Wir Wenczlaw von gots genaden Romischer kunig zu allen czeiten merer des reichs vnd kunig || zu Beheim embieten den burgernmeistern reten vnd gemeinden der stete Costnicz, Ausburg, Nuren||berg, Vlme, Esslingen³, Rutlingen⁴, Wil⁵, Vberlingen⁶, Memingen⁷, Bibrach⁸, Rauenspurg⁹, Lindow¹⁰, sand Gallen, || Pfullendorf¹¹, Mulhusen¹², Kempten¹³, Kaufburren¹⁴, Lutkirch¹⁵, Isni¹⁶, Wangen¹⁷, Nordlingen¹⁸, Rotemburg auf der Tawber¹⁹, Gmunde²⁰, Halle²¹, Hallprunn²², Dinkespuhel²³, Winczheim²⁴, Wissenburg²⁵, Wimpfen²⁶, Winsperg²⁷, Gingen²⁸, Aulen²⁹, Pophingen³⁰, Wil in Turgaw³¹, Buchorn³² vnd Buchow³³ vnsern vnd des reichs lieben getrewn vnser gnade vnd alles gut. Wir haben dem edeln Lucz von Landaw³⁴ odir Burgharden von Freyberg³⁵ von seinen wegen vnsern lieben getrewen bescheiden ufczuheben vier tusent guidein von sulichen vierczig tusend guldein, als ir vns von der juden wegen iczunt zugeben pflichtig seit, do so heissen vnd gebieten wir euch ernstlichen mit disem briue, das ir dem egenanten Lucz von Landaw odir Burgharden von Freyberg von seiner wegen die egenanten vier tusent guldein von der egenanten summen genczlichen richten vnd beczalen sullet, wann so ir das getan habt, so sagen wir euch so vil guldein, als ir in noch rechter werung beczalt habt an der egenanten summen, genczlich vnd gar qweit ledig vnd lose. Mit vrkund dicz briues vorsigelt mit vnserm anhangenden ingesigel. Geben zum Burglins³⁶ des suntages vor sand Margarethen tage noch Cristes geburt dreyczen hundert jare vnd dornoch in dem fumf vnd achczigesten jare, vnser reiche des Behmischen in dem drey vnd czweynczigestem vnd des Romischen in dem czehendem^a) jaren.

Source Fulltext: Chartularium Sangallense X, Nr. 6088, S. 274-275.