Allen^a) den, die disen brief ansehent lesent oder horent lesen, kund ich Cunrat Vogelwaider der metzger L burger ze sant Gallen vnd vergich offenlich mit disem brieue fur mich vnd fur alle min erben, als L die ersamen Johans Appaceller, Vlrich Keller der bader vnd Johans Gupsiner och burger ze L sant Gallen ze disen ziten maister vnd phleger der armen velt siechen an dem Linsibul ze sant Gallen vor der stat den wingarten, den man nempt die Kamer, gelegen ze Bernang in dem Rintal in Zaissenriet, der ainhalb stosset an spittals wingarten ze sant Gallen och genant die Kamer, stosset anderthalb an der Hub bach, der zu des Hohsters muli vnd mulstat gat, in getruwes mannes hand vnd in rehter tragnust wise zu minen handen vf geben vnd geuertgot hand, also daz ich vnd min erben, ob ich enbin, den vorgenanten maistern vnd phlegern vnd allen iren nachkomen, weli ie danne da selbs an dem Linsibul der armen siechen maister vnd phleger sint, an der selben siechen stat mit dem vorgeschribenn wingarten getrulich gewartig vnd ir getruwer trager daruber sin sol ân argelist vnd ân alle geuarde, vnd daz ich noch enkain min erben an dem noch zu dem selben wingarten genant die Kamer enkain reht vordrung noch ansprach von aigenschaft noch von lehenschaft noch von dehainer lay ander sach wegen niemer haben noch gewinnen sont won von der tragnust wegen, alz vor ist beschaiden. Vnd des alles ze offem warem vrkunde vnd stater sicherhait aller der vorgeschribenn dinge vnd vergiht so han ich Cunrat Vogelwaider da vorgenant fur mich vnd fur alle min erben min aigen insigel offenlich gehenkt an disen brief. Der geben ist ze sant Gallen an dem nahsten donstag vor sant Johans tag des Toffers ze sunnwendi in dem jâr, do von Cristus geburt warent druzehenhundert jar, nunzig jar vnd darnach in dem andern jâre.