Wir^a) Wenczlaw von gotes gnaden Romischer kunig zu allen czeiten merer des reichs vnd kunig L zu Beheim embieten dem burgermeister rate vnd burgern gmeinlichen der stat zu sant L Gallen^b) vnsern vnd des reichs liben getrewen vnser gnade vnd alles gute. Liben getrewen, L vmb die gewonlich stewer, die ir vns vnd dem reiche jerlich pflichtig seyt zu geben, heissen vnd gebieten wir euch bey vnsern vnd des reichs hulden, das ir die Borziwogien von Swynars³ lantvogte in Swaben vnd zu Elsassen vnserm liben getrewen oder seinem boten vff den nehsten sand Merteins tag mit alder guter werunge genczlichen vnd vnuorzogenlichen richtet vnd beczalet. Wann so ir das getan habt, so sagen wir euch derselben stewer als von diesem jare von vnsern vnd des reichs wegen genczlichen vnd gare qweyt ledig vnd loze. Mit vrkunt dicz briues vorsigelt mit vnserr kuniglichen maiestat insigel. Geben zu Betlern⁴ noch Cristes geburt dreyczehenhundert jare vnd dornach in dem eynvndnewnczigisten^c) jare, des montags noch sand Lorenczen tag, vnserr reiche des Behemischen in dem dreissigisten vnd des Romischen in dem siben czehenden jaren.