Heinr. dei gratia episcopus Const(antiensis)¹ decano decanatus in Meyland² ceterisque, quos subscriptum tangit negotium seu tangere || poterit quomodolibet in futurum, salutem in domino sepiternam^a) cum notitia subscriptorum. Pro parte dilectorum nobis in Christo || consulum oppidi in Raprechtswil³ nobis propositum exstitit, quod cum in ministrando ecclesiastica sacramenta infirmis || hospitalis oppidi eiusdem necnon in inofficiando eandem prebendam iuxsta eiusdem onera, eiusdem prebende cautum tedium cautaque nausea sacerdoti seu caplano predicti hospitalis percuriatur, quod si aliquis super eandem prebendam tamquam perpetuam presentaretur et per loci ordinarium investiretur, verendum esset, verisimiliter quod cappellanus pro tempore existens se redderet in ministratione sacramentorum ac aliter in suportatione onerum predicte prebende negligentem, cum infirmitates hospitaliariorum predicti hospitalis cappellano prefato tedium et nauseam percurirent, propter quod a predictis consulibus nobis fuit humiliter supplicatum, quod eisdem gratiam facientes specialem, ut prespiter ydoneus per eosdem ad eandem prebendam deputandus ipsam sine alio institutionis tytulo inofficiare posset non obstantibus mandatis a nobis seu successoribus nostris seu nostris vicariis emanatis seu emanandis quibuscumque. Nos igitur attendentes ex premissis dominum clericum quantum nostris adaugeri cupimus temporalibus quam plurimum recipere incrementum, precibus predictorum consulum favorabilem inclinati consulibus ac hospitali predictis, ut sacerdotem ydoneum ad prebendam memoratam, qui ipsam prebendam sine alio institutionis tytulo inofficiare possit, deputare perpetualiter valeant, presentibus misericorditer auctoritate nostra ordinaria presentibus indulgemus non obstantibus mandatis ordinar(ii) emissis seu emitendis quibuscumque, sic tantum pro facto, quod ad eandem prebendam ydoneus sacerdos deputetur, symoniaca quavis labe circumscripta alias enim presentem nostram gratiam nullius penitus volumus esse roboris ve momenti. In cuius rei testimonium sigillum nostrum episcopale presentibus duximus appendendum, Datum et actum in oppido Raprechtswil anno domini millesimo CCC.LXXX secundo, tertio ydus decembris, indictione quinta.

Source Fulltext: Chartularium Sangallense X, Nr. 5938, S. 111.