Ich^a) Bernhart Vo^eli von sant Gallen burger ze V´berlingen¹ tůn kunt vnd vergich offenlich mit di||sem brieue fúr mich vnd fúr alle min erben vnd nachkomen allen, die in sehent lesent oder ho^erent lesen, || daz ich mit gůtem willen vnd mit wolbedahtem sinne mit den erwirdigen gaistlichen frowen der || a^ebtissinnen vnd dem conuent gemainlich dez gotzhus ze Maggenowe² von der sto^esse vnd misshellunge wegen, die wir von dez zins wegen, den sú vsser minem wingarten, der ze Stekboren³ ob der stat in dem múlhof⁴ ist gelegen, mainden ze habent, mit ainander lieplich vnd frúntlich [verricht]^b) vnd v´berain komen sigent, also daz ich der vorgenant Bernhart Vo^eli vnd alle min erben vnd nachkomen, in der [gewalt der selb wingart]^b) fúrbas iemer me [kumpt, der a^eptissinen vnnd dem conuent gemainlich des vorgeschribnen gotzhuß ze Maggeno^vw vnnd allen iren nachkomen vsser dem vorgeschribnen]^b) win[garten mit aller zů geho^erd nun fúrbaß hin]^b) iemer me eweklich vnd aller ja^erklich ân widerrede vff [sant Martis tag geben vnd richten]^b) súllent vnd in o^vch gebunden sigent [ze geben vnd]^b) ze richtenn ain phunt g[ůtes wachs on alle]^b) geua^erde Costentzzer gewihtes. Vnd dez alles ze ainem sta^eten wâren offen vrk[únd]^b) so han [ich]^b) der vorgenant Bernhart Vo^eli fúr mich vnd alle min erben vnd nâchkomen min aigen insigel gehenkt an disen brief. Der geben ward ze V´berlingen an dem na^ehsten samstag nâch sant V^olrichs tag in dem jâr, do man zalt von Cristus gebúrt drúzehenhundert jar, sehszig jar vnd darnâch in dem ahtoden jâre.

Source Fulltext: Chartularium Sangallense VIII, Nr. 5138, S. 309-310.