Wir^a) graf Donat vnd graf Dyethelm von Tokkenburg gebrůder¹ grafen ze Brettengo^e2 vnd ze Thafaus³ tůnd kund vnd veriehent fúr vns fúr vnser erben vnd nachkomen offen||lich mit vrkúnd diss briefs allen den, die in an sehent lesent oder ho^errent lesen, als der erber her Johans Kobler tegan vnd lúpriester ze Mayenuelt⁴ in vnser statt in || dem bystum ze Cur gelegen vns vfgeben vnd zů vnsern handen braht, als reht sitt vnd gewonlich was vnd als es kraft vnd maht hat vnd nû vnd hienach wol haben || sol vnd mag, sin hus ze Mayenuelt in vnser vorgenanden statt gelegen an der ringmur mit aller zůgeho^erd, anwandet Frikken Richenbachs huse, vnd sinen tail des garten hinder dem vorgenanden hus gelegen vff dem graben, daz selb huse vnd gart von vns lehen sint, aber ainen wingarten gelegen ze Mayenuelt an der lantstrass, da man vfhin gat gen sant Lucien⁵, genant Viôla⁶, anwandet ainent vnser gůt vnd andrent Fontnansen⁷ gůt, aber ainen wingarten gelegen ze Mayenuelt an der lantstrass, da man vshin gat zů dem scheff an den Rîn⁸, genant Pradyel⁹, der ainent och anwandet vnser gůt vnd andrent Johansen Orten gůt, vnd batt vnser gnad gar ernstlich, daz wir mit der gab vnd mit den gu^etern gottes dienst fúrdretint vnd vollebra^ehtind zů ainer ewigen mess zů dem vordren altâr gelegen in der kilchen ze Mayenuelt in vnser vorgenanden statt, der gewiht ist in der ere der haylgen jukfrowen^b) sant Katerinen, sant Margreten, sant Angnesen, sant Marien Magdalenen, darzů der ailf tusent ma^egden vnd aller hailgen ma^egden vnd junkfrowen, vnd won daz vorgenand huse garten vnd wingarten lehen von vns sint vnd die gotzgab nit mag beschehen, wir entzihent vns denn der manschaft der vorgenanden gu^etern aller vnd ieglichs besunder, so habint wir daz vorgenant huse garten vnd die wingarten baid vnd was der vorgenand herr Johans Kobler vns geben vnd zů vnsern handen braht hat, als vorgescriben ist, vnd darzů ain gůt gelegen ze Balzers¹⁰ in dem vorgenanden bystum ze Cur, daz vnser aygen ist, genant Hainzen gůt von Villters¹¹, mit aller zůgeho^erd, das vnser aigen ist, geben vnd gebend die a^ellú gemainlich vnd ieglichs besunder wissentlich mit disem brief mit hus mit hof mit hofstat mit garten mit wingarten mit stok mit stain mit grund mit grat mit reben mit rebsto^ekken mit rebstal mit wasen mit zwi mit lob mit gras mit wisen mit akkern mit holz mit veld mit wune mit waiden mit steg mit weg mit ingeng mit vsgeng vnd mit allen rehten núzzen gewonhaiten vnd zůgeho^erden, so von reht vnd gewonhait zů dem vorgenanden huse garten wingarten vnd zů dem gůt ze Balzers geho^ert vnd geho^eren sol vnd mag, ledklich frylich alleklich vnd luterlich durch got zů dem vorgenanden altar ze Mayenuelt in der kilchen in vnser statt gelegen in dem vorgenanten bystum ze Cûr zů ainer fru^egen mess, vnd hant daz alles getan vnd geben doch mit den gedingen, daz wir vnser erbun vnd vnser nachkomen den altar, die pfrůnd vnd fru^egen mess lihen sond vnd nieman anders ainem gewihten priester, der alle tag mess hab, als sitt vnd gewonlich ist. Wa^er aber, ob daz bescha^ehe, dz das lihen in dehains vnserr erbun vnd nachkomen hand kame, der die pfrůnd nit lihen wo^elt vnd sich sehs manot volgiengint vnd hin ka^emint, daz die pfrůnd nit verlihen war, so hat ain byschof von Cur denne vollen gewalt, die pfrůnd vnd altar mit aller zůgeho^erde volkomenlich ze lihen ane aller ma^enlichs irrung vnd widerred och ainem gewihten priester, der och alle tag mess hab, als sitt vnd gewonlich ist. Vnd won wir dis gotzgaben als ledklich frilich vnd als luterlich durch got fúr vns vnd vnser erbun getan volbraht vnd vollefu^ert hant, so habint wir vns baid gemainlich vnd yetwedre besunder fúr vns vnd vnser erbun an den vorgenanden gu^etern allen vnd an ieglichem besunder offenlich vnd frilich entzigen vnd entzihent vns och wissentlich mit disem brief aller aigenschaft aller manschaft aller lenschaft aller besazzung aller zúgnust aller gewêr aller kuntschaft lút vnd briefen aller vordrung vnd ansprach, so wir bis her dar an oder dar zů gehebt habint oder wir vnd vnser erbun ald yeman andre von vnsern wegen ald an vnser stat noch dar zů ald dar an mo^ehtint gewinnen, vnd och alles rehten gaistlichs vnd weltlichs gerihtes, da mit wir ald vnser erbun ald yeman andre von vnsern wegen oder an vnser statt nû ald hienach zů den vorgenanden gu^etern gar oder zů dehainen tailn ko^endint ald mo^ehtint gesprechen in dehain wis ald weg oder mit dehainen andern sachan, daz dem vorgenanden altar vnd pfrůnd vnd gotzgaben scha^edlich mo^eht sin vnd gebresten bringen mo^eht, ane gefa^erd. Wir vnd vnser erbun sond och der vorgenanden gu^etern aller vnd ieglichs besunder reht wem sin fúr reht aigen gůt, wenne wie wa vnd als vil vnd als dik dú vorgenand pfrůnd vnd altar des bedurfint vnd notdurftig sint, ane geua^erd. Vnd won wir dis vorgenanten gotzgaben als reht vnd redlich ledklich frilich vnd als luterlich durch got geben habint mit willen vnd gunst des vorgenanden hern Johansen Koblers, so hant wir gebetten den erwirdigen herren byschof Johansen des bystůms ze Cur¹², das er die vorgenanden gotzgab die pfrůnd vnd altâr besta^et vnd sinen willen vnd gunst dar zů geben welle von des bystums wegen. Vnd des vnd aller vorgescribner ding vnd geding ze vrkúnd ze warhait vnd ze merer sicherhait hant wir graf Donat vnd graf Diethelm von Tokkenburg da vorgenant vnsrú insigel offenlich gehenket an disen brief. Dar nach veriehent wir byschof Johans von gottes gnaden byschof des bystůms ze Cur fúr vns vnd vnser nachkomen, dar vmb daz gottes nam vnd dienst geho^eht vnd gefúrdret werde, vnd durch bett willen der vorgenanden herren von Tokkenburg so hant wir dis vorgenanden gottes gaben pfrůnd vnd altar besta^ett vnd vnsern willen gunst vnd fúrderung dar zů geben von vnsers bystums wegen, doch der pfarr vnscha^edlich, vnd besta^etent die vnd gebent vnsern willen vnd gunst dar zů wissentlich mit disem brief fúr vns vnd vnser nachkomen mit aller erwirdi ehafti hantvesti gewarsami worten werchen ra^eten vnd geta^eten, so dar zů gůt nútzze vnd notdurft warent vnd sint vnd dar zů gehorto vnd noch geho^ert von reht vnd gewonhait, vnd och mit den gedingten worten vnd gedingen, wa^er ob es sich befunde, das in disem brief ains oder dehains artikels vergessen wa^ere vnd nit verscriben wa^erint, da mit die vorgenanden gotzgaben pfrůnd vnd altar nit versorget wa^erint, das sol doch den vorgenanden gotzgaben pfrůnden altar vnd besta^etungen enkainen schaden bringen, won das die gottes gaben vnd besta^etungen nû vnd hienach kraft vnd maht haben sond vnd mugint. Vnd des vnd aller vorgescribner ding vnd geding ze vrkúnd ze warhait vnd ze ainer sta^eten sicherhait hant wir byschof Johans von gottes genaden byschof des bystums ze Cur vnser insigel offenlich vor an gehenket an disen brief. Ich obgenanter Johans Kobler Priester tegan vnd lúpriester ze Mayenuelt in Curer bystum vergih ainer ganzun warhait alles des, so die edlen wolerbornen min gna^edigen herren von Tokkenburg von mir an disem brief veriehen hant, daz ich das alles gesundes libes vnd mit wolbesinten sinnen vnd vorbedahtem můt vnd do ichs mit dem rehten wol getůn moht vollefu^ert vnd getan hab vnd mit minen willen gunsten vnd fúrdrungen beschehen ist, vnd des alles ze warhait ze vrkúnd vnd ze merer sicherhait aller vorgescribner ding vnd geding han ich och min insigel offenlich gehenket an disen brief. Der geben ist ze Cur in der statt an dem na^echsten zinstag nach sant Vrbans tag, der der drissigost tag was des manotz des mayen, in dem iar, do man zalt von Cristus gebúrt drúzehenhundert iar, ahtzig iar vnd dar nach in dem fúnften jare.

Source Fulltext: Chartularium Sangallense X, Nr. 6079, S. 256-258.