Wir^a) die von Regenspurg ain frigiv stat vnd wir dis nachgeschriben dez hailigen Ro^emschen richs stette Auspurg, Vlm, Costentz, Ezzlingen¹, Rútlingen², Rotwil³, Wil⁴, V´berlingen⁵, Memmingen⁶, Bibrach⁷, Rauenspurg⁸, Lindow⁹, sant Gallen, Phullendorff¹⁰, Kempthun¹¹, Kouffbúrren¹², Lútkirch¹³, || Isni¹⁴, Wangen¹⁵, Bůchornn¹⁶, Gemund¹⁷, Hall¹⁸, Hailprunnen¹⁹, Winphen²⁰, No^erdlingen²¹, Dinkelspúchel²², Rotenburg vff der Tuber²³, Winsperg²⁴, Aulun²⁵, Bopphingen²⁶, Giengen²⁷, Wil in Turgo^ew²⁸ vnd Bůchow²⁹ bekennen vns vnd veriehen offenlich mit disem brief allen den, die in ansehen oder ho^eren || lesen, als wir vns mit den erbern wisen den ra^eten vnd burgern gemainlich der stett Mentz³⁰, Straussburg³¹, Worms³², Spir³³, Frankfurt³⁴, Hagnow³⁵, Wissenburg³⁶, Wephlan³⁷, Schietstat³⁸, Ehenhain³⁹ vnd Phedershain⁴⁰ dem hailigen Ro^emschen rich zů eren dem land vnd vns ze nutz vnd ze fromen || verbunden haben vnd ainmu^etig worden sien nach der brief sag, die wir ainander dar v´ber vnder vnser stett insigeln versigelt vnd gegeben haben, versprechen wir vns besunderlich an disem brief vnd geloben in gůten trúwen by den aiden, die wir in dem vorgenanten verbund geton haben, wa^er es sach, daz yemen, wer der wa^er, der die vorgenanten stett samentlich oder besunder von dem verbunde, den si vnd wir mitainander haben, entrennen oder daran no^etigen wo^elt, in welhen weg daz wa^er, so sullen vnd wellen wir in da wider getrulich vff die aide beraten vnd beholffen sin, a^un alle geuerd. Wan aber in dem vorgenanten verbundbrief vnd ainmu^etikait ieglichiv´ der vorgenanten stett besunder vzzgenomen haben, so verbinden vnd versprechen wir vns och in disem brief vff die aid, also wer es sach, daz der herren kainer ainer oder mer, die si in dem vorgenanten verbünd vnd ainmu^etikait besunder vzzgenomen haben, wider der vorgenanten stett dehainer, die si vzzgenomen hand, ta^eten oder mit den selben stetten kriegten oder zweyungden wurden, in weihen weg daz wa^er, vnd daz der raut oder die rat oder daz mertail vnder in, die die selben also bekriegten oder beschadgoten, erkanten vff ir aid, daz in von dem oder von den, die si vzzgenomen hand, vnrecht beschehe, so mugen die vorgenanten stett samentlich mit in oder der mertail vnder in vns wol manen, vnd sullen wir in denne wider die selben getrúlich beraten vnd beholffen sin in aller der mausse, als ob der oder die in dem verbünd nicht vssgenomen wa^eren, vnd nach dez vorgenanten verbundez hobtbriefz sag, den si von v´ns dar v´ber hand, a^un alle geuerd. Mit vrkúnd ditz briefz, daran wir vnser stett aller aignú insigel offenlich gehenkt haben. Der geben ist der nechsten mittwochen vor sant Dionisien tag, do man zalt von Cristz gebúrt driv´zehenhundert jaur vnd dar nach in dem zway vnd achtzigostem jaure.

Source Fulltext: Chartularium Sangallense X, Nr. 5925, S. 90-91.