Wir^a) die burgermaister ra^ete vnd alle burger gemainlich rich vnd arme der stat ze Nu^errenberg bekennen vnd veriehen offenlich fúr v´ns vnd v´nser nachkomen mit disem brief vnd tůn kunt allen || den, die in sehent oder ho^erent lesen, alz sich die erbern vnd wisen die burgermaister ra^ete vnd alle burger gemainlich der stette Regenspurg, Basel, Augspurg, Vlme, Costentz, Ezzlingen, Rútlingen, Rotwile, || Wile, V´berlingen, Memingen, Bibrach, Rauenspurg, Lindow, sant Gallen, Pfullendorff, Kempten, Koufbúrren, Lúttkirch, Isni, Wangen, Halle, Hailprunnen, Gemúnde, Winpfen, Winsperg, No^erdlingen, || Rotenburg vff der Tuber, Dinkelspúhel, Windshain, Wissenburg, Aulun, Boppfingen, Giengen, Bůchorn vnd Bůchow etc. got zů lob dem hailigen Ro^emischen rich zů nutz vnd zu eren in selb vnd gemainem land zu fride vnd zu gemach ze samen verstrikt veraint vnd verbunden haben vnd ouch ainer lieplichen frúntschaft v´ber ain komen sint mit aiden, die si darumb liplich zu got vnd zů den hailigen gesworn haben, enander getrúlich bi gestan geraten vnd beholfen ze sin nach dez verbundbriefs lut vnd sag, den si darumb enander versigelt vnd gegeben haben, in dem selben verbundbrief si doch sich selb vnd ir ere gen dem hailigen Ro^emischen rich wol bewart vnd versorgt haben mit dem, daz si dem hailigen rich alle sine recht zu haltend vnd zu tu^ende ane geuerd mit namen habent vsgesetzt vnd behalten, vnd darumb vnd ouch von so^elicher trúw frúntschaft vnd liebe, die wir von dez hailigen richs wegen billichen zů den vorgenanten stetten haben súllen vnd ouch gebunden sint, so habint wir vns ietzo mit gůtem willen vnd mit gemainem raut vnd rechten fúrsa^etzen v´nser ra^ete durch merrer nutzes frids vnd gemachs willen v´nser selbs vnd aller der v´nsren v´ns ietzunt dem vorgenanten hailigen Ro^emischen rich zu eren zů den vorgenanten stetten allen in den egenanten iren bund willeklichen vnd tugentlichen verstrikt vnd verbunden haben vnd och darumb vnbetwungenlich gelert aide liplich zu got vnd zu den hailigen mit vfgebotnen vingern vnd gelerten worten gesworn haben, den selben bunde mit in, die wil vnd alz lang er wert vnd gemacht ist, luterlich vnd ane alle geuerde zů halten zu leisten vnd och ze vollefu^eren in allen mainungen púnden vnd artikeln, alz och der selb ir bund wiset vnd gemachd ist vnd alz och der bundbrief von wort ze wort begriffen ist vnd geschriben stet, vnd ze glicher wise vnd ouch in alle dem rechten, alz ob wir mit na^emlichen worten by in in dem selben bundbrief begriffen vnd geschriben weren oder darinne begriffen oder verschriben sin solten, vßgenomen ob daz wa^er, daz si den bunde fúr die zit, alz der bundbrief ietzunt helt, fúrbas erlengen wo^elten oder ander búnde oder lantfrid anvahen oder machen wo^elten, die fúr die zit weren solten, alz der bundbrief helt, alz vorgeschriben stet, darumb so^elten wir nicht lenger verbunden sin, die selben búnde vnd frid zu haltende, denne alz lang der bundbrief ietzunt helt, daz ist hinnan bis vf sant Go^erygen tag, der nechst kumpt, vnd darnach zehen gantzú iar die nechsten nach enander, es gescheh denne mit v´nserm gůten willen. Darumb so verbinden wir v´ns gen den egenanten stetten, daz wir mit in liden dulden vnd dienen súllen an spiess dinst vnd an aller andern kost glicher wise alz ob wir dem rich niht mer geben denne acht hundert pfund haller, vnd súllent och von den selben acht hundert pfund hallern mit den vorgenanten stetten an anzalen vnd och spiess dinst vnd aller ander kost dauon richten haben legen vnd heben in alle der wise, alz ander von souil gelts in selb vf setzent oder von souil geltz heben oder legen mu^eßent, ane alle geuerde, vnd daz och wir zwen v´nsers ra^vts, wenne wir von den vorgenanten stetten ermant werden, zů in senden vnd zů dem spruch setzen súllen ane alle geuerde. Mit vrkúnd dis briefs, den wir den vorgenanten stetten darúber besigelten geben mit v´nserm aigen gemainem insigel, daz wir offenlich gehenkt habint an disen brief. Der geben ist dez nechsten zinstags vor sant Johans tag ze súnwenden, do man zalt von Cristz gebúrt drúzehenhundert iar vnd darnach in dem vier vnd achtzigostem jaure.

Source Fulltext: Chartularium Sangallense X, Nr. 6023, S. 197-198.