Wir^a) Burkart von gots gnaden byschoff^b) ze Costentz¹ tunt kunt menklichen mit disem brief, daz fur vns L koment vnser besunder lieben vnd getruwen Hainrich von Hettlingen² vnd Veren von Ebersperg³ sin eliche frow L vnd gabent vns vff an vnser hand dise nachgeschribnen guter, des ersten den hoff ze Obergolda⁴ gelegen, L den man nempt Spatzen hoff⁵, vnd den hoff ze Nuwenswendi⁵ gelegen ob der Egg⁶, baid mit holtz mit feld mit akkern mit wisan mit wunn mit waid vnd mit aller irrer zugehord, die von vns vnd vnserm gotzhus ze Costentz lehen sind, vnd battent demutenklich, das wir dieselben lehen geruchtent ze lihen Eberharten vnd Albrechten von Burglon⁷ rittern vnd gebrudern vnsern lieben oheimen, won si inen die von ir ehafftiger not wegen ze kouffent geben habent, die bett wir do gnedenklich erhortent, won si vns redlich dunkt, vnd nament die obgenanten lehen von denselben Hainrichen vnd Verenen vff an vnser hand vnd lihent die den vorgeschribnen Eberharten vnd Albrechten von Burglon vnd lihent inen ouch, was wir inen von rechtes wegen daran lihen sullent vnd mugent, also das si die nuhinnenthin mit aller zugehorde von vns vnsern nachkomen vnd vnserm gotzhus in lehens wis inmehaben^c) vnd niessen sullent vnd mugent, als lehens vnd landes recht ist, ane geuerd. Vnd ist ouch dis lihen beschehen vnd vollefurt mit aller der gehugde worten vnd werken, die von recht vnd von gewonhait dartzu hortend vnd notdurfftig warent, doch vns vnsern nachkomen vnd vnserm gotzhus an allen vnsern rechten vnd gewonhaiten vnschedlich. Vnd des ze warem vrkund hiessend wir obgenanter bischoff Burkart vnser bischofflich insigel henken an disen brief. Geben ze Costentz vff vnser phallentz nach Cristus geburt drutzehenhundert iar, darnach in dem vier vnd nuntzigostem iare, an dem nechsten donstag vor sant Hilarien tag.