Ich^a) Bilgri Rusinger von Rappreswile¹ burger ze Rappreswile kúnd vnd vergich offen||lich mitt disem brief allen, die in ansechent lesent oder ho^erent lesen, von der || sto^esse wegen, als ich lang zit gehept ha^vn mitt der erwirdigen frowen fro Klaren || von Lindenberg a^ebtischen des closters ze Ta^enniken² sant Bernhartz orden vnd och mitt dem conuent gemainlich des egenanten closters von ainer ansprach wegen, die ich zůtz in gehept ha^vn vmb fier garben, die si mir ja^erklich gegeben so^eltent ha^vn von ainem akker, der gelegen ist ennent dem krúze vor dem ebenemten closter an Hormeiger preten, der selben sto^ese ich mitt in úber ain komen bin vnd och mitt in bericht bin, da bi gewesen ist der erwirdig herr apt Hainrich abt des gotzhus ze Rúti³, also mitt sa^emlichem geding vnd mitt so^elicher beschaidenhait, dz die e benemten gaistlichen^b) des ob genanten Bilgris des Rusingers swecher sa^elgen, der do hiest V^olrich von Bu^etzswile⁴, vnd fro Ma^echthilden sa^elgen siner elichen husfrowen ja^erklich gedenken sont an ir iarzit vnd ir iarzit began sont, vmb dz selb ich inan die ansprach vff gigeben ha^vn also mitt sa^emlicher geding vnd beschaidenhait, dz ich noch all min erben vnd all min nachkomen niemer kain anspra^vch an dz ob benemt gůt haben sont noch bekrenken sont die ebemten^c) frowen vnd ir nachkomen von des akers wegen vnd de ob benemten garben. Won nun der e benemt apt Hainrich bi diser richtung gewesen ist vnd och in sinem closter beschechen ist, so habent wir in ze baiden siten gibetten ich vnd och die frowen, dz er sin insigel gehenkt ha^vt an disen brief, vnd och dar vmb, dz dis allis sta^et vnd vest belib vnd sig, so henk ich o^vch der obnemt^c) Bilgri Rusinger min insigel an disen brief. Der gegeben ist an dem tag, do man zalt von gottes gebúrt trúzechenhundert jar, dar nach in sibentzgosten iar, an sant Martis abent.

Source Fulltext: Chartularium Sangallense VIII, Nr. 5250, S. 440-441.