Dem erwirdigen minem genedigen herren hern Chun apt zu L sant Gallen¹ enbut ich Johans von Wangy² min gehorsam willig L dienst vnd was ich eren vnd gutes vermag. Genediger herr, vnd L tun vwern genaden ze wissen, das Verena min eliche husfrow vnd och ich dz gut ze Nussbomen³ vnd buwet Langenhart, dz von vch vnd vwerm goczhus lechen ist, dem fromen vesten ritter hern Rudolf von Sehein⁴ vnd des elichen husfrowen ze koffen geben haben. Bitten wir vwer genad mit allem ernst, dz vorgeseit lechen von vns beiden vfzenemen vnd es mit aller sicherheit, so darzu notdurftig ist, dien obgenanten hern Rudolfen vnd siner husfrowen ze lichen von vns vnd von menlichem von vnser wegen nu vnd hie nach vnbekumbert. Mit vrkund ditz briefes besigelt mit minem vfgedrukten insigel ze end diser schrift, darvnder ich mich die egenant Verena sin husfrow willenklich bind. Geben Zurich an der nechsten mitwuchen vor vnser frowen tag ze der liechtmess anno domini M^oCCC^moLXXXX^mo.