useridguestuseridguestuseridguestERRORuseridguestuseridguestuseridguestuseridguestuseridguest
Charter: Chartularium Sangallense 10 (1382-1389) 1382 XII 03
Signature: 1382 XII 03
Zoom image:
Add bookmark
Edit charter (old editor)
3. Dezember 1382, Wil
Der Schultheiss von Wil beurkundet, dass sich Johann Costenzer mit seinem Bruder Heinrich von Wil versöhnt habe.
Source Regest: Chartularium Sangallense X, Nr. 5937, S. 109 (RSQ I/1, 1291.).
 

orig.
Current repository
GeneralLA Karlsruhe 5 Nr. 9691.

Siegel Abb. 582.Material: Pergament
Dimensions: 31/22 cm
  • notes extra sigillum
    • Rückvermerk (14. Jh.): Littera contra Johannem fratrem meum.
Graphics: 
x
Icha) Volrich Kupfersmit genant Wirri schulthais ze Wil1 vergih vnd tůn kunt offenlich mit disem brief allen, die in an sehent || lesent oder hoerent lesen, das fúr mich kament ze Wil in der stat in gerichte, da ich offenlich ze gericht sass an disem húttigen || tag, alz dirr brief geben ist, an ainem taile der erber herre herr Hainrich Costentzer von Costentz genant herr Hainrich von Wil2 || vnd an dem andern taile Johans Costentzer sin brůder, vnd offente vnd veriah da der selb Johans Costentzer offenlich vor mir in gerichte mit sinem fúrsprechen vnd sprach, das er mit etlichen fraeuellichen vnbeschaidenen worten vnd getaeten wider den vorgenanten herrn Hainrich sinen brůder getan hetti, darumb er in sin vnfrúntschaft swarlich veruallen vnd komen waer, dauon er in vsgeslagen vnd von im vertriben hetti. Vnd darumb daz er wider in des selben sines brůders hulde kaem, so hetti er sich nach siner frúnd vnd ander erber lút rât vnd vnderwisung mit friiem willen wolbedahteklich des gegen den selben hern Hainrichen verbunden vnd begeben, daz er in noch die Wattendalerinen sin swoester noch ainkain dez selben herr Hainrichs sins brůders gesind noch Burkart den Risen noch Adelhaitten sin elichen frowen mit ainkainen fraeuellichen worten noch getaeten fúrbas nit mer angriffen beswaerren noch beschalken solti durch kainer lay sach willen. Beschaeh aber, daz er daz niht behielt vnd den selben herrn Hainrich sinen brůder duehti, daz er daz v´berfarn vnd nit behalten hetti, das denn der selb herr Hainrich das bringen solti fúr die erbern lút Růdolf Liehtenstaig den schriber, fúr Burkart den Risen vnd fúr Johans Molitor, den drin mannen er vnd der vorgenant herr Hainrich sin brůder des wilklich vnd frilich getruwot vnd in ir hand gesetzt vnd geben hettint. Erkennent vnd sprechent dann die, daz er v´berfarn habi, das er dann fúrbas bi des selben herr Hainrichs lebtagen in sinú húser niemer me komen sol ân erlobung vnd mit gůtem willen des selben herr Hainrichs, ân geuerd, vnd doch also, daz der selb herr Hainrich Johansen sinem brůder denn dannenhin aller jaerlichs, die wile er lebt, von sinem gůte herus geben vnd im richten sol, alz vil die obgenanten driie man gemainlich oder der mertail vnder in sprechent vnd haissent vnd in och des versorgen, daz er des sicher vnd gewiss si, wie och die selben driie sprechent vnd haissent, vnd solti in och des wol benuegen vnd den selben herrn Hainrich sinen brůder sin lebtag vs an ainkainem dem gůt ligendem noch varendem, so ir vatter oder ir můter gelassen hat oder der selb herr Hainrich sust ietz hat ald noch gewinnet, niemer beswaerren anraichen bekúmberren noch bekrenken noch daran svmen noch irren weder mit reht noch ân reht noch mit ainkainen andren sachen, doch also, wenn der selb herr Hainrich abstirbet, daz got lang wend, daz denn dem selben Johans Costentzer ellú sinú reht behalten sin sont vnd dirr brief vnd geschiht daran vnschaedlich sin vngeuarlich. Vnd des vnd hierúber ze ainer bestaeten sicherren warhait aller vorgeschribner ding vnd gedingde gib ich Volrich Kupfersmit schulthais da vorgenant dem vorbenemten herr Hainrich Costentzer von siner vordrunng wegen disen brief darúber versigelt vnd bestaetet mit minem insigel von des gerichtes wegen mit rehter vrtaild doch mir in dirr sach vnschaedlich. Der selb brief geben ist ze Wil an der naehsten mitwochen vor sant Nyclaus tag, do man zalt von gottes gebúrt drúzehenhundert jar, ahtzig jar, darnach in dem andern jare.
Source Fulltext: Chartularium Sangallense X, Nr. 5937, S. 109-110.

Original dating clausean der naehsten mitwochen vor sant Nyclaus tag



LanguageDeutsch

Notes
a) Initiale J 3,5 cm lang. - 1 Ulrich Kupferschmid, 1382-1386 Schultheiss v. Wil, Stadt u. Bez. - 2 Heinrich (Costenzer) v. Wil (Stadt u. Bez.), 1359-1377 Pfleger, Kollektor u. Distributor des Domkapitels, 1359-1367 Subcustos, 1369-1383 Kaplan am Martinsaltar im Münster Konstanz.
Places
  • Wil
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.