici de vinea sita ibidem spectante ad curiam eandem et sex pullos, item curia sita in Rúti⁵, quam colit Conr. dictus de Rúti, que reddit annuatim quinque modios tritici duo maltra avene et unam libram denariorum dictorum stebler, item redditibus decem quartalium avene quinque solidos et octo denarios monete stebler de possessionibus nominatis die Frigen guter sitis in Hútziken⁶ et in Ramsperg⁷, item prato sito in Furwangen⁸ contiguo pratis villanorum de Scho^enow⁹, item redditibus duorum quartalium tritici de curia dicta der Halb hof sita in Horgenswendi⁸ perpetuo solvendis, item dimidia curia dicta in dem Hof⁵, quam colit Johannes dictus Hůb, que reddit annuatim septem modios et duo quartalia tritici, item sex modios avene unum quartale fabarum et unum porcum voloris^c) quindecim solidorum denariorum stebler et unam cluppam lini in vulgari ainen koben^d) werchs unum eduum quinquaginta ova et unum pullum, item redditibus duorum modiorum tritici de altera media parte iamdicte curie dicte im Hof, quam colit V^olr. Keller, perpetuo dicto altari solvend(is), item hůba dicta des Sultzers hůb sita in Núnbrunnen¹⁰, que reddit annis singulis tres modios tritici unum maltrum avene octo solidos denariorum stebler unam cluppam lini in vulgari ain kloben werchs, item unum pullum et quinquaginta ova, item possessione dicta ze Stamphtal⁸ sita ze Niderhof¹¹ reddente annuatim duos modios tritici unum modium avene tres solidos denariorum Constanciensium et unum pullum, item redditibus duorum modiorum tritici de possessione dicta Heblis gůt sita in Balterswille¹² perpetuo solvend(is), item redditibus trium modiorum tritici unius libre et quatuor sol(idos) denariorum Constanciensium de curia dicta ze Selmatten¹³ perpetuo solvend(is), item redditus unius modii avene de possessione dicta ze Raffenspu^el¹⁴, quam colit Růdol. de Raffenspu^el, perpetuo predicto altari dand(os) et exsolvend(os), item redditibus quatuor urnarum vini puri mensure Thuricensis de vinea prefati domini Hermanni de Landenberg nominat(a) in dem Gerút¹⁵ sit(a) prope lacum Thuricensem, quam colit dictus Hensli et dictus Furwanger de porcione vini, quod crescit in eadem vinea ipsum dominum Hermannum seu eius heredes seu illum, qui dictam vineam possidet, contingentem dicto altari et eius capellano pro tempore existenti perpetuo solvend(is) sub tali eciam conditione, si aliquo annorum futurorum predicta vinea non redderet et proferret nisi quatuor urnas pro porcione predicti domini Hermanni sive illius, cuius protunc dicta vinea existit, quod eedem quatuor urne dicto altari et eius capellano sine diminutione debent persolvi et assignari, siquod contingeret ex permissione divina, quod porcio, que ipsi domino Hermanno de Landenberg seu illi, cuius protunc est vinea predicta, cedit foret minor quam quatuor urne, tunc eadem porcio sine diminucione dari et assignari debet capellano et altari predictis et capellanus altaris predicti de huiusmodi porcione, quamvis sit minor quam quatuor urne, pro ea vice contentari debet et de redditibus urnarum vini predicti debet protunc et pro illa vice fore et esse expeditus. Nobisque humiliter dominus Hermannus predictus suplicaverit^c), cum consensus venerabilis in Christo patris domini Georii abbatis monasterii sancti Galli¹⁶ patroni et dilecti in Christo domini rectoris ecclesie parrochialis in Turbaton ad hoc accesserint, quatinus ereccionem fundacionem construccionem et dotacionem altaris predicti cum articulis subscriptis auctoritate nostra ordinaria in dei nomine admittere approbare et confirmare ac eti(am)^e) redditus bona et possessiones suprascriptas prescripto altari unire incorporare annectere et totaliter applicare dignaremur pure propter deum, ita tamen, quod dicti altaris collacio provisio et presentacio capellani ad idem altare ad predictum dominum Hermannum von der Braitenlandenberg et ipso non existente ad ipsius filios et eisdem non existentibus ad eorum heredes semper tamen ad seniorem inter filios et heredes eosdem perpetuo pertineat et pertinere debeat. Quodque idem, ad quem huiusmodi presentacio ad altare predictum pertinet, personam ydoneam actu sacerdotem loci ordinario per eundem in dicto altari instituendum legitime infra duorum mensium spacium, quociens ipsum altare eciam modoquocumque vacare contigerit, presentet et presentare debeat, alioquin ipsius altaris collacio provisio et ad ipsum presentacio ad venerabilem patrem dominum abbatem monasterii sancti Galli patronum ecclesie in Turbaton pro tempore existentem pro ea vice devolvi debeat et devolvatur. Qui quidem dominus abbas patronus, si infra duorum mensium spacium, postquam collacio et provisio altaris predicti taliter ut premittitur ad ipsum devolvitur^f), personam ydoneam in sacerdocio constitutam ad altare predictum loci ordinario non presentabit, tunc eiusdem altaris provisio et collacio ad eundem, a quo pridem ad ipsum dominum abbatem fuit devoluta, debet reverti. Item quod capellanus altaris predicti, qui est vel erit pro tempore, in dicto altari residenciam facere debet personalem, et quod singulis septimanis perpetuo tres missas in dicto altari peragere teneatur. Quodque divinorum officiis, quociens in ecclesia Turbaton cum nota peraguntur, suppelliciatus concelebrando intersit et interesse debeat, et quod rectori sive plebano, qui in ecclesia Turbaton residet, inlicite et honeste obediat et cum necesse fuerit ipsum officiis in divinis et regimine subditorum coadiuvet. Nos igitur Hainr. episcopus Constanciensis predictus preamandum divinum cultum adaugeri et dei gloriam sublimari cupientes attentis consideratis et recensitis articulis et aliis suprascriptis, quia peticionem predicti Hermanni von der Braitenlandenberg racioni fore consonam invenimus, igitur construccionem ereccionem et dotacionem altaris predicti cum articulis prescriptis auctoritate nostra ordinaria in dei nomine admittimus approbamus auctorizamus et confirmamus sine preiudicio ecclesie parrochialis in Turbaton, bona quoque redditus et possessiones suprascriptas presentes et futuras dicto altari dat(os) et imposterum donand(os) eidem altari in dei nomine annectimus unimus incorporamus et totaliter applicamus presencium per tenorem, ita tamen, quod capellanus in eodem altari canonice instituendus singulis eius vacacionibus nobis et nostris in ecclesia nostra Constanciensi successoribus legitime presentetur. Nos eciam suplemus auctoritate nostra ordinaria omnem defectum, si quis ex aliqua sollempnitate omissa commissus foret quomodolibet in premissis. Et in premissorum omnium et singulorum evidens testimonium sigillum nostrum episcopale una cum sigillo prefati domini abbatis monasterii sancti Galli patroni ecclesie parrochialis in Turbaton presentibus duximus appendendum. Nos vero Georius abbas monasterii sancti Galli patronus ecclesie parrochialis in Turbaton predictus fatemur premissa omnia et singula fore vera nosque eisdem consensum nostrum adhibuisse et idcirco sigillum nostrum abbatiale una cum sigillo prefati domini nostri episcopi Constanciensis presentibus est appensum. Datum Constancie anno domini millesimo tricentesimo sexagesimo quarto, XVI. kln. mensis iunii, ind. secunda.

Source Fulltext: Chartularium Sangallense VIII, Nr. 4936, S. 131-133.