Ich^a) Herman von Sultzberg¹ tun kunt vnd vergich offenlich mit disem brief allen den, die in ansehent L oder horent lesen, das ich ze Rinegg² vor offem gericht vnd vor den burger gemainlich an offner des riLches strasse willeklich vnd frilich vnd mit verdachtem mute vf geben han minen wingarten gelegen L am Buchberg³, der da haisset der Kriesser vnd ainhalb stosset an Cristan Volis wingarten anderthalb an Peter Ferren wingarten, den ietz halben hât her Hans von Ramswag⁴, des lib ding er ist vntz an sinen tôd, den selben wingarten mit allen rechten vnd mit aller zugehorde, der min reht aigen ist, vnd och min hofli, das man nemmet das Sultzbergli, och mit allen rechten vnd mit aller zugehorde, das och min recht aigen ist, minen kinden Hainr., Hansen, Richlinun vnd Annun, die ich han bi Allinun Clausinun, den selben minen kinden allen fieren nach minem tôd ze ainer rechten gemainde vnd och also, das kain min erben noch nachkomen noch nieman andra an iro statt noch von iren wegen die vorgenanten mini kind an dem vorgeschriben wingarten vnd an dem vorgeschriben hoflin noch an dekainer iro zugehorde niemer sumen nach ieren nach an sprechen weder mit gaistlichem noch mit weltlichem gericht nach an gericht nach mit enkainer laig ander sache nach furzug ân alle gefard. Ich sol och den vorgenanten wingarten am Buchberg, den man nemmet der Kriesser, vnd och das vorgeschriben hofli, das man nemmet das Sultzbergli, inne haben vnd niessen alle die wil ich leb vnd in lib bin, vnd wenne ich ab gan von tôdes wegen vnd nit me in lib bin, darnach sont die vorgenanten mini kind den vorgeschriben wingarten mit aller zugehorde vnd mit allen rechten vnd och das vorgeschriben hofli mit allen rechten vnd mit aller zugehorde inne haben vnd niessen besetzen vnd entsetzen als ander ir aigelich gut ân sumen vnd ieren aller miner erben, vnd han dis alles getan vnd follefurt, als vrtal vnd recht geben hât vnd als es kraft vnd macht haben sol vnd mag han ietz vnd och hie nach vnd als recht ist. Vnd des ze vrkund der warhait vnd dire vorgeschriben vergicht so han ich der vorgenant Herman von Sultzberg min aigen insigel fur mich vnd min erben offenlich gehenkt an disen brief. Darzu han ich ernstlich gebetten den beschaiden Burkart Noschler statt amman ze Rinegg⁵, das der sin insigel von des gerichtz wegen nach mir och henkt an disen brief, wan es och vor gericht ertalt ward, das ers tun solt. Ich Burkart Noschler amman ze Rinegg verrgich offenlich mit disem brief, das ich von ernstlicher bete wegen Herrman von Sultzberg vnd och von des gerichtes wegen och min insigel gehenkt han an disen brief mir vnd minen erben gantzlich an schaden. Geben ze Rinegg an dem nahsten fritag nach sant Michels tag in dem jar, do von Cristus geburt warend druzehen hundert jar, darnach in dem nunzigosten jâre.