Wir Karl von gotes gnaden Romischer keiser zu allen zelten merer des reichs vnd kunig || zu Beheim embieten dem burgermeister dem rate vnd den burgern gemeinlich || der stat von sante Gallen vnsern vnd des reichs lieben getrewen vnser gnade vnd || alles gut. Lieben getrewen, vmb die gewonlichen stewre, die ir vns vnd dem reiche jerlich schuldig seit zu geben, empfelhen wir ewren trewen vnd gebieten euch ernstlichen by vnsern vnd des reichs hulden, das ir dieselbe stewre vff sante Mertins tage, der schierest kunfftig ist, vber ein jar dem edeln Rudger Mannes burgermeister zu Zu^erych¹ vnserm lieben getrewen gebt vnd bezalet von vnserr vnd des reichs wegen, vnd wenne ir das getut, so sagen wir euch derselben stewre von dem zukunfftigen jare quyt ledig vnd lozz. Mit vrkund ditz briefs versigelt mit vnserr keiserlichen maiestat insigel. Der geben ist zu Budissin nach Cristus geburte drewtzenhundert jar, darnach in dem newn vnd sechtzigsten jare, an dem nehsten donerstage nach sante Seuers tage, vnser reiche in dem vier vnd czweintzigsten vnd des keisertums in dem funffczenden jare.

Source Fulltext: Chartularium Sangallense VIII, Nr. 5193, S. 363.