Ich^a) Hainrich der Schnetzzer burger ze Veltkirch¹ kúnd vnd vergich offenlich an disern gegenw´rtigen brief allen den, die in an sehent oder || ho^erent lesen, daz ich mit gůter vorbetrâchtung na^vch ra^vt miner frúnd vnd erben vnd mit willen gunst vnd ra^vt dez edlen hoherbornen || mines gna^edigen herren grauf Růdolfs von Montfort² herren ze Veltkirch ze ko^vffent geben ha^vn recht vnd redlich aigenlich ains siechten || ewigen koufes dem erwirdigen herren apt Hainrichen dez gotzhus vnd dem conuent gemainlich ze sant Johann³ gelegen in dem Turtal in Costentzer bistum vnd allen iren na^vchko^vmen disú nachgeschriben minú aigenú gu^eter, dez ersten den wingarten ze Martina^etsch⁴ gelegen an der Halden⁵ ze Montfort⁶ ob dez Marschalks wingarten, den bo^vngarten vnd infang ze Martina^esch gelegen hinder dem selben wingarten, die muli vnd múli stad ze Willer⁷ hus hof vnd hof raiti mit aller zů geho^erd, den infang vnd hofstat, da Philipp ab der Halden vf sitzet, sehs mannma^vd stro^ewimad vf Gurx⁸ an Maridre⁹, zway mann mad wis wahs gelegen an der Râtzen¹⁰ genant dú Langwise¹¹, ain acker in Willer Veld¹², den man nempt den Aigen acker⁹, ain juchart ackers an der gebraiten, ain morgen ackers genant in der Islen¹³, den acker genant in dem Kremen¹⁴, vier mann mad wiswachs sind halb Josen Marschalks von Montfort vnd ain mann mad riet wachs gelegen ob dez Hellers graben, daz mann nempt Esel mad⁹. Dis obgenanten wingarten múli gůt vnd gu^eter mit grund mit gra^vt acker wisan holtz veld wild vnd zam mit wasen mit zwy mit wasser vnd wasserflússen mit steg mit weg mit wun mit waid mit aller zů geho^erd vnd rechten ha^vn ich dem obgenanten erwirdigen herren apt Hainrichen dez gotzhus vnd dem conuent gemainlich gelegen ze sant Johann in dem Turtal in Costentzer bistum vnd allen iren nachkomen ains schlechten ewigen koufes ze ko^vffent geben fúr vnbekúmbert ledig aigen gu^et vmb hundert pfunt vnd zehen pfunt pfenning allez gůter vnd genger Costentzer múns, der ich aller nach ||
minem willen gar vnd gentzlich von inen gewert bin vnd in minen redlichen nutz komen vnd bekert sint, dez allez ich vnd min erben der obgenanten herren dez conuentz dez gotzhuses gemainlich gelegen ze sant Johann in dem Turtal in Costentzer bistům vnd aller ir nachkomen vmb disen ewigen ko^vf der obgenanten gůt vnd gu^eter gůt wern sin so^ellint nâch recht, wa es inen iemer notdúrftig wirt an gaistlichen oder an weltlichem gericht. Vnd daz dis allez war fest vnd sta^et belib, so henk ich obgenanter Hainrich der Schnetzer min aigen insigel an disen brief. Dar zů ze merer sicherhait so ha^vn ich gebetten den obgenanten minen gna^edigen herren grauf Růdolf^b) von Montfort disen brief besigeln min sinem aigen insigel. Ich grauf Růdolf von Montfort herre ze Veltkirch kúnd vnd vergich offenlich an disem brief, daz dirr obgenant kouf mit minem willen gunst vnd raut vollefu^ert vnd beschehen ist, vnd ze vrkúnd dis koufes vnd durch siner bett willen so henk ich minen aigen insigel an disen brief. Der ze Veltkirch geben ward dez jares, do man zalt von Cristus gebúrt drúzehen hundert jar, dar nach in dem núnden vnd sehtzigosten jar, an dem na^echsten zinstag vor sant Martis tag.

Source Fulltext: Chartularium Sangallense VIII, Nr. 5194, S. 364-365.