useridguestuseridguestuseridguestERRORuseridguestuseridguestuseridguestuseridguestuseridguest
Charter: Chartularium Sangallense 10 (1382-1389) 1382 VI 17
Signature: 1382 VI 17
Zoom image:
Add bookmark
Edit charter (old editor)
17. Juni 1382, Wil
Abt Kuno von St. Gallen vergleicht sich mit Agnes von Ebersberg im Streit um das Meieramtzu Scheftenau.
Source Regest: Chartularium Sangallense X, Nr. 5908, S. 72.
 

orig.
Current repository
StA St. Gallen CC.3.D.6.

Siegel besch., Abb. 543. Material: Pergament
Dimensions: 24/18 cm
  • notes extra sigillum
    • Rückvermerk (15. Jh.): Littera des mayeramptz zů Scheftnow. Redempta a dicto Keller1.
Graphics: 
x
Wira) Cůn von gottes gnaden abt des gotzhus ze sant Gallen2, das avn alles mittel zů gehoert dem stůl || ze Rovm, veriehent offenlich mit disem brief von der misshellung vnd stoess wegen, die wir hatten mit der êrsa||men frowen fro Agnesen herr Eglolfs von Wolfurt3 elichen tohter Volrichs von Ebersperg4 elichen wirtinnen vmb irn || tail des mayeramptes ze Schefftnovw5, das wir da frúntlich vnd lieplich mit enandern geainbert sigint mit soelicher beschaidenhait vnd gedingde, das die vorgenant fro Agnes des egenanten Volrichs von Eberspergs elichi wirtinne vnd ir erben den selben tail des mayeramptes ze Schefftnow in pfandesb) wise haben vnd niessen sont avn alles abschlahen vnd abniessen der nútz, alle die wil wir oder vnser nachkomen den selb tail des mayeramptes von ir oder von ir erben mit zwain hundert pfund gůter vnd gaeber Ytaliger haller nút gantzlich vnd gar erledgot noch erloest habint. Vnd wenn wir ald vnser nachkomen die selben fro Agnesen Volrichs von Eberspergs elichi husfrovw oder ir erben, ob si enwaer, ermanent mit zwain hundert pfund hallern vor sontc) Johans tag des Tovffers ze sunnwendi, so sont si v´ns der losung statt tůn avn allen fúrzug vnd widerred. Wenn ovch die selb fro Agnes ald ir erben, ob si enwaer, von v´ns ald von vnsren nachkomen der vorgeschribenn zwain hundert pfund haller gůter vnd gaeber Ytaliger haller gantzlich vnd gar gewert vnd vsgeriht werdent vor dem vorgenanten sontc) Johans tag des Tovffers ze sunnwendi, so sol v´ns vnd vnsren nachkomen vnd dem vorgenanten gotzhus ze sant Gallen dannenhin der vorgeschriben fro Agnesen tail des mayeramptes ze Schefftnovw gantzlich vnd gar ledig sin von ir vnd allen iren erben vnd nachkomen. Loestin aber wir nach dem vorgenanten sant Johans tag des Tovffers ze sunnwendi, so waer der nûtz, so des iars von dem vorgenanten mayerampt geuiel, der vorgenempten fro Agnesen Volrichs von Eberspergs elichen husfrowen vnd ir erben gantzlich vnd gar genauen vnd nút fúro. Vnd ze ainem waren offenn vrkund aller vorgeschribner ding vnd gedingde haben wir abt Cůn da obgenant vnser insigel gehenkt an disen brief. Der geben ist ze Wil6 in vnser statt in dem jar, do man zalt von gottes gebúrt drúzehenhundert jar vnd zwai vnd ahtzig jar, an dem naehsten zinstag vor sant Johans tag des Tovffers ze sunnwendi.
Source Fulltext: Chartularium Sangallense X, Nr. 5908, S. 72-73.

Original dating clausean dem naehsten zinstag vor sant Johans tag des Tovffers ze sunnwendi

Editions
  • UB St. Gallen IV, 1863.


LanguageDeutsch

Notes
a) Initiale W 2,2 cm hoch. - b)a korr. aus anderen Buchstaben. - c) A. - 1 Vgl. UB St. Gallen VI, 4926. - 2 Kuno v. Stoffeln, 1379-1411. - 3 Eglolf v. Wolfurt (Vorarlberg). - 4 Ulrich v. Ebersberg (ö.Tettnang BW). - 5 Scheftenau, Gem. Wattwil, Bez. Neutoggenburg. - 6 Wil, Stadt u. Bez.
Places
  • Wil
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.