Wir^a) dis nachbenempten des hailigen Ro^emschen richs stett des bundes vmb den Sêw¹ daz ist || Costentz, V´berlingen², Lindow³, Rauenspurg⁴, sant Gallen, Pfullendorff⁵, Wangen⁶ vnd Bůchorn⁷, || tůnt kvnd vnd vergehen des offenlich an disem brief allen, die in ansehent oder ho^erent lesen, als der || edel hoherborne v´nser gna^ediger herre graff Růdolf von Montfort⁸ herre ze Veltkilch⁹ v´nser hobtman worden ist disú na^ehsten zwai jar, die nach an ander koment von disem húttigen tag, als dirre brief geben ist, darumb vnd von der selben hobtmanschaft wegen haben wir im verhaissen vnd gelobt ze gebent vier tusent guldin gůter vnd ga^eber Rinscher guldin an gold vnd an gewiht ze Costentz an dem wehsel, der selben vier tusent guldin so^ellen wir im ietz an stett geben vnd vssrichten tusent guldin vnd ze sant Martins tag dem na^ehsten, der nv^ kvnt, och tusent guldin vnd ze sant Johans tag des Thoffers dem na^ehsten, der darnach kvnt, och tusent guldin vnd die jvngsten tusent guldin ze sant Georyen tag dem na^ehsten darnach, also daz er der selben drú tusent guldin ze den selben drin ziln, die nach an ander koment, ga^entzlich vnd gar gewert sol werden. Tůgin wir des nit, wie er danne ie des gůtz, des zil sich erga^vt, ze gewonlichem schaden kvnt an jvdan an cristan an wehsel an ko^vffen oder an andrerm gewonlichem schaden, da von so^ellent wir vnd v´nser nachkomen den selben v´nserm herren graff Růdolf von Montfort vnd sin erben vmb ie daz gůt, des zil sich erga^vt, vmb hobtgůt vnd schaden âne allen iren schaden lo^esen vnd ledig machen, also wir im alle vnuerschaidenlich fúr v´ns vnd v´nser nachkomen verhaissen vnd gelobt habent. Vnd ze warem vnd offem vrkv´nd aller dirre vorgeschriben ding geben wir die obgenanten die von Costentz vnd wir die von Lindow von v´nser vnd von aller stett bett vnd haissens wegen v´nsrú insigel an disen brief. Der ist ze Costentz geben, do man von Cristis gebúrt zalt drúzehenhundert jar, darnach in dem vier vnd ahtzigosten jar, an sant Georyen tag im aberellen.

Source Fulltext: Chartularium Sangallense X, Nr. 6010, S. 186-187.