Ich^a) Hans Aychorn amptman mines genadigen herren grâff Tonatz von Toggenburg¹ tun kund vnd vergich offenlich mit disem brieff allen den, die L in ansehent oder horrent lesen, dz ich hut uff disen tag, als diser brieff geben ist, an mines obgenanten herren statt gelichen hab vnd ôch lich L mit disem brieff dem wolbeschaiden man Hainrichen Botschi ain halben hoff genant Korno^w2 gelegen ze Jônschwil³ mit allen nutzen L rechten vnd gewonhaiten mit wisen mit aker mit holtz mit veld vnd mit allen zugehorden also vnd mit dem gedingd, dz er allu jâr minem obgenanten herren grâff Tonat von Toggenburg geben sol zway malter korn vnd zehen schilling pfenning nôch zins recht vnd als sitt vnd gewonlich ist. Ôch ist beret vnd bedinget, wie der obgeschriben Hainrich Botschi mit zinsen vff den egenanten halben hoff, der mines egedâchten herren tail ist, kumpt, also sol er ôch dâr ab komen. Ôch ist ze wussen, dz der vorbenempt Hainrich Botschi dez ersten jâres, als ich im disen halben hoff gelichen hab, vollen zins hât geben, als vorgeschriben stât. Vnd dez alles ze wârem offen vrkund so hab ich Hans Aychorn amptman mines genadigen herren grâff Tonatz von Toggenburg min aygen ynsigel offenlich an disen brieff gehenkt. Der geben ist ze Lutispurg⁴ in der vesti in dem jâr, do man zalt von Cristus geburt druzehenhundert jâr, nuntzig jâr vnd dâr nâch in den vierden jâr, an der nachsten mittwuchen vor vnser frowen tag ze der liechtmiss.