Allen^a) den, die disen brief an sehent lesent oder ho^erent lesen, kúnd ich Růdolf der Schenk von Landegg¹ bûrger ze Wil², daz || ich mit gůter vorbetrahtûng vnd beschaidenhait den beschaidenn kneht Johans den Molitor wilent Johans des Múllers von || Zůzwille³ elicher sûn, der min lehen was von dem erwirdigen gotzhûs ze sant Gallen, mit lib vnd mit gůt, so er ietz || hat oder noch gewinnet, fúr mich vnd alle min erben vnd nâhkomen redlich vnd reht verkoffet vnd han ze koffenne geben dem erwirdigen minen gena^edigen herren abt Geo^erien⁴ sinen nâhkomen vnd dem vorgeschriben sinem gotzhus ze sant Gallen vmb sehzehen pfûnt pfenning alles gůter vnd gena^emer Costenzer múns, dero ich gar vnd ôch alklich jezont von im bin gewert an den stetten, da ich minen nûtz vnd fromen mit geschaffot han. Ich han ôch dem vorgenemten minem herren abt Geo^erien den vorgenemten Johans Molitor mit lib vnd mit gůt an sin hand vfgeben vnd geuertegot, als reht sitte vnd gewonlich was, vnd darûmb verzih ich mich vorgenemter Růdolf Schenk vnd han mich och verzigen mit disem brief fúr mich vnd alle min erben gen dem vorgenemten minem herren abt Geo^erien gen sinen nahkomen vnd gegen dem vorgeschriben gotzhûs ze sant Gallen aller aigenschaft aller manschaft aller lehenschaft aller kûntschaft aller gewer lút vnd brief aller gemaind alles tailes alles erbes vnd erbschaft aller reht rehtûng vordrûng vnd ansprach, so ich an dem zů dem vnd von des vorgenemten Johans Molitors sines libes vnd sines gůtes wegen ie hatte gewan ald noch hinnenhin iemer gewinnen mo^eht mit gaistlichem ald mit weltlichem geriht oder ân reht ald mit kainen andren sachen. Ich han och gelobt, daz ich vnd min erben, ob ich nit wa^er, des vorgeschriben koffes vnd ôch des vorgenemten Johans Molitors reht wer sin sont nah reht gen aller maniglichem, wenn wa vnd wie dik sin der vorgenemt min gena^ediger herre abt Geo^eri sin nâhkômen daz vorgeschriben gotzhus vnd ôch der vorgenemt Johans Molitor bedurfent vnd notdúrftig sint, vnd sú ôch darûmb ze versprechenn vnd ze versta^enn an ir schaden, wenn wa vnd wie dik sú darûmb angesprochen geschadgot vnd vfgetriben werdent, ân alle geuêrd. Vnd ze ainer warhait vnd offem vrkúnd aller diser vorgeschribener ding vnd bedingde henk ich Růdolf der Schenk da vorgenemt min insigel fúr mich vnd alle min erben an disen brief. Der geben ist an dem na^ehsten zinstag nah sant Waltpurg tag in dem jar, do man zalt von gottes gebúrt drúzehenhundert jar, sehzig jar, darnach in dem sibenden jar.

Source Fulltext: Chartularium Sangallense VIII, Nr. 5065, S. 246-247.