Ich^a) Vlrich Vedrer ze Bernang¹ gesessen vnd des erwirdigen gotzhus ze sant Gallen aigen man vergich L mit disem brief aller mangklichem, als Haini Zuber, der des vorgeschriben gotzhus aigen man gewesen ist L vnd Adelhaiten miner elichen husfrowen elicher vatter ist gewesen, ab gangen ist von todes wegen vnd sin L hus mit hoffstatt vnd hoffraiti mit stadel vnd mit aller zugehord ze der Zuben² gelegen, item sin tail des torgels bi dem selben hus gelegen, item sinen tail des wingarten, da den andren tail sin bruder Vli hett, och ze der Zuben gelegen, item ain wingart genant der Eglolf³ stosset anhalb an die gassen, die gen Husen⁴ vff hin gat, item ain wis nempt man der Blattakker⁵ stosset anhalb an dz Dornach⁶, item ain mad ze den buhelmeder am riet gelegen, item ain wingartli ze Bernang gelegen hinder der Schulmaister hus vnd andru guter akker vnd wisen meder holtz veld, die er gehebt hett, wie die genempt oder wa si gelegen sigint, vnd alles sin varend gut, dz er gehebt hat, dem hohwirdigen fursten Cunen von gottes gnaden abt des gotzhus ze sant Gallen⁷ minen gnadigen herren vnd dem gotzhus ze sant Gallen reht vnd redlich ledig worden vnd veruallen sind, won du guter reht lehen sind von dem vorgenanten gotzhus ze sant Gallen, da hat der selb min gnadiger herr abt Cun der vorgenanten Adelhaiden miner elichen husfrowen des obgenanten Haini Zubers saligen elichen tohter die besunder grossen gnad getan vnd hett ir die vorgenanten gelegnen guter vnd alles varend gut, dz der selb ir vatter gelassen hat, von vnser ernstlicher bett wegen ze losen geben vmb zwainzig pfund pfenning Costentzer muns, der er och gantzlich bezalt ist. Vnd ze vrkund han ich erbetten Johansen Valken den alten amman ze Bernang⁸, dz er sin insigel fur mich offenlich gehenkt hat an disen brief, des ich Johans Valk amman ze Bernang vergich, dz ich von Vlrich Wedrers ernstlicher bett wegen min insigel fur in offenlich gehenkt han an disen brief, won er nit aigens insigels hat, doch mir vnd allen minen erben vnschadlich. Geben an dem nahsten fritag nach sant Gerdruden tag in dem jar, do man zalt von Cristi geburt dusent druhundert nunzig vnd vier jar.