Ich^a) Cunrat Sager burger ze Rauenspurg¹ vergich mit vrkund diz briefs, alz mir der hochwirdig min gnadiger L herr abt Cun vnd der couent gemainlich dez gotzhus ze sant Gallen² die besunder gnad getan hand vnd von mLiner erstlicher bett wegen das gut vnd zins ze Rubgarten³, daz mir iarlich galt ze zins ain pfunt vnd vier schilLling Costentzer pfennig, dz min reht lehen vom dem ietzgenanten gotzhus ze sant Gallen gewessen ist, von mir vff genomen vnd dem spital ze Rauenspurg geaignot vnd fur aigen hin geben hand, sol man wissen, dz ich vmb die vorgeschribnun gnad vnd da wider die aigenschaft dez vogtrehtez ze dem Stainhus⁴, die mir iarlich ze zins gilt vier schoffel haber zway schaf sehs hunr vnd zwen schilling pfennig, die och min reht aigen gewessen ist, den vorgeschribnen minem herren abt Cun vnd dem couent ze sant Gallen ze ir vnd ze dez vorgedahten gotzhus ze sant Gallen handen fur mich vnd min erben vff geben vnd ze ainem rehten lehen also gemachot vnd von inen ze lehen enpfangen han, vnd ist diz beschechen mit allen worten vnd getaten, die darzu von reht vnd von gewonhaitten hortent vnd notdurftig warend. Vnd dez ze warem offem vrkund vnd gantzer warhait^b) so han ich min aigen insigel offenlich gehenkt an disen brief, dar zu ze merer sicherhait so han ich erbetten den fromen erber Vlrichen von Ebberspergen⁵, dz er sin aigen insigel ze ainer zugnuss och zu mir an disen brief gehenkt hat. Ich Vlrich von Ebbersperg ietzgenant vergich ainer warhait aller diser vorgeschribnen ding vnd dz ich also min aigen insigel von siner erstlicher bett wegen gehenkt han an disen brief mir vnd minen erben vnschadlich. Der geben ist ze Rauenspurg in der statt an sant Thomas tag dez hailigen zwolfbotten tag in dem iar, do man zalt von Cristi geburt tusent druhundert vnd nuntzig jar.