Allen^a) den, die disen brief ansehent lesent oder horent lesen, kunden vnd veriehen wir dis nachgenanten Wernher vnd Albrecht die Keller von Butzenswille¹ offenlich L mit disem brief, daz wir baid gemainlich vnd vnuerschaidenlich redlich vnd recht fur vns vnd fur alle vnser erben verkoft haben ainen mut kernen gutes vngeLuarliches Wiler² messes iarliches vssgendes zinses vnd geltes ab vnd vsser dem gut Ziggenzi³, der vnser aigen was, vnd haben denselben mut kernen gelts ains vngeLuarlichen ewigen kofs ze koffent geben dem erwirdigen herren abt Johansen vnd gemainem couent des gotzhus ze Vischinan⁴ vnd allen iren nachkomen vmb zehen pfund pfen(ning) alles guter vnd genamer Costentzer muns, dero wir och aller gentzlich vnd gar nach vnserm nutz vnd willen von inan bezalt syen, vnd haben inan den selben mut kernen geltz vsser dem egenanten gut ledklich vnd ffrilich vffgeben vnd zu iren vnd zu iro nachkomen vnd zu des obgenanten ires gotzhus handen geuertgot vnd bracht vnd si des in liblich nutzlich gewer gesetzt, alz recht sitt vnd gewonlich was, vnd haben vns hier vber an demselben mut kernen geltz vnd an dem egenanten gut ze Ziggenzi mit aller zugehord ledklich vnd ffrilich fur vns vnd fur alle vnser erben verzigen vnd entwert vnd verzihen vnd entweren vns redlich vnd recht mit disem brief alles rechten gaistlichs vnd weltlichs gerichs^b) aller rechtung aller vordrung vnd ansprachen, so wir ald vnser erben dar zu ie gehattent ald hernach iemer mer gewinnen ald erwerben mohtent von tail ald von gemaind von recht ald von gewonhait ald von dehainerlay andren sach wegen an geuard. Wir sollent vnd gelobent och vesteklich mit disem brief fur vns vnd fur alle vnser erben, des vorgenanten mut kernen geltz fur recht aigen vnd dis kofs der obgenanten abt Johansen vnd gemaines couents des gotzhus ze Vischinan vnd aller iro nachkomen gen allermenglichem allenthalben, wenn wa ald wiedik si des noturftig sint vnd mit dem rechten dar vmb vfgetriben ald angesprochen werdent, recht weren ze sint nach dem rechten vnd si allweg von der ansprach ze ledgent vnd ze losent an furzug vnd an widerred an alle geuard. Vnd des alles ze offem vrkund der warhait so han ich obgenanter Wernher Keller min insigel fur mich vnd fur alle min erben offenlich gehenkt an diesen brief. Vnd wan aber ich obgenanter Albrecht Keller aigens insigels nit han, so han ich erbetten den fromen Rudolfen von Edeggswille schulthaizz ze Wil⁵, daz er sin insigel fur mich gehenkt hat an disen brief, des och ich ietzgenanter schulthaizz offenlich vergich, daz ich von ernstlicher^c) wegen des obgenanten Albrecht Kellers min insigel fur in doch mir vnd minen erben vnschadlich offenlich gehenkt^d) an disen brief. Der geben ist ze Wil in der statt an sant Bartholomeus aubent, do man zalt von Cristus geburt druzehenhundert jar, dar nach in dem nuntzigosten jar.