Ich^a) Cůntz Tront sesshaft ze Schan¹ kúnd vnd vergich aller menlichem, die disen brief sehent oder ho^erent || lesen, dz ich mit gůter vorbetrachtung nach ra^vt miner frúnd vnd erben vnd mit willen vnd || gunst junkher Hansen von Vnderwegen² Rudolfs sa^elgen sun von Vnderwegen ha^vn ze ko^vffen geben || recht redlich vnd aigenlich ze ainem sta^eten vnd ewigen ko^vf dem erbern fromen man Hansen im Hof ze Schan vnd allen sinen erben, ob er enwere, min aigen hofstat gelegen da selbs ze Schan in mitten im dorf^b), sto^vsset an das Mos³, die selben obgenant hofstat mit grunt mit gra^vt mit steg mit weg mit wunn mit waid vnd mit aller zůgeho^erd, daz o^vch vnbekúmbert ledig vnd los ist vnd nút dar ab ga^vt noch ga^vn sol won dem lútpriester ze Trisen⁴ ia^erlichen vnd ellú iar sechs phenning Cost(entzer) múnsz ze zwain jarziten, dz ha^vn ich alsus fúr mich vnd fúr alle min erben im vnd allen sinen erben mit allen rechten vnd nútzen ains vngeuarlichen redlichen ewigen ko^vfs ze rechtem luterm aigen ze ko^vffenn geben vmb zwo^elf schilling phenning Costentzer múnsz, dero ich gar nach minem willen nutzlich von im gewerot vnd bezalt bin. Vnd ist o^vch dz beschehen mit allen sachen worten vnd werchen, alz dirr ewig ko^vff wol craft ha^vt vnd ha^vn sol vnd iemer vest vnd sta^et beliben sol a^vn all geuerd vnd irrung, vnd so^ellint o^vch ich vnd all min erben sin vnd aller siner erben recht vnd gůt gewern sin nach recht vmb disen ewigen ko^vff der obgenanten hofstatt mit allen zůge(ho^erden) vnd rechtung, als o^vch hie uor ist beschaiden, wa es inen iemer notdúrftig wirt an gaistlichen oder an wa^eltlichen gerichtan, wie vnd wa sú sin o^vch bedürfen, mit gůten trúwen a^vn all geuerde. Des alles ze ainem waren offen vrkúnd vnd gantzer vester sicherhait ha^vn ich obgenanter Cůntz Tront gebetten den wolbeschaiden junker Hansen von Vnderwegen, dz er sin aigen insigel henk an disen brief, dz selb min aigen insigel ich obgenanter Hans von Vnderwegen von siner ernstlicher ba^ett willen gehenkt ha^vn an disen brief, won es mit minem^c) willen gunst vnd hand beschehen vnd volfu^ert ist, als es wol craft vnd macht ha^vt vnd ha^vn sol nu vnd hie nach. Der geben wart, do man zalt von Cristus gebúrt drúzehenhundert iar vnd drú vnd achtzig iar.

Source Fulltext: Chartularium Sangallense X, Nr. 5989, S. 160-161.