Ich^a) graue Rudolff von Sultz¹ hofrihter^b) von des aller hoherbornesten durchluchtigesten fursten vnd herren hern Wentzelaus^c) Romischen L kunges vnd kunigs ze Beheim mins genedigen herren gewalt an siner statt vf sinem hof ze Rotwil² tun kunt mit disem brief allen den, L die in ansehent lesent oder horent lesen, daz ich ze geriht sazz vf dem hof ze Rotwil an der ofnen frygen kunges strasse vf disen tag, als dirre L brief geben ist, vnd stund vor mir vf dem selben hof der ersamen wisen des burgermaisters des rates vnd der burger gemainlich der statt ze sant Gallen erberu vnd gewissu bottschaft mit vollem gewalt an der selben von sant Gallen statt vnd zougte da ainen guten gantzen gerehten redlichen vnd vngebresthaften fryghaitbrief versigelt mit des obgenanten mins gnedigen herren dez Romischen kunges anhangenden magestat insigel, der selb brief vor mir in offem geriht des hofes ze Rotwil gelesen vnd verhoret wart vnd von wort ze wort stund, als hie nach geschriben stat: Es folgt der Text von Nr.6174.Vnd do der brieff gelesen vnd verhoret wart, do batt mich die obgenant der von sant Gallen bottschaft an ainer vrtail ze eruarend, ob die vorgenanten schulthais burgermaister rate vnd die burger gemainlich vnd insunders der statt ze sant Gallen der obgenanten gnade vnd fryghait ut billich geniessen vnd da by beliben sullent vnd ob man inen dez ut billich vidimus geben sulle mit des hofes ze Rotwil insigel besigelt. Darumb vorschet ich der vrtail, waz reht ware, vnd wart nach miner frag ertailt von rittern vnd von rihtern, die da ze gegen warent, mit rehter vnd mit gesamnoter vrtail, als vf dem hof ze Rotwil reht was, daz die vorgenanten der burgermaister der rate vnd die burger gemainlich vnd insunders der obgenanten statt ze sant Gallen der obgeschribnen gnade vnd fryghait billich genissen vnd da by beliben sullen vnd ouch inen des vidimus geben sol mit des hofes ze Rotwil insigel besigelt. Vnd herumb ze offem vrkund han ich des hofes ze Rotwil insigel mit vrtail offenlich gehenket an disen brief. Der ze Rotwil geben ist an dem nehsten zinstag nach vnsers herren fronlichams^d) tag nach Cristus geburt druzehenhundert jare vnd in dem nuntzigesten jare.