useridguestuseridguestuseridguestERRORuseridguestuseridguestuseridguestuseridguestuseridguest
Charter: Chartularium Sangallense 10 (1382-1389) 1382 IV 02
Signature: 1382 IV 02
Zoom image:
Add bookmark
Edit charter (old editor)
2. April 1382, Konstanz
Bischof Heinrich von Konstanz inkorporiert dem Maria Magdalena-Altar im Münster zweiPfründen des Marienaltars und die Kirche Mosnang.
Source Regest: Chartularium Sangallense X, Nr. 5896, S. 16 (Reg. ep. Const. II, 6644. - Thurg. UB VII, 3679. - RSQ I/2, 1341.).
 

orig.
Current repository
StA St. Gallen L.2.Bb.10.

2 Siegel, 1. leicht besch., wie 1. in Nr. 4606; 2. wie in Nr. 1282. Material: Pergament
Dimensions: 42/29 cm
  • notes extra sigillum
    • Rückvermerk (15. Jh.): Super eadem prebenda trium lectionum in altari maiori choriConstan(ciensis) erecta cum institucione anniversarii quondam domini Hainrici Constan(ciensis) episcopi.
Graphics: 

cop.
Abschr. (B), um 1500, Generallandesarchiv Karlsruhe, 67/491 (Copialbuch), f. 86, Nr. 60.

    x
    Heinricusa) dei gracia episcopus Constanciensis1 universis Christi fidelibus, ad quos presentes pervenerint, salutem in eo, qui est omnium vera salus. Cum iamdudum felicis rellcordacionis Volricus episcopus Constanciensis2 predecessor noster ac prepositus decanus totumque capitulum ecclesie nostre Constanciensis cupientes ad honorem omnipotentis dei || ac gloriosissime virginis et matris Marie ac tocius celestis curie in predicta ecclesia Constanciensi duas prebendas seu capellanias novas erigere, quarum prebendarii || sive capellani in altari sancte Marie maiori in festivitatibus trium lectionum seu eciam privatis diebus missarum sollempnia, sicut canonici eiusdem ecclesie hactenus facere consueverunt et solent sollempniter celebrare et peragere possent, pie memorie quondam dominus Diethelmus de Steinegg3 tunc prepositus ecclesie predicte ac quondam Heinricus de Clingenberg4 miles pro salute animarum suarum ac progenitorum suorum ad erectionem et fundacionem unius prebende earundem prebendarum ius patronatus ecclesie parrochialis in Alterswile5 cum omnibus suis iuribus et pertinenciis universis in dotem et institucionem de consensu eciam et auctoritate prefati episcopi predecessoris nostri libere donaverit, ac eciam bone memorie quondam Hermannus capellanus quondam felicis recordacionis Růdolfi episcopi Constanciensis6 liberaliter ac pure propter deum in manus predictorum quondam Volrici episcopi ac capituli ecclesie Constanciensis domum suam sitam in vico qui dicitur Mesnergass7 in civitate Constanciensi contiguam ex uno latere domui sive curie pertinenteb) prebende sancti Conradi et ex alio latere domui sive curie quondam Hainrici dicti Nagler canonici ecclesie sancti Johannis Constanciensis8 et septingentos de rebus suis tradiderit florenos, prefatique Volricus episcopus predecessor noster ac capitulum dicte ecclesie nostre de huiusmodi bonis per prefatos dominum Diethelmum prepositum et quondam Heinricum de Clingenberg militem donatis erexerint et dotaverint de redditibus et proventibus dicte ecclesie in Alterswile, quam uni prebendarum predictarum incorporaverunt unam prebendam prebendarum predictarum, alteram vero de bonis et rebus per prefatum quondam Hermannum traditis erexerint et dotaverint sub certis condicionibus racionabilibus et laudabilibus, videlicet qualiter capellani sive prebendarii huiusmodi prebendarum ad laudem dei et in subvencionem canonicorum dicte ecclesie nostre divinum cultum peragere debent, prout in litteris super institucione huiusmodi prebendarum confectis et sigillis prefatorum Volrici episcopi ac capituli ipsius ecclesie Constanciensis ac quondam Diethelmi prepositi et Heinrici de Clingenberg ac Hermanni capellani roboratis plenius continetur. Cumque autem huiusmodi due prebende nondum adeo sufficienter sint dotate, quod capellani sive prebendarii earundem prebendarum divinum cultum eis institutum et ordinatum peragere valeant, huiusmodique eciam due ||
    prebende altare proprium non habeant, in quo alter prebendariorum altera in maiori altari celebrante divina habeat iuxta institucionem prebendarum predictarum, ac dilecti nostri decanus et capitulum ecclesie nostre Constanciensis predictas suas prebendas incorporare et annectere cupiant altari in dicta ecclesia Constanciensi a latere sinistro prope archam, in qua elemosine ad fabricam ipsius ecclesie Constanciensis deponuntur et conservantur, constructo et in honore beate Marie Magdalene necnon Lazari et Marthe ac beati Maximini episcopi per nos Heinricum episcopum consecrato nondumque aliquibus redditibus dotato, ut in eodem altari predicti prebendarii sive capellani predictarum duarum prebendarum divinum cultum eis impositum et institutum plenius peragere possint, nobisque prefati decanus et capitulum humiliter supplicarint, ut easdem duas prebendas eidem altari incorporare unire et annectere dignaremur. Nos igitur cupientes divinum cultum preamandum nostris temporibus adaugeri predictas duas prebendas prescripto altari ad peticionem dicti nostri capituli presentibus incorporamus annectimus et unimus. Et quia consideratis redditibus earundem duarum prebendarum invenimus, quod prebendarii sive cappellani earundem duarum prebendarum congrue sustentari non possunt de redditibus, quibus eedem due prebende sunt dotate, idcirco ad laudem dei omnipotentis et gloriosissime virginis Marie uberius dotare volentes, ut prebendarii sive capellani earundem duarum prebendarum divinum cultum eis impositum et institutum comodius et plenius peragere possint, de consensu dilectorum et fidelium nostrorum capituli ecclesie nostre Constanciensis predicte parrochialem ecclesiam in Masnang9 nostre dyocesis, cuius ius patronatus ad nos ut episcopum Constanciensem dinoscitur pertinere, predictis duabus prebendis et predicto altari ad laudem omnipotentis dei et gloriosissime virginis et matris Marie cum omnibus suis iuribus et pertinenciis, reservata dumtaxat congrua sustentacione sacerdotis sive vicarii ipsius ecclesie, qui eandem inofficiet et subditis eius in divinis presit, univimus et incorporavimus ac presentibus de consensu quo supra unimus et incorporamus, iuribus tamen episcopalibus nobis et successoribus nostris seu ecclesie nostre de ecclesia predicta reservatis, volentes et statuentes, ut capellanus, qui in predicto maiori altari iuxta suam ebdomedam celebrare non habeat, divina missarum officia celebret in altari predicto iuxta institucionem prebendarum predictarum. Volumus eciam statuimus et presentibus ordinamus anniversarium nostrum per capellanos predictos pro tempore existentes singulis annis devocius in crastino beati Martini episcopi celebrari, cuiusquidem anniversarii nostri celebracio, si, quod absit, aliquo anno per huiusmodi capellanos pro tempore existentes negligi contingeret per triduum, ita videlicet, quod infra triduum a festo beati Martini episcopi huiusmodi anniversarii nostri celebracio non fieret, quod extunc eodem anno tantum, tociens quociens huiusmodi negligencia evenire contingerit, redditus et proventus, qui ipsis capellanis de dicta ecclesia in Masnang cedere deberent, cedant hospitali pauperum sito super ponte Reni10 civitatis Constanciensis in penam negligencie celebracionis anniversarii nostri predicti. In quorum testimonium sigillum nostrum episcopale unâ cum sigillo predicti capituli duximus presentibus appendendum. Nos vero Volricus Gúttingarii11 decanus totumque capitulum ecclesie Constanciensis in testimonium omnium premissorum sigillum nostri capituli unâ cum appensione sigilli ipsius domini episcopi duximus presentibus appendendum. Datum et actum Constancie anno domini millesimo trecentesimo LXXXmo secundo, IIII. non. aprilis, ind. quinta. Hoc factum est cum consensu nostroc).
    Source Fulltext: Chartularium Sangallense X, Nr. 5896, S. 16-18.

    Original dating clauseIIII. non. aprilis

    Editions
    • UB St. Gallen IV, 1859.


    LanguageLatein

    Notes
    a) Initiale H 4,5 cm hoch. - b) A. - c)Hoc factum est cum consensu nostro von anderer Hand. - 1 Heinrich v. Brandis, 1357-1383. - 2 Ulrich Pfefferhard, 1344-1351. - 3 Diethelm v. Steinegg (Gem. Hüttwilen, Bez. Steckborn TG), 1323-1358 Dompropst. - 4 Heinrich v. Klingenberg (Gem. Homburg, Bez. Steckborn TG). - 5 Alterswilen, Gem. Kemmental, Bez. Kreuzungen TG. - 6 Rudolf v. Montfort, 1322-1334. - 7 Name abg. - 8 Chorherrenstift St. Johann in Konstanz. - 9 Mosnang, Bez. Alttoggenburg. - 10 Bischöfl. Spital an der Rheinbrücke. - 11 Ulrich Güttinger, 1346-1387 Domdekan.
    Places
    • Konstanz
       
      x
      There are no annotations available for this image!
      The annotation you selected is not linked to a markup element!
      Related to:
      Content:
      Additional Description:
      A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.