Officialis^a) curie Constanciensis omnibus presentium inspectoribus subscriptorum noticiam cum salute. Noveritis noverintque universi et singuli, quos subscriptum tangit negocium seu tangere L poterit quomodolibet in futurum, quod coram nobis notario publico et testibus subscriptis anno et die, quibus data presencium conscribitur, personaliter constitutus honorabilis et discretus dominus Conradus Talakkrer prespiter L Constan(ciensis) dyocesis procurator et nomine procuratorio, ut asseruit, venerabilium et religiosorum in Christo dominorum abbatis et conventus monasterii sancti Galli ordinis sancti Benedicti dicte Constan(ciensis) dyocesis sedi L apostolice inmediate subiecti, nobisque exhibuit et ostendit litteras vulgares, unam videlicet sigillo pendenti, ut prima facie apparebat, universitatis civium in Wangen¹ et alteram sigillis secretis bone memorie quondam domini Georii abbatis dicti monasterii sancti Galli² in cera rubra et civium sancti Galli in cera viridis coloris tergotenus appressis sigillatas non abolitas non abrasas non cancellatas sed sanas et integras omnique vicio et suspicione prorsus carentes, quarum quidem litterarum tenores inferius de verbo ad verbum describuntur. Ac proposuit et allegavit, quod quamvis prefati domini sui et ipse ipsorum nomine eisdem litteris pro iuribus et utilitate dicti monasterii defendendis et ostendendis uti habeant in diversis locis et extra, easdem tamen litteras originales propter plurima viarum discrimina et gwerras intermedio tute et secure transmittere seu deffere non valeant. Et obinde, ne probationis copia sibi, quo supra nomine, et dicto monasterio deficeret, si ipse littere originales aliquo periculo seu casu fortuito amitterentur, petiit a nobis humiliter et instanter prefatus dominus Conradus quo supra nomine, quatenus dictas litteras vulgares nobis, ut premittitur, exhibitas et ostensas fideliter exemplari et transumi et per notarium publicum subscriptum publicari et in formam publicam redigi mandaremus sigillique nostri officialatus faceremus appensione muniri cum interposicione decreti, quod ipsi exemplari equalis fides sicut ipsis originalibus litteris adhiberetur in iudicio et extra, ubi pro iure dictorum dominorum abbatis et conventus atque monasterii sancti Galli predicti foret oportunum. Nos vero dicti domini Conradi procuratoris petitionem tamquam racionabilem exaudientes prefatas litteras vulgares, quas etiam sanas et integras ac omni suspicione carentes invenimus, per notarium publicum subscriptum nostrumque scribam iuratum fideliter transumi et exemplari et in formam publicam redigi mandavimus sigillique nostri officialatus appensione fecimus communiri, decernentes presentes litteras eandem vim eundemque vigorem habere, quem dicte littere vulgares noscuntur obtinere. Datum et actum Constan(cie) in curia nostre habitacionis anno a nativitate domini millesimo trecentesimo nonagesimo secundo, indictione quintadecima, pontificatus sanctissimi in Christo patris ac domini domini Bonifacii digna dei providencia pape noni anno tercio, mensis septembr(is), die septima, hora none vel quasi presentibus honorabilibus et discretis viris dominis Johanne Mochenwang canonico Constan(ciensi) ac preposito ecclesie sanctorum Felicis et Regule Thuricen(sis)³, Vlrico Carpentarii de Baden⁴ decano ecclesie Zurcziacensis⁵, magistris Nicolao Trutler, Hugone de Richental⁶, Diethelmo de Gerwil⁷ canonicis dicte ecclesie Thuricen(sis) ac Johanne Schanfiggen cive Constan(ciensi) testibus ad premissa vocatis specialiter et rogatis. Tenor vero littere vulgaris sigillo universitatis civium opidi in Wangen sigillate de verbo ad verbum sequitur et est talis: Es folgt der Text von Nr.3208. Tenor vero alterius littere vulgaris sigillis quondam domini Georii abbatis et civium sancti Galli tergotenus appressis sigillate de verbo ad verbum sequitur et est talis: Es folgt der Text von Nr.4808. (ST) Et ego Johannes dictus Binder de Scaffusa⁸ clericus Constan(ciensis) dyocesis publicus imperali auctoritate et curie Constan(ciensis) ac prefati domini officialis scriba iuratus predictas litteras manu mea propria conscripsi et ad requisicionem predicti domini Conr. procuratoris in virtute iuramenti per me sacro Romano imperio iuxta exigenciam tabellionatus officii prestiti de presenti transumpto et exemplari ad ipsas litteras originales collacionem fidelem feci. Et quia facta collacione fideli de presenti exemplari ad ipsas litteras originales inveni presens exemplar cum ipsis litteris originalibus in omnibus de verbo ad verbum penitus concordare, idcirco presens exemplar de mandato dicti domini officialis publicavi et in hanc publicam formam redegi signoque meo solito et consueto una cum appensione sigilli ipsius domini officialis signavi rogatus et requisitus in testimonium omnium premissorum.