Dem hohwirdigen fúrsten minem gna^edigen herren abt Georyen des || gotzhus ze sant Gallen¹ enb(iet) ich Eglolf von Vra² minen willigen || dienst vnd send v´ch vff an v´wer hant bi Herman Egger von sant || Gallen vnd mit disem brief Růdolfen Kalkoffner vnd alle Kalkoffner, die in dem Rintal gesessen sint, vnd a^ellú irv´ wip vnd irv´ kint, Elizabethen Benstinen, Annen ir swester vnd irv´ kint, Annen Rollinen, Margareten Strofflinen vnd darzů alle die lút, die ich vnd min brůder Růdolf von Vra von v´ch ze lehen hant, vnd bitt v´ch, die lihen miner lieben můmen Annen der Schenkinen³, Diethelms des Schenken von Salenstain⁴ elicher wirtenne, ze rechtem lehen. Vnd des ze warem vnd offem vrkv´nd hab ich der selb Eglolf von Vra min insigel gehenkt an disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem a^eht vnd sehtzigosten jar, an dem na^ehsten fritag vor v´nser frowen tag der liechtmisse.

Source Fulltext: Chartularium Sangallense VIII, Nr. 5114, S. 286.