Wir^a) Wenczlaw von gotes gnaden Romischer kunig zu allen czeiten merer des reichs vnd kunig zu Beheim bekennen vnd tun L kunt offenlichen mit disem briue allen den, die in sehen oder horen lesen, das wir von wegen der burgermeister rete vnd burger L gmeinlichen der stete Costentz, Vberlingen⁴, Lyndow⁵, Rauenspurg⁶, Sandgallen, Wangen⁷ vnd Buchorn⁸ vnser vnd des reichs liben L getrewen vnderweiset sein, wie das in seliger gedechtnusse der allerdurchleuchtigiste furste vnser liber herre vnd vater der Romisch keyser Karle, die weil er lebte, durch gemeines nutzes vnd frydes willen einen bunt in irem begriffe aneinander zu haben erloubet hette, der weren solte desselben vnsers herren vnd vaters lebtage vnd dornach czwey gancze jare, vnd sind nu diselbe czeite vorgangen ist^b), so haben vns die egenanten vnsre vnd des reichs burger vnd stete mit fleisse gebeten, das wir in sulchen bunt vns vnd dem heiligen reiche zu eren vnd zu nucze etliche czeite zu haben gnediclichen besteten geruchten. Des haben wir angesehen vnd eygentlichen bedacht des vorgenanten vnsers herren vnd vater weisheid vnd ouch redliche sachen, die in dorczu bewegt haben, vnd ouch getrewe nutze vnd vnuordrossene dinste, die vns vnd dem reiche die vorgenanten stete getan haben teglichen tun vnd furbas tun sollen vnd mogen in kunftigen czeiten, vnd haben mit wolbedachtem mute rate vnserr fursten vnd getrewen vnd von rechter wissen denselben bunt von newes erloubet vnd bestetiget erlouben vnd besteten in den von Romischer kuniglicher mechte in craft dicz briues, also das die vorgenanten stete denselben bunt anczuheben von datum dicz briues vber czehen gancze jare in irem begriffe vnd gegende an allermeniclichs hindernusse haben halden vnd des gebrauchen sollen vnd dornach bis an vnser oder vnserr nachkumen Romischen keysern oder kunigen widerrufen, in aller der massen vnd weise, als in den der obgenant vnser herre vnd vater verloubet hat. Mit vrkunt dicz briues vorsigelt mit vnserr kuniglichen maiestat insigele. Geben zu Prage noch Crists geburt dreiczehenhundert jare vnd dornoch in dem newnczigistem jare, des suntags vor sand Bartholomes tag, vnserr reiche des Behemischen in dem achtvndczweinczigistem vnd des Romischen in dem funfczehenden jaren.