Allen, die disen brieff sehend oder ho^errend lesen, kúnd ich Burkart der Schenk von Casteln¹ vnd vergich offenlich mit disem brieff fúr mich vnd min erben, das ich mit gůter vorbetrachtung den hoff ze Enkhusen² by Helfenswil³ gelegen, der min recht eigen wz, mit hus mit hoff mit múlinen mit akern wisen mit wasser mit wasser flússen mit wegen mit stegen mit allen rechten nútzen vnd gewonheiten vnd mit allem dem, so dar zů geho^ert, recht vnd redlich verkoufft vnd ze kouffen geben han fúr recht ledig eigen den ersamen Bartlome vnd Johansen den Blarern vnd Joh. am Boll pfleger vnd meister des spitales ze sant Gallen⁴ ze desselben spitals handen vmb hundert vnd fúnff pfund pfenning gůter Costentzer múntz, der ich gantz bezalt bin vnd in min nutz bekert han. Den selben hofze Enkhusen han ich mit allen rechten vnd zůgehorden den egenanten pflegern zů des obgenanten^a) spitals handen frilich vnd ledklich vff geben vnd ze iren handen bracht, als recht sitten vnd gewonlich was vnd als es krafft haben sol durch reht. Ich han mich ouch verzigen^b) verzich mich mit disem brieff fúr mich vnd min erben aller eigenschafft lehenschafft kuntschafft aller gewer lút vnd brieff alles geistlichen vnd weltlichen rechtes aller vordrung vnd ansprach aller recht vnd rechtung, so ich ald min erben von des vorgenanten hofs wegen ze Enkhusen mit aller zůgehord je gehebt haben ald hinnenhin jemer gewinnen mo^echtind. Dar zů han ich gelopt mit miner trúw fúr mich vnd min erben vnd v´ns dar zů gebunden mit disem brieff, dz wir des vorgenanten hoffs Enkhusen mit aller zůgehord fúr ledig eigen wern sond sin nach eigens recht vnd den obgenanten spital vnd sin pfleger vnd meister a^vn ir schaden dar vmb ze versprechen vnd ze versta^vn gen menklichem an allen gerichten an allen stetten, wie dik si des bedurfen vnd darumb mit dem rechten vffgetriben werdent. Tetin wir des nit, wie denn die vorgenanten pfleger ald der vorgenant spital des ze schaden kommt, wie ald von wz sachen dz kunt, den schaden sond ich vnd min erben inen gantzlich ablegen, vnd han inen fryes vrlob geben vnd vollen gewalt fúr mich vnd min erben, das si mich vnd min erben darumb pfenden vnd angriffen mugent in stetten vff dem land an lút an gůt, es sig mit gericht ald^c) daran als vil, vntz inen der selb schad gantz abgeleit wirt vnd vnschadhafft worden sind. Hieuor sol mich min erben noch v´nser lút vnd gůt nit schirmen weder geistlich noch weltlich gericht stettrecht burgrecht lantfrid lantrecht noch kein ander sach a^vn geuerd. Vnd ze vrk(únd) so han ich Burkart der Schenk von Casteln min insigel fúr mich vnd min erben gehenkt an disen brieff. Der geben vff Symonis et Jude nach gotz gebúrt drúzehenhundert vnd sechzig jar, dar nach im achtenden jare.

Source Fulltext: Chartularium Sangallense VIII, Nr. 5152, S. 321.