Ich^a) graf Heinrich von Werdenberg¹ herre ze Rinegg² tun kund vnd vergich offenlich mit disem brief, als mir L der edel hochgeborn min gnediger herr hertzog Al­brecht von Osterrich³ schuldig gewesen ist dru tusent L guldin, dar vmb ich sinen offenn brief han, an die selben dru tusent guldin ich formals tusent guldin gewert L vnd bezalt bin, vnd mir aber nu der from vest Reinhart von Wêhingen⁴ lantvogt an die vbrigen zwei tusent guldin funf hundert guldin gewert vnd bezalt hat, da von so sagen ich den obgenanten minen gnêdigen herren hertzog Albrechten vmb die obgeschriben funf hundert guldin quitt ledig vnd los. Mit vrkund dizz briefs besigelt mit minem anhangenden insigel. Geben ze Rinegg an der nechsten mitwochen nach sant Niclaus tag, do man zalt von gotz geburt druzehen hundert vnd nunzig iar.