Allen^a), die disen brief ansehent oder ho^erent lesen, kúnd vnd verijch ich Vrsula¹ Johansen Rosenhartz² sa^eligen || wîlont elichú wirtinn, dz ich mit gůter vorbetrachtung nach miner gůter frúnd rât vnd sunderlich || mit Hainrichs von Alstetten³ mins brůders vnd erkorenen vogtes in diser sach hant vnd gůtem willen || vnd gûnst ainen schilling enwert ka^eses ia^erlichs geltes, daz herr Hainrichs sa^eligen von Alstetten⁴ mins vatters lehen waz von dem gotzhus ze Pfa^euers⁵ vnd mir von minen geswústergúten zetail worden ist an mins vorgenanten vatters sa^eligen erb, den êrwirdigen gaistlichen herren dem abbt vnd dem conuent dez vorgenanten gotzhus ze Pfa^euers sant Benedicten ordens in Kurer bistům ge^b) vnd dem selben irem gotzhus recht vnd redlich ze ko^vffen geben hab vnd gib mit disem brief vmb vier pfunt pfenning gůter vnd gena^emer Kostentzer^c) múntz, vnd bin och ||
dero gâr vnd ga^entzlich von in gewert vnd sint in minen redlichen nutz komen vnd bekert. Vnd entzîch mich mit mins vorgenanten brůders vnd vogtz hant in diser sach fúr mich vnd alle min erben vnd nachkomen alles dez rechtes vsstzugs vorderung vnd ânsprâch, so ich oder ieman anders von minen wegen da wider iemer gehaben oder gewinnen mo^echtind mit dehainer laye gaistlichem oder weltlichem gericht oder mit dehainen dingen, die da wider iemer erdacht mo^echtind werden. Vnd ist diz alles beschehen mit aller der gehúgd worten werken vnd geta^eten, so darzů hortant oder ho^eren soltent nach recht vnd gewonhait dez landes, vnd ze dien zîten vnd an den stetten, da es mit recht kraft wol mocht haben. Vnd ze wârem vnd offenem vrkúnd der wârhait vnd ewiger sta^etekait aller dirr ding gib ich in disen brief mit minem vnd mit mins vorgenanten brůders vnd vogtes insigeln besigelten. Ich vorgenanter Hainrich von Alstetten Vrsullun minr vorgenanten swesterr brůder vnd erkorener vogt in diser sach verijch o^vch, dz dirr vorgeschriben ko^vff von rechter redlicher sach wegen derselben miner swester mit minr hant vnd gůtem willen vnd gûnst zůbrâcht vnd vollendot ist, als vorgeschriben stât. Vnd dez ze ainer warhait gib ich och durch ernstlicher bett willen minr vorgenanten swester min insigel an disen brief. Der geben ist, do man zalt von gotz gebúrt drútzehenhundert jar, dar nach in dem nún vnd fúnftzigostem jâr, an sant Valentis tag.

Source Fulltext: Chartularium Sangallense VII, Nr. 4577a, S. 620-621.