Burkardus^a) dei gracia episcopus Constanciensis¹ omnibus presencium inspectoribus subscriptorum noticiam cum salute. L Ex parte discretorum Johannis Burgower rectoris ecclesie parrochialis sancti Laurencii² opidi sancti Galli, Bertholdi dicti BrendLli de Campidona³ capellani capelle leprosorum in loco am Linsibul⁴ extra et prope muros dicti opidi infra parrochiam dicte L ecclesie site nostre Constanciensis diocesis ac ipsorum leprosorum nobis expositum existit, quod olim tempore consecracionis dicte capelle solempnitas dedicacionis eiusdem celebranda ordinabatur ad duodecimam diem mensis augusti, subsequenter autem cum ipsa capella minus arta et augusta fuerat et obinde ampliabatur, ita quod ad eam et sub eodem tecto chorus eidem antiquiori capelle uniebatur et preponebatur altari, quod nunc maius nuncupatur et pro principaliori habetur in eodem choro constructo, quorum chori et altaris solempnitas dedicacionis ad celebrandum imposita fuit ad dominicam proximam ante festum sancti Pelagii martiris, sicque bis in anno solempnitas dictarum dedicacionum est hactenus diutius celebrata, quodquod ex huiusmodi bina solempnitatis dictarum dedicacionum celebracione, nedum dictis leprosis ibidem commorantibus verum eciam dicte ecclesie parrochiali sancti Laurencii et eius rectori pro tempore existenti plura incommoda evenerint hactenus et futuris temporibus maiora incommoda evenire formidentur, et petitum fuit a nobis pro parte eorundem Johannis, Bertholdi et leprosorum, quatinus sibi in hiis et circa ea de oportuno remedio providere dictas solempnitates dictarum dedicacionum celebrandas adiuvare et ad dominicam proximam ante festum beati Bartholomei apostoli transferre dignaremur. Et quia rem congnovimus se habere ut prefertur nos eciam supplicacione dictorum Johannis, Bertholdi et leprosorum inclinati tam prescriptis quam aliis racionabilibus causis nos ad hoc monentibus solempnitates dictarum dedicacionum ambarum adunamus easque de diebus, in quibus ut prefertur hucusque celebrate sunt, ad dictam dominicam ante festum beati Bartholomei apostoli proximam videlicet, ut ipsa dominica celebrari debeant et celebrentur, transferimus. Omnibus indulgenciis dicte capelle pridem canonice concessis, quas in suo robore volumus permanere, addentes quadraginta dies indulgenciarum de iniunctis penitenciis, quas cuilibet Christi fideli vere penitenti et confesso dictam capellam in prefata dominica ante festum beati Bartholomei predictum devote visitanti de omnipotentis dei misericordia et beatorum Petri et Pauli apostolorum eius atque sancte Marie virginis gloriose matrone et beatorum Conradi episcopi et confessoris et Pelagii martiris nostre ecclesie Constanciensis patronorum patrocinio confisi elargimur, universis et singulis plebanis et viceplebanis, ad quos presentes pervenerint, mandantes, quatinus sic factum esse publicent suis in cancellis. Datum Constancie anno domini millesimo trexentesimo nonagesimo tercio IIII kln. decembr. ind. prima.