Rever(endo) in Christo patri ac domino suo domino Heinrico dei gracia episcopo Constan(ciensi)¹ . . capitulum ecclesie || sue Constan(ciensis) in omnibus reverenciam debitam et condignam. Ad ecclesiam parrochialem in Tal² || vestre Constan(ciensis) dyocesis vacantem ad presens per mortem quondam Mangoldi de Nellenburg³ || comitis ultimi et inmediati eiusdem ecclesie rectoris vestre reverencie, cum eiusdem ecclesie ius patronatus ad nos pleno iure dinoscatur pertinere, discretum Conradum de Ehingen⁴ sacerdotem predicte vestre ecclesie capellanum virum utique providum honestum et legalem et in hac parte habilem et sufficientem premissis tractatibus capitularibus et servatis sollempnitatibus debitis et consuetis pro rectore eiusdem ecclesie in Tal presentandum elegimus et presentibus presentamus, vestre reverencie devote supplicantes, quatinus ipsum Conr. sacerdotem de dicta parrochiali ecclesia in Tal et dono altaris eins investire et sibi curam animarum subditorum eius committere aliaque, que sibi de iure in hac parte impendenda et facienda fuerint, impendere et facere dignemini divine pietatis intuitu et huiusmodi nostre presentacionis ob respectum. In quorum omnium testimonium sigillum nostrum presentibus duximus appendendum, Datum in ecclesia Constan(ciensi) predicta, anno domini millesimo CCC^mo. LX. septimo, kln. aprilis, indictione quinta.

Source Fulltext: Chartularium Sangallense VIII, Nr. 5057, S. 240.