Allen den, die disen brieff ansechent oder ho^erend lessen, vergich ich Wernher von Bútikon¹ ritter vnd tůn kunt, das ich wolbeda^vchtlich mit gesundem libe vnd mit miner gůten frúnden ra^vt eins teils v´bereinkommen bin mit Walther von Búttikon minem vettern Heinrichs Walthers mines brůdern seligen elich sun in eines ste^aten rechten teiles wis dirr nachgeschriben gu^etern vnd lúten, der gu^eteren, so gelegen ist ze Ko^ellikon² in dem dorff vnd in dem twing vnd banne ze Ko^ellikon, die lechen sint von dem gotzhuse von sant Gallen, vnd die lúte, die lechen sint von dem selben gotzhuse von sant Gallen, vnd die lúte, die v´nser eygen sint, vnd die lúte, die wir haben ze lechen von der herschafft von Wolhusen³, vnd sint dise nachgeschriben gu^eter vnd lúte dem vorgeschriben minem vettern Walther ze teile worden, lechen fúr lechen eygen fúr eygen, als dauor geschriben sta^vt vnd hienach gesundert ist mit der geschriffte, des ersten der kelrhoff ze Ko^ellikon, als er geteilet ist, ze disem teil ho^ert die hoffstatt, die man nemmet Gebreite⁴, vnd stosset ze einer siten an der Saltzfro^vwen hofstat vnd ist ouch hinderus als lang als der Saltzfrowen hoffstatt vnd ze der anderen siten als verre, als es vß gezilet ist, vnd zů dirr vorgeschriben hoffstatt ho^erent diß nachgeschriben stúgk, der niderteile des agkers an der gebreiten, der oberteil des akers in der Ho^eli⁵, der oberteil des akers in der gebreiten in der mitlosten zelg, der oberteil des akers ze Endfeld⁶, der ober agker zem Eichlin⁷, der oberteil des agkers ze Múchein⁸, der niderteil des agkers im Bruche⁹, der oberteil der matten hinder der kilchen, der oberteil in Obra Matten¹⁰, der nider teile in der matten an der Túrri¹¹, der teil des akers vor dem gehúrste, der vorder die eyge lit, vnd der ander teil desselben agkers, der zů der rechten hand lit, so man von dem dorff in das holtz ga^vt, vnd stosset ouch an das geheide, der nider teil des agkers in dem Tangraben¹², der acker, der da lit am O^etlisperg¹³, da ho^ert der ober teil zů disem teil, der da stosset an Kechenhalden¹⁴, dir teil gilt jerlich V. mútt dingkeln V. mútt habern V. ß. dn. II. stufelhu^enr vnd ein vasnachthůn. So ist diß dir teil der gu^etern, die da vogtyge geben zů dem vorgeschriben teil des kelrshofs vnd ouch meyger ampt geben, in dem vorgeschriben teil des kelrshofs ein schůpos heisset Volkers schůposs lit in Nider Dorff¹⁵ vnd buwtz V^elin Smid vnd gilt II. mútt dingkeln III. vierteil habern II. stuffelhu^enr ein vaßnacht hůn, dú selbe schůpoß gilt ze meyger ampt ein halb viertel kernen ein viertel habern III. dn., ein schůposs lit in Niderdorff heisset Ru^edis Fryen schůpoß vnd buwetz Jennj Seiler vnd gilt II. mútt dingkeln III. vierteil habern II. stuffelhu^enr ein vaßnacht hůn, die selbi schůpoß gilt ze meyger ampt ein halb viertel kernen ein viertel habern III. dn., ein schůposs ist gelegen in Niderdorff vnd heisset Mosers schůpoß vnd gilt zwen mútt dingkeln vnd III. fiertel habern II. stuffelhu^enr ein vaßnacht hůn, vnd die selbe schůpoß git ze meyger ampt enhalb^a) viertel kernen ein viertel habern III. dn., ein schůpoß ist gelegen in Niderdorff vnd heisset Heinis gůt von Wile¹⁴ vnd buwetz Bertschi in Nider Dorffgilt zwen mútt dingkeln III. viertel habern II. stuffelhu^enr ein vaßnacht hůn, die selbe schůppoß git ze meyger ampt ein halb viertel kernen ein viertel habern III. dn., ein schůpoß heisset Walthers gůt in der Gassen vnd buwetz Ru^edin Kúbler vnd giltet zwen mútt dingkeln III. viertel habern II. stuffelhu^enr ein vaßnacht hůn, die selbe schůpoß git ze meyger ampte ein viertel kernen, ein schůpoß heisset Lútoltz gůt in der Gassen vnd buwetz Peter vnd Heini Jeggins gebrůder vnd giltet zwen mútt dingkeln III. viertel habern II. stúffelhu^enr ein vaßnacht hůn, die selbe schůpoß giltet ze meyger ampt zwei viertel habern VI. d., ein schůpoß heisset Grodener gůt vnd buwest^a) Jenni Seiler vnd gilt VIllI. viertel dingkeln III. viertel habern II. stuffelhu^enr ein vaßnacht hůn, die selbe schůpoß giltet zem meyger ampt ein halb viertel kernen ein viertel habern III. dn., ein schůpoß heißet Ernis gůt von Offtringen¹⁶ vnd buwetz Ru^edin Holtziger vnd gilt II. mútt dingkeln III. viertel habern II. stuffelhu^enr vnd ein vaßnacht hůn, die selben schůpoß gilt ze meyger ampt II. viertel habern VI. dn., ein schůpoß ist gelegen ze Obradorff¹⁷ vnd heißet V^elins Fryen schůposs vnd buwetz der jung Welti Múller vnd gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß giltet ze meyger ampt ein halb viertel habern II. dn., ein halb schůpoß heisset V^elins ze Niderost schůpoß vnd buwetz Ellin Wernhers von Holtzikon¹⁸ vnd giltet VI. viertel dingkeln II. viertel habern II. stuffelhu^enr ein vaßnacht hůn, die selbe halb schůpoß gilt ze meyger ampt ein mútt habern ein ß. d., ein halb schůppoß heisset Versúners gůt vnd buwetz V^elin der Beck vnd Claus Kůn sin brůder vnd giltet VI. viertel dingkeln II. viertel habern II. stuffelhu^enr ein vaßnacht hůn, die selb halb schůpoß git ze meyger ampt II. viertel habern VI. dn., ein schůpoß heißet Lero^vwers schůpoß vnd butz Gibelflů der suter vnd gilt VI. viertel dingkeln II. viertel habern II. stuffelhu^enr vnd ein vaßnacht hůn, dú selb schůpoß git ze meyger ampt ein halb viertel kernen ein viertel habern III. dn., ein halb schůposs heisset Saltzmans gůt vnd buwetz Anni Kulmes vnd gilt ein mút dingkeln anderhalb viertel habern II. stuffelhu^enr ein vaßnacht hůn, dú selb halb schůpoß gilt ze meyger ampt ein vierdung kernen ein halb viertel habern II. dn., ein halb schůpoß heisset Gisenstilz gůt vnd buwetz V^elin Gibelflů der suter vnd Swa^vb vnd Jennj Meyger von Holtzikon vnd gilt VI. viertel dingkeln II. viertel habern II. stuffelhu^enr ein vaßnacht hůn, die selb halb schůpoß git ze meyger ampt ein viertel habern III. dn., ein halb schůpoß heisset Tagmersellers gůt vnd buwetz Claus Kůn vnd sin brůder vnd gilt sibenthalb viertel dingkeln II. viertel habern II. stuffelhu^enr ein vaßnacht hůn, die selbe halb schůpoß git ze meyger ampt anderhalb viertel habern vnd IX. dn., ein hoffstâtt ist gelegen obenan an V^elin Hertzogen hoffstatt, da er mit huse vf sitzett, vnd buwetz Jennj Hertzog, gilt ein viertel dingkeln vnd ein vaßnacht hůn, die selbe hoffstâtt git ze meyger ampt ein halb vierdung kernen vnd ein vierdung habern, ein schůpoß heisset Dietschins gůt vnd buwetz Claus Kůn vnd sin brůder vnd gilt II. mútt dingkeln III. viertel habern II. stuffelhu^enr ein vaßnacht hůn, die selb schůpoß git ze meyger ampt II. viertel habern ein ß. d. vnd ein halb viertel kernen, ein widem schůpoß buwet Heini Jeggis vnd Peter sin brůder gilt II. mútt dingkeln III. viertel habern II. stuffelhu^enr vnd ein vaßnacht hůn, ein widem schůpoß buwet Anna Kulmiß git II. mútt dingkeln III. viertel habern II. stuffelhu^enr ein vaßnacht hůn, ein widem schůppoß buwet V^elin Múller vnd Heini Kůncz gilt II. mútt dingkeln III. viertel habern II. stupffelhu^enr vnd ein vaßnacht hůn, ein schůpoß heisset Holtzigers schůpoß buwet Heinj Stogker giltet VIj. mútt dingkeln II. viertel habern II. vaßnacht hu^enr, des ho^erent XIII. viertel dingkeln ein viertel habern ein vaßnacht hůn zů disem teil, die selbe schůppoß git ze meyger ampt ein vierdung kernen, des ho^ert ein halb vierdung zů disem teil, ein schůppoß heisset Kulmers gůt vnd buwetz Claus Kůn vnd sin brůder vnd giltet ein mútt dingkeln II. viertel habern II. vaßnacht hu^enr, des ho^erent in disen teil zwei viertel dingkeln I. viertel habern vnd ein vaßnacht hůn, die selbe schůppoß git ze meyger ampt anderhalb viertel habern I. ß. d., des ho^erent dry vierdung habern vnd VI. dn. in disen teil, ein schůpoß ist gelegen ze Muchein vnd ist V^elis Múllers vnd Elsin siner wirtinen von Ko^ellikon vnd buwetz V^elin von Suron¹⁹ vnd Claus sin brůder, die selbe schůpoß git ze meyger ampt in disen teil Ij viertel habern vnd IIII^or. d. Summa ist diß teiles der zinsen von dem vorgeschriben kelrshoff vnd gu^etern XI. rnalter dingkeln eins halben viertels minder vnd fúnfthalb malter habern vnd ein halb viertel haber vnd XL. stuffelhu^enr vnd XXIII. vaßnacht hu^enr. Summa ist des meyger amptes der vorgeschriben gu^etern VI. mútt habern V. viertel kernen VII. ß. dn. II. dn. vnd V. ß. zins phenning von kelrhoff. Dir vorgeschriben teil des kelrshoff vnd gu^etern sint alle lechen von dem vorgeschriben gotzhuse von sant Gallen. So sint diß die gotzhus lúte von sant Gallen, die zů disem teil ho^erent, des ersten Hentzi Switer von Murhoff²⁰, Greda Lerower von Ko^ellikon Jennis Littowers husfro^vw von Bo^esenwile²¹ vnd ellú ir kind, Hemna Gredin von Ko^ellikon Pentolin Zibis wip von Reyden²² vnd ellú ir kind, Ru^edin Lerower von Ko^ellikon, Lena Zophenbergs von Reyden Jennis Schlo^efflins wip vnd ellú ire kind, Verena Claus Lo^efflers wip von Stafelbach²³ vnd ellú ir kind, Gerin Verenen Lo^efflerin swester Jennis Baders wip von Staffelbach vnd ellú ir kind, Ru^edin Sto^eker von Ko^ellikon vnd V^elin Stogker von Scho^etz²⁴ sins brůder sun, Ellin von Husen Henis Walchs wip von Zell²⁵ vnd Wernlin Gerin seligen sun, ir tochter Greda We^altins seligen tochter am Bu^eel von Staffelbach, Heini Stogker von Ko^ellikon, Anna Kulmers von Ko^ellikon, die Clewins seligen Kulmers wip wazz, vnd ellú ire kind, Anna Ru^edins Herren wip von Wile vnd ellú ir kind, Greda ir swester Henis Frangken wip von Múlintal²⁶ vnd ellú ir kind vnd V^elin Múller von Ko^ellikon, Heni Jeggins von Ko^ellikon, Hans Vrsibach von Reyden vnd Nesa Moserin sin wip vnd ellú ir kind, Ru^edin Gretan von Ko^ellikon vnd Ita Bônwartin sin wip vnd ellú ir kind, V^elins Grâfen kind von Huntziswile²⁷, Ru^edin vnd Heini Anna vnd aber Heini, di Belinun seligen Lútinun kind waren, vnd V^elin Kulmes von Ko^ellikon, der des vorgeschriben Gra^vffen tochter hett von Huntziswil, vnd ellú ir zweyer kind. Diß vorgeschriben lúte sint alle lechen von dem vorgeschriben gotzhuse von sant Gallen. So sint diß die eygen lúte, die zů disem teile geho^erent, Hentze Kolisperg vnd Trina von Horwen vnd^b) sin wip vnd ellú ire kind, Peter von Scho^enentu^el²⁸, Heni Fryes von Húswil²⁹, Jenni von Húswil, den da^c) nemmt Hornbach, vnd sini kind, Weltin Singer von Wiggen³⁰ vnd Hennman Maruelsperg^d) sin wip vnd ir kind, Greda Túellera V^elins Wasmers wip von Gúndeltzwil³¹ vnd ellú ir kind, Jenni Littower von Bo^esenwil, Metzin Maruelsperg^d) Růdins Weibels tochter von Wiliso^vw³², Heni Ro^esch vnd Jeni sin brůder Gredan seligen sún von Horwen, Hartman Hemmen Smidinen sun von Reyden, E^abin von Horwen der junger, den man nemmet E^abin Wirtz, vnd Ita sin wirtin vnd ellú ir kind, V^elin vnd Jenni Claus Swa^vbs sún von Ko^ellikon, die Greden Menten seligen sún warent sins erren wips Gerin von Horwen, Blo^essis wip von Offtringen vnd ellú ir kind, Claus von Schu^enentu^el, den mann nemmet Claus Weber, E^abi von Horwen vnd Claus sin brůder Hennman seligen sún von Horwen, die ze Bendwilr¹⁴ gesessen sint, Johans Núdorff von Warperg³³ der alt, Gerins Kellers von Ko^ellikon Jans Kellers wip von Kollikon vnd ellú ir kind, Katherina von Horwen Cu^entzis Hellers wip von Liestal³⁴ vnd ellú ire kind, V^elin Meygers seligen kind von Horwen, Johans vnd Greda sin swester, Johans We^achter von Sissach³⁵ Cu^entzis We^achters sun von Sissach, der Me^atzinen seligen sun wazz von Horwen, Ru^edin Fuchs von Lerow^e36 vnd Katherina von Horwen sin wip vnd ellú ir kind vnd Adelheit Claus Sigristen tochter, von^e) Ru^edi Jennj Fuchs von Atelwil³⁷, den man nemmet Jenni Bumans Henrices kind von Kloten³⁸, die Belman seligen kind warent von Vffhusen³⁹, die des vorgeschriben Henrices eliche wirtin wazz. Diß vorgeschriben lúte sint alle eygen. Diß sint die lechenlúte von der herschafft von Wolhusen, die zů disem teil ho^erent, des ersten Claus Rentz von Langno^vw⁴⁰, Gredi von Liebingen⁴¹, daz Heinis seligen von Liebingen swester tochter wazz, den man nemmet Henni Gra^vf, Heni von Notwilr⁴² vnd sine kind, V^elin Hanegger von Bo^esenwil vnd Elsa sin wip vnd ellú ir kind vnd Belin ir tochter Claus Ko^ellikers wip vnd ellú ir kind, diß vorgeschriben lúte sint lechen von der herschafft von Wolhusen. Ich der vorgeschriben Wernher von Búttikon entziehe mich ouch teiles vnd aller gemeinschafft vnd aller rechtung vnd ansprach an disen vorgeschriben gůtern vnd lúten, als hie vorgeschriben sta^vt, in des vorgeschriben Wather^a) mines vettern hand Heinrichs Walthers seligen mins brůders seligen elichen sun. Ich der vorgeschriben Wernher von Búttikon vergich ouch, das dirr vorgeschriben teile des kelrhoffs vnd der gu^eter beliben son vnd haben son alle die rechtung vnd ehaffte, die si gehept hand vntz vff disen húttigen tag, als dirr brieff geben ist vnd dirr teile geschehen ist, mit agkern mit matten mit zwigen mit wasen mit wasser mit wasserrúnsen mit wunn mit weide mit holtze mit velde mit stege mit wege mit vffart mit abfart mit aller der ehafftige vnd rechtung, als si ie dahar kommen sint, sunderlich vergich ich der vorgeschriben Wernher von Búttikon, das dirr vorgeschriben teile des kelrshoffs vnd der gu^etern so^ellent haben gemeinen ho^w in den ho^eltzern vnd in den welden ze Ko^ellikon brennholtz gemeinlich als die andern gu^etern, die da gelegen sint, zirnmerholtz ze húsern vnd ze spichern, als digk vnd als vil als si sin notdúrfftig sint vnd die, die dise gu^eter buwent, a^vne alle geuerde. So ist dirr nachgeschriben teil des kelrshoff vnd der gu^eter vnd der lúten mir dem vorgeschriben Wernher von Búttikon ze teile worden, des ersten des kelrhoffs die hoffstatt, der dauor an den kilchhoff stosset vnd zer andern siten an den bach, der fúr die kilchen inha rinet, zů dirr vorgeschriben hoffstatt ho^erent die nachgeschriben stugk, der oberteil des agkers in der Breitin, der nider teile des akers in der Ho^elin, der nider teile des agkers in der Breitin in der mittlesten zelg, der nider teile des agkers ze Endfeld, der nider agker zem Eichlin, der nider teil des agkers ze Muchein, der oberteil des agkers in Bru^ech, der nider teil der matten hinder der kilchen, der nider teil in obrer matten, der ober teil der matten an der Túrrj, der teil des agkers vor dem gehúrste, der da stosset an die hoffmatte, der ander teil desselben akers, der da stosset an das geheyde by dem weg ab, der oberteil des agkers in den Tangraben, der agker, der da lit am O^etlisperg, da ho^ert der nider teil ze disem teil, der da lit vff dem hag by den matten, dirr teil git jerlich V. mútt dingkeln V. mútt habern V. ß. d. II. stuffelhu^enr vnd ein vaßnacht hůn. So ist dirr teil der gu^etern, die da vogtye geben zů dem vorgeschriben teile des kelrshoff vnd ouch meyger ampt geben in den vorgeschriben teil des kelrshoff, ein schůpoß lit in Nider Dorff vnd heisset V^elins ze Niderest schůpoß vnd buwetz ietz V^elin Smid vnd gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß git ze meyger ampt ein halb viertel kernen ein viertel habern III. dn., ein schůpoß ist gelegen in Nider Dorff vnd heisset Frygen schůpoß vnd buwetz Anna Go^esker vnd giltet zwey mútt dingkeln vnd III. viertel habern II. stuffelhu^enr ein vaßnacht hůn, die selbe schůpoß git ze meyger ampt ein halb viertel kernen ein viertel habern III. d., ein schůpoß ist gelegen in Nideren Dorff vnd heisset Mosers schůpoß vnd buwentz Rotriser knaben vnd giltet II. mútt dingkeln III. viertel habern vnd II. stuffelhu^enr ein vaßnacht hůn, die selb schůpoß git ze meyger ampt ein halb viertel kernen ein viertel habern III. d., ein schůpoß ist gelegen in Nideren Dorff heisset Hilferdingers schůpoß vnd buwetz Claus Chůn vnd sin brůder Ru^edin Stogker vnd V^elin Hertzog gilt II. mútt dingkeln III. viertel habern zwei stuffelhu^enr ein vaßnacht hůn, die selbe schůpoß gilt ze meyger ampt ein halb viertel kernen ein viertel habern III. dn., ein schůpoß ist gelegen in Nideren Dorff heisset Cůntzis Prijen schůpoß vnd buwetz Johans Seiler vnd gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß gilt ze meyger ampt ein halb viertel kernen ein viertel habern III. dn., ein schůpoß heisset Conratz schůpoß in der Gassen vnd buwentz Peter vnd Henj Jeggis sin brůder gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß gilt ze meyger ampt II. viertel habern VI. dn., ein schůpoß heisset Sengers schůpoß vnd buwetz Sifrit Metun git VIllI. viertel dingkeln III. viertel habern II. stuffelhu^enr ein vaßnacht hůn, die selbe schůpoß git ze meyger ampt ein halb viertel kernen ein viertel habern III. d., ein schůpoß heisset E^arnis schůpoß von Offtringen vnd buwentz Ru^edin Vorster vnd Hennj sin brůder vnd gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß git ze meyger ampt II. viertel habern VI. dn., ein schůpoß heisset Hans Egloffs schůpoß vnd buwetz Ru^edin Gretun vnd gilt II. mútt dingkeln III. viertel habern II. stuffelhu^enr ein vaßnacht hůn, die selbe schůpoß git ze meyger ampt V. viertel habern XV. dn., ein schůpoß heisset Tu^elers schůpoß vnd buwetz Cu^entzlin Seyler vnd gilt VI. viertel dingkeln II. viertel habern II. stuffelhu^enr ein vaßnacht hůn, die selbe schůpoß gilt ze meyger ampt ein mútt habern I. ß. d., ein halb schůpoß heisset der Rittrin schůposs vnd buwetz V^elin Hertzog vnd gilt VI. viertel dingkeln II. viertel habern II. stuffelhu^enr ein vaßnacht hůn, ein schůpoß heisset Lerowers schůposse vnd buwetz Claus Cůn vnd sin brůder vnd git VI. viertel dingkeln II. viertel habern II. stuffelhu^enr ein vaßnacht hůn, die selbe schůpoß git ze meyger ampt ein halb viertel kernen II. viertel habern I. ß. d., ein halb schůpoß ist gelegen in Nider Dorff vnd heißet Kúttingerin schůpoß vnd buwetz Anna Go^esker vnd gilt ein mútt dingkeln Ij. viertel habern II. stuffelhu^enr ein vaßnacht hůn, die selbe halb schůpoß git ze meyger ampt ein vierdung kernen ein halb viertel habern II. d., ein halb schůpoß heisset Weltins Hertzogen schůpoß vnd buwetz Ru^edi Greton vnd V^elin Gibelflů der suter Swa^vb von Holtzikon gilt VI. viertel dingkeln II. viertel habern II. stuffelhu^enr ein vaßnacht hůn, ein halb schůpoß heisset Heinr. vnd Joh. schůpoß von Holtzikon vnd buwetz Welti Keller Welti Smid Jeni Seiler vnd gilt III. viertel dingkeln ein viertel habern II. stuffelhu^enr ein vaßnacht hůn, die selb halb schůpoß git ze meyger ampt ein viertel habern III. d., Búrgenders gůt gilt ein mútt dingkeln vnd buwetz V^elin Smid vnd V^elin Hertzog, dasselbe gůt git ze meyger ampt ein vierdung kernen vnd ein viertel habern, ein hoffstatt ist gelegen vnder an Dyemon agker buwet Anna Kulmeß giltet ein viertel dingkeln ein vaßnacht hůn, die selb hoffstatt git ze meyger ampt ein halben vierdung kernen ein vierdung haber, ein widem schůpoß die buwet Ru^edin Stogker vnd sin brůder vnd gilt II. mútt dingkeln III. viertel habern II. stuffelhu^enr ein vaßnacht hůn, ein widern schůpoß buwet Ru^edin Gretun vnd git II. mútt dingkeln III. viertel habern II. stuffelhu^enr ein vaßnacht hůn, ein widern schůpoß buwet Joh. Keller vnd gilt II. mútt dingkeln III. viertel habern II. stuffelhu^enr ein vaßnacht hůn, ein widem schůpoß buwet Greda Kellerin vnd gilt zwen mútt dingkeln III. viertel habern II. stuffelhu^enr ein vaßnacht hůn, ein schůpoß heisset Holtzikers schůpoß vnd buwetz Heini Stogker vnd giltet VIj mútt dingkeln II. viertel habern II. vaßnacht hu^enr, des ho^erent XIII. viertel dingkeln ein viertel habern ein vaßnacht hůn zů disem teil, die selbe schůpoß git ze meyger ampt ein vierdung kernen, des ho^ert ein halb vierdung ze disem teil, ein schůpoß heisset Kulmeß gůt vnd buwetz Claus Chůn vnd sin brůder vnd git ein mútt dingkeln II. viertel habern II. vaßnacht hu^enr, des ho^erent zwey viertel dingkeln vnd ein viertel habern vnd ein vaßnacht hůn zů disem teil, die selbe schůpoß git ze meyger ampt Ij. viertel habern I. ß. d., des ho^erent III. vierdung vnd VI. dn. zů disem teil, ein schůpoß ist gelegen ze Muhein vnd ist V^elins Múllers vnd Elsin siner husfrowen von Ko^ellikon vnd buwetz V^elin von Suren vnd Claus sin brůder, die selbe schůpoß git ze meyger ampt III. vierdung kernen in disen teil. Summa ist dirr Zinsen von dem vorgeschriben teil des kelrhoffs vnd gu^eter XI. malter dingkeln V. malter habern eins halben viertels minder vnd XXXX. stuffelhu^enr vnd XXIII. vaßnacht hu^enr. Summa ist des meyger amptes VI. mútt habern vnd ein halb viertel habern V. viertel kernen VIj. ß. d. vnd II. d. vnd von dem vorgeschriben teil des kelrhoffs V. ß. zinsphenning. So sint diß die gotzhuse lúte von sant Gallen, die zů disem teil ho^erent, des ersten Cu^entzi Switer von Murhoff, Ita Volker Ru^edis Be^atzlers wip vnd ellú ir kind vnd Hemma ir tochter vnd ellú ir kind, Belin Volker vnd ellú ir kind vnd V^elin Dyemon von Ko^ellikon, Katherina Mauersperg^d) vnd ellú ir kind, Ita Lerowerin von Ko^ellikon vnd ellú ir kind, Henj Bonwart von Ko^ellikon, Anna Go^eskar von Ko^ellikon vnd ellú ir kind, Greda am Bu^el Claus Swa^vbs wip von Holtzikon vnd ellú ir kind, Weltin Múller von Zell vnd sin tochter vnd ellú ir kind, Peter Jegkins von Ko^ellikon, Greda Peter Frutingers wip vnd ellú ir kind, Claus Annan vnd Elsi sin swester vnd Belin sin swester Henis Wernhers wip vnd ellú ir kind, Ru^edin Kúbler von Ko^ellikon, Sifrit Mente von Ko^ellikon vnd Elsi Mosers Vrsibachs wips swester von Reyden. Diß vorgeschriben lúte sint lechen von dem vorgeschriben gotzhuse von sant Gallen. So sint diß die eygen lúte, die zů disem teil ho^erent, des ersten Jeggli Fryes von Húswil vnd Nesa sin wip vnd ellú ir kind, Wernher von Schu^enentu^el, Nycklin von Húswil Jennis Hornbachs brůder von Húswil, Wernher Singer von Rogliswil⁴³ vnd ellú ir kind, Katherina Tu^ellera Wanners wip von Ne^abikon⁴⁴ vnd ellú ir kind, Elli Tu^ellera V^elis Busantz seligen wip vnd ellú ire kind, Greda von Schu^enentu^el Peters vnd Wernhers swester von Schu^enentu^el, Ru^edin Be^atzler vnd sine kind, die er by sinem erren wip hatt, Littowers swester, Ru^edin Snider Greden seligen sun von Horwen, Kristan von Liebegg⁴⁵, V^elin Strúblin von Reyden, A^ebin von Horwen der eltest, Jennj Meyger von Horwen vnd sine kind, die er by sinem erren wip hatt, Trina He^atzlin von Howen^a) die begina vnd ir kind, V^elin We^achter von Sissach Cu^entzis We^achters sun von Sissach, der Metzinen seligen sun wazz von Horwen, Elli Wibrin von Ko^ellikon vnd ellú ir kind, Claus Weber von Ko^ellikon ir brůder, Jennj Gasser, Cu^entzi Fuchs von Lerow vnd sini kind, Dietschin von Horwen vnd Jennj sin brůder, die Hemmen seligen sún von Horwen waren, die ze Bendwil gesessen sint, der alt Juri von Múlital vnd V^elin sin sun, Welti Keller von Ko^ellikon vnd V^elins seligen sins brůder kind, V^elins Meygers seligen kind von Horwen, Ru^edin vnd Katherin sin swester. Diß vorgeschriben lúte sint alle eygen. So sint diß die lechen lúte der herschafft von Wolhusen, des ersten Heni Rentz von Langnow, Belin Henis seligen wip von Liebingen, den man nant Heni Gra^vf, vnd ellú ir kind, Greda von Liebingen des vorgeschriben Heinis von Liebingen swester vnd ellú ir kind. Diß vorgeschriben lúte sint lechen von der herschafft von Wolhusen. Ich der vorgeschriben Wernher von Búttikon vergich, alles des von mir hie vor an disem brieff geschriben sta^vt ste^ate ze hand vnd dawider niemer ze tůnde noch niemand ze gehellent, der dawider tůn wo^elte, weder mit geistlichem gerichte noch mit weltlichem noch mit keinem fund, der funden ist oder noch funden mo^echte werden, sunderlich entzieh ich mich, als man spricht, gemein entziehen veruache nit. Ich der vorgeschriben Wernher von Búttikon hengke min eygen ingesigel an disen brieff zů einer vergicht vnd warheit alles des, so von mir hieuor geschriben sta^vt an disem brieff, vnd hân ouch gebetten Mathysen von Búttikon ritter vnd Johansen von Búttikon mine vettern, daz si ir ingesigel hengken an disen brieff zů einer meren zúgsami vnd warheit alz des, so von mir hieuorgeschriben sta^vt an disem brieff, daz ouch ich Mathys vnd Johans getân haben durch bette willen hern Wernhers v´nsers vetters. Dir teil ist beschechen vnd dir brieff gegeben des jares, do man zalte von gottes gebúrte drúzechenhundert jâr vnd sechzig jâr, darnach in dem achtenden jare, an sant Johans a^vbent des Touffers, den man da nemmet ze súnngicht.

Source Fulltext: Chartularium Sangallense VIII, Nr. 5134, S. 300-307.