Allen^a) den, die disen brief an sehent lesent oder ho^erent lesen, kúnd ich V^olrich von Múnchwilla¹ vnd vergih des offenlich mitt disem brief, dz ich willeklich vnd || gern durch gott vnd durch bett der erwirdigen frowen der eptischinen vnd dem conuent gemainlich des gotzhus ze Maggenow² reht vnd redlich geben han ze || rehtem aigen die manschaft vnd lehenschaft des gůtes gelegen vff der Egg³ etwenn genempt dz manlehen, dz der beschaidenn Johans Etter ab der Egg genant der || Bregentzer von mir ze lehen ha^vt gehebt vntz her vff disen húttigen tag, als dirr brief geben ist, dz selb gůt ainhalb sto^vsset an Sneggenburgs gůt vnd andrent an sant Niclaus⁴ gůt vnd an der obgenanten frowen gu^eter ze Maggenow, vnd wz zů dem vorgenanten gůt geho^eret von reht oder von gewonhait, vnd han inan dz selb gůt geben vnd gefertgot fúr reht aigen mitt allen den worten werken vnd geta^eten, so dar zů gehortond vnd notdurftig warent nach reht vnd gewonhait, vnd han mich dar v´ber verzigen vnd verzih mich mitt disem brief fúr mich vnd all min erben gen den vorgenanten gaistlichen frowen vnd gen allen iren nahkomen alles des rehten vnd aller vordrung vnd anspra^vch aller kuntschaft aller manschaft vnd lehenschaft aller besatzung vnd frihait, so ich zů dem vorgenanten gůt von manschaft wegen ie gehept han ald von dekainen dingen noch her nach gehaben oder gewinnen mo^eht ich oder min erben, vnd sol ich vnd min erben der selben manschaft iro vnd iren nahkomen reht wern sin fúr reht aigen nach reht a^vn geferde gen aller menglichem an gaischlichen vnd an weltlichen gerihten, wo sin die vorgenanten frowen vnd alle ir nahkomen bedurfent oder sin notdurftig sind. Vnd des ze ainem wa^vren offenn vrkúnd vnd sta^eter ewiger sicherhait aller diser vorgeschribnen dinge vnd vergiht so gib ich V^olrich von Múnchwilla da vorbenempt fúr mich vnd alle min erben der vorgenanten miner frowen der eptischinen vnd dem conuent des gotzhus ze Maggenow vnd iren nahkomen dar v´ber disen brief besigelt mitt minem aigen ynsigel. Der geben ist ze Wil⁵ in der statt an sant Margarethen tag in dem iar, do man zalt von gottes gebúrt drútzehenhundert iar, ahtzig iar vnd dar nach in dem núnden jare,

Source Fulltext: Chartularium Sangallense X, Nr. 6334, S. 576-577.