Allen den, die disen brief ansehent lesent oder ho^erent lesen, tu^en wir die nahgenemten fro^v V^edelhilt Hugen sa^eligen des Tummen¹ elichi || tochter wilent Walthers sa^eligen des Mayers von Altstetten² elichi husfrow, Jos vnd Walther die Mayer von Altstetten³ gebrůder || ir elichen sún kund vnd veriehent offenlich mit disem brief fúr v´ns vnd fúr alle v´nser erben, daz wir mit gůter vorbetrahtung || vnd beschaidenhait nah v´nser frúnd vnd^a) erber lút helff vnd rat lieplich vnd gu^etlich gar vnd gantzlich verrihtet sigen vnd ainer gůter sta^eter vnd fester rihtung v´berain komen mit dem erwirdigen v´nserm gena^edigen herren abt Georien von gottes gnâden abt des gotzhus ze sant Gallen⁴ vmb alle die sto^ez vnd missehellung vordrung vnd ansprachen, so wir zů im vnd zů dem selben gotzhus ie gehept haben vntz vff disen húttigen tag, als dirre brief geben ist, wie die vfgelo^vffenn sint oder wie die genemt sint vnd gehaissen, vnd besunder von diser nahgeschriben gu^eter wegen, sú sigent aigen lehen oder pfand, vnd sint dis dú gu^eter, das nider burgstal ze Altstetten⁵, die múli vnd seg ze Altstetten, die hofstatpfenning vnd schafpfenning ze Altstetten, fa^elle vnd gela^est ze Altstetten, der Bu^elhof⁶ ze Elgo^ew⁷, dú gu^eter vnd ho^ef ze Matzingen⁸ vnd ze Wengi⁹, wo dú gelegen sint oder wie sú genemt sint, also mit der beschaidenhait, das v´ns den vorgenemten Josen vnd Walther den Mayern gebru^edern v´nser vorgenemter herre abt Geori oder sin nahkomen, ob er enwa^er, fúr die selben reht vnd rehtung vordrung vnd ansprach, so wir zů den vorgeschriben gu^etern ie gehept haben oder haben rno^ehten von reht oder von gewonhait, vnd fúr alle die vordrung vnd ansprachen, so wir zů im vnd dem selben gotzhus ie gehept haben vntz vff disen húttigen tag, als dirre brief geben ist, es sie benempt oder vnbenemt, aintwederm vnder v´ns zwain gebrůdern oder dem, dem wir es dann vordrent vnd můtent, die ersten kilchen, so im^b) nâh disem húttigen tag, als dirre brief geben ist, von disen nahgeschriben kilchen ledig wirdet, lihen sol ân geua^erd, si gelt vil oder lútzel, vnd sint dis die kilchen, die kilch ze Swarzenberg¹⁰, die kilch ze Berg¹¹, die kilch ze Stainach¹², die kilch ze Ho^est¹³, die kilch ze Hagenwille¹⁴, die kilch ze Rumeshorn¹⁵, die kilch ze Herisow¹⁶, die kilch ze Watwille¹⁷, die kilch ze Obern Búrron¹⁸ vnd die kilch ze Nidern Búrron¹⁹, vnd sol och v´ns des also benu^egen, vnd haben och wir gelopt mit gůten trúwen, das wir noch v´nser erben noch nahkomen noch nieman andrer von v´nsern wegen noch an v´nser stat v´nsern vorgenemten herren abt Georien sin nahkomen noch das vorgeschriben gotzhus noch nieman andren von sinen wegen von diser vorgeschriben gu^eter sto^ez vnd missehellung wegen niemer bekúmberren vftriben noch ansprechen sont weder mit reht noch ân reht noch mit dekainen andren sachen, vnd wann och v´nser vorgenemter herre abt Geori v´nser dewedrem oder dem, dem wir es vordrent vnd můtent, die ersten der vorgeschriben kilchen ain, so v´ns ledig wirdet, als vorgeschriben stat, lihet mit siner hand oder mit sinem offenn brief, so ist er sin nahkomen vnd das vorgeschriben gotzhus dannenhin von der selben kilchen wegen von v´ns vnd von v´nsern erben gantzlich vnd gar ledig vnd los vnd sint v´ns dannenhin darumb noch dauon nút mer haft noch gebunden ze tu^end. Vnd des ze ainer warhait henken wir die vorgenemten V^edelhilt Tunnin^c), Jos vnd Walther die Mayer von Altstetten gebrůder v´nsri insigel an disen brief. Der geben ist ze Wil²⁰ an dem na^ehsten ma^entag vor sant Gallen tag in dem jar, do man zalt von gottes gebúrt drúzehenhundert jar, sibenzig iar, darnach in dem andern jar.

Source Fulltext: Chartularium Sangallense VIII, Nr. 5327, S. 517-518.