Allen^a) den, die disen brief ansehent lesent oder ho^erent lesen, kúnde ich Cůnrat Burg burger ze Costentz vnd vergich offenlich an disem brief fúr mich vnd fúr alle min erben vnd || nâchkomen, won es o^vch wâr ist, als ich mir vnd allen minen erben vnd nachkomen von den wolbeschaidnen dem burgermaister dem rât vnd von den burgern allen gemainlich || armen vnd richen der stat ze sant Gallen in Costentzer bystům vnd och von der selben stat reht vnd rêdlich geko^vfft han sehtzig pfunt gůter vnd ga^eber haller rehtz ia^erkli||ches vnd ewiges zinses vnd geltes ieglichs iâres vff sant Jacobs tag des zwelfbotten, der da kumt in dem ho^ewet, ab der selben stat vngelt brotlo^vben mêtzi metzibenken vnd ab der selben stat kornhus vnd anders, als die brief vo^ellklicher sagent, so mit der selben stat vnd andern insigeln besigelt darúber geben sint, vmb núnhundert pfunt och gůter vnd ga^eber haller, dero ich si o^vch gantzlich gewert vnd bezalt han, das ich durch minen gůten willen fúr mich vnd fúr alle min erben vnd nachkomen den selben dem burgermaister dem rât vnd den burgern allen gemainlich der stat ze sant Gallen vnd allen iren nâchkomen vnd der selben stat ze sant Gallen die gnad vnd die frúntschaft getan han vnd den gewalt vnd das reht geben vnd tůn vnd gib in och die gnad den gewalt vnd das reht an miner vnd miner erben vnd nâchkomen stat mit disem gegenwúrtigen brief, das si iemer mê eweklich, welhes iâres si wellent vnd wenne oder welher zite in dem iâre si wellent, die vorgeschriben sehtzig pfunt haller rehtz ia^erklichs vnd êwiges zinses vnd geltes o^vch vmb núnhundert pfunt alles gůter vnd ga^eber haller von v´ns wol widerko^vffen mugent, vnd so^ellint o^vch ich vnd alle min erben vnd nâchkomen, die ich hierzů binde mit disem brief, inen des selben widerko^vffs gehorsam sin vnd inen des gestatten ân alle widerrêde, doch also, welher zit man in dem iâre den selben widerko^vff tůt, das man o^vch denn des vorgenemten zinses vnd geltes v´ns als vil, als sich denn an dem iâre von dem vorgenemten sant Jacobs tag des zwelfbotten hin erloffen hât, vnd och anders, das denn vssstůndi an dem selben zins vnd gelt, vnd o^vch schaden, ob dehainer vfgeloffen wa^eri, den man v´ns nach der selben brief sag, so wir hierumb habent, widerkeren so^elt, mit den selben núnhundert pfunt hallern geben vnd rihten sol âne alle geua^erde. Wenne man o^vch den vorgedahten widerko^vff also tůn wil, so sol man mich oder, ob ich enbin, min erben vnd nachkomen der selben núnhundert pfunt haller vnd o^vch des zinses vnd geltes, so sich denn an dem iâre erloffen hât oder suss vssstât, vnd o^vch des vorgedahten schaden in der stat ze Costentz oder drie mile wegs von Costentz ald da zwischen, in welher stat ich oder, ob ich enwa^er, min erben oder nachkomen wellent, ze v´nsern oder vnserr gewissen botten handen gantzlich weren vnd bezalen fúr ba^enn fúr a^vht fúr ma^englichs verbieten vnd verhêften gaistlicher vnd weltlicher lúte vnd geriht. Wenn man o^vch den vorgeschribenn widerko^vff tůt, wa^erint haller denn anders gesetzt ze nemend oder na^emi man si anders, denn si hútt dis tages gang hant, do dirr brief geben wart, do gab man zwen sa^emlich gůt haller fúr ainen Costentzer pfenning, mit was werschaft denne der mêrtail der lút ze Costentz vmb sa^emlich sache ain ander werent, also so^ellin ich vnd min erben vnd na^vchkomen v´ns o^vch hiervmb lassen weren. Vnd won mir vmb die vorgeschriben sehtzig pfunt haller ia^erklichs zinses vnd geltes von den vorgedahten burgermaister rât burgern vnd von der stat ze san Gallen zwen brief, die baide stant vmb die vorgeschriben sehtzig pfunt haller zinses vnd geltes vnd ainer lut sint vnd gelich sagent, besigelt geben sint ze gůter gewarsami vnd das ich vnd min erben vnd nâchkomen des vorgenemten ia^erlichs zinses vnd geltes dester sicherr sigin vnd daran gebresten widersatz ierrung oder sûmsa^eli dester minder gewinnin lidin oder habint, ob der selben zwaier brieuen ainer verbrunni verlorn ald suss gewu^est oder vnnútz wurdi, so sol man wissen, wenn die selben zins vnd ia^erlich gelt von mir ald von minen erben oder nâchkomen ainest mit núnhundert pfunt hallern widerko^vfft werdent vnd wir o^vch des, so an dem vorgeschribenn zins vnd gelt sich an dem jâre erloffen hat oder anders vss stât, vnd des schaden, so man v´ns widerkêren solt, gewert vnd bezalt werdent vnd der widerko^vff vnd dis alles also beschehen vnd vollfu^ert ist, das danne die selben brief baide ab tot vnkrêftig vnd vnma^ehtig sin vnd wesen sont vff gaistlichem vnd vff weltlichem geriht vnd an allen stetten, vnd sont o^vch dannanhin die selben zwen brief die vorgedahten den burgermaister den rat vnd die burger der obgenanten stat ze sant Gallen gemainlich noch sunderlich vnd iro nâchkomen vnd die selben stat ze sant Gallen vnd ir angúlten vnd búrgen in kain wîse niemer fúrbass mê binden vnd inen dehainen schaden niemer me bringen, vnd sont inen o^vch dann die vorgeschriben gůt, die v´ns vmb die vorgenemten sehtzig pfunt haller ewiges zinses vnd geltes haft wârent, a^ellú gantzlich mit allen rehten vnd aller dinge ledig vnd los sin ân alle geua^erde. Vnd des alles ze offemm wâren vrkúnde han ich der obgenant Cůnrat Burg erbetten die fromen Walthern Swartzen ze disen ziten burgermaister¹ vnd V^olrichen Hapch statamman ze Costentz², das si irú insigel hant gehenkt an disen brief, daran ich o^vch min aigen insigel zů iren insigeln gehenkt han. Darzů han ich o^vch mit miner aigenn hand mich disem brief vnderschriben. Wir die vorgenemten Walther der Swartz burgermaister vnd V^olrich Hapch statamman ze Costentz veriehen vnd bekennen o^vch, das wir von bett wegen des obgenanten Cůnratz Burgs vnsrú insigel zů sinem insigel ze ainer zúgnust vnd ze offemm waren vrkúnde alles des, so da vorgeschriben stat, doch v´ns vnd v´nsren erben vnscha^edlich vnd vnbegriffenlich gehenkt habent an disen brief. Der geben ist ze Costentz in dem iâre, do man zalte von Cristus gebúrt drúzehenhundert jâr vnd darnach in dem nún vnd ahtzigosten jâre, an dem na^ehsten samstag nach sant Peters vnd sant Paulus tag der hailgen zwelfbotten. Ita^b-) factum est per totum et ideo etiam ego Conr. Burg me hie manu propria subscripsi. R.^-b)

Source Fulltext: Chartularium Sangallense X, Nr. 6333, S. 574-576.