In^a) dei nomine amen. Franciscus officialis curie Basiliensis¹ commissarius et executor unicus ad infrascripta et ut in subscriptis litteris continetur a sanctissimo in Christo patre et domino nostro domino Bonifatio digna dei providencia papa nono modo presidente specialiter delegatus seu deputatus universis L et singulis abbatibus prioribus prepositis decanis archidyaconis cantoribus scolasticis thesaurariis succentoribus custodibus rectoribus plebanis viceplebanis monasteriorum et ecclesiarum atque clericis et notariis publicis per civitatem et dyocesim Constanciensem vel alias ubilibet constitutis, ad quos L presentes pervenerint, salutem in domino et mandatis nostris ymmo verius apostolicis in hac parte firmiter obedire. Pridem coram nobis notarioque publico et testibus fidedignis personaliter constitutus discretus vir Johannes Erhardi prothonotarius consulum civitatis Basiliensis procurator et procuratorio nomine L venerabilis et religiosorum in Christo domini Wilhelmi abbatis, fratris Conradi Schilter cellerarii maioris, fratris Judoci Giener magistri pistrine totiusque conventus monasterii in Salem ordinis Cysterciensis Constanciensis dyocesis predicte singularumque personarum conventualium eiusdem conventus necnon Johannis Winterberg² magistricivium, Conradi Hagelli³ advocati, Vlrici Habch ministri, Alberti, Hainrici et Conradi dictorum Blarrer, Friderici, Nicolai et Johannis dictorum Fryen, Lutfridi Imturn, Petri senioris, Petri iunioris et Jacobi dictorum Sunnentag, Jacobi Appothecarii, Conradi Egghartz, Conradi Tettikouer alias Rull, Johannis Lind, Conradi Ehinger, Rudini Guttinger, Johannis et Petri dictorum Schalfiggen, Heinrici Reyser, Conradi de Hof, Conradi Swartzen, Johannis Gudentz, Hainrici Guttinger, Vlrici Mennelin, Johannis et Lutfridi dictorum Muntberât, Conradi Grossulin, Ryponis Hinder sant Johans, Hugonis Strolin, Johannis Hardler, Conradi de Scaffusa, Hugonis Schmerlin, Hainrici Beggelhuber, Johannis Maynow, Rudolfi Huber, Hainrici Muntberât, Alberti Carpentarii, Eberhardi Brunner ac Johannis Rys consulum et civium omniumque aliorum civium et utriusque sexus hominum omnium etiam clericorum ac personarum ecclesiasticarum maiorum et minorum maxime ius civilegii in ea obtinentium necnon totius conmunis et universitatis civitatis Constancie, item Conradi Wirt⁴ magistricivium, Henggini Huntpiss ministri, Hainrici Gundel, Wilhelmi Mayenberg, Vlrici Huntpiss, Hainrici Surge, Hainrici Flinswang, Conradi Oler, Conradi Stainer, Hainrici Weber, Conradi Brun, Nicolai Wakerli, Conradi Braitenbach, Nicolai Hagelli, Hainrici et Johannis dictorum Starken, Conradi Zinstag, Johannis Affentruller, Johannis Segelbach et Johannis Silispach consulum et opidanorum omniumque aliorum opidanorum et utriusque sexus hominum omniumque clericorum et personarum ecclesiasticarum maiorum et minorum maxime ius civilegii in eodem opido obtinencium necnon totius universitatis opidi in Rauenspurg, item Nicolai Rupreht⁵ magistricivium Johannis dicti Huber, Johannis Gnapser, Conradi Vogelwaider, Vlrici Wiss, Alberti Helfenberg, Bartholomei Blarrer, Hugonis Schulmaister et Vlrici Burgower consulum et opidanorum omniumque aliorum opidanorum et utriusque sexus hominum omniumque clericorum et personarum ecclesiasticarum maiorum et minorum maxime ius civilegii in eodem opido obtinentium et tocius universitatis opidi sancti Galli, item ministri Johannis Hagen, Wilhelmi Ryser et Conradi Walk consulum et opidanorum omniumque aliorum opidanorum et utriusque sexus hominum omniumque et singulorum clericorum et personarum ecclesiasticarum maiorum et minorum maxime ius civilegii in opidi Buchorn obtinencium et tocius universitatis eiusdem opidi, item et Enderlini Werchmaister⁶ magistricivium consulum et opidanorum omniumque aliorum opidanorum et utriusque sexus hominum omnium et clericorum et personarum ecclesiasticarum maiorum et minorum maxime ius civilegii in opido Wangen obtinentium ac totius universitatis opidi in Wangen iamdicti habens in ea parte et etiam quoad omnia subscripta plena et sufficientia mandata nobis litteras predicti domini pape bulla plumbea in filis canapis more Romane curie bullatas sanas integras et illesas omnique vicio et suspicione prorsus carentes humiliter presentavit, quarum tenor sequitur in hec verba: Es folgt der Text von Nr.6552. Quibusquidem litteris apostolicis suprascriptis per nos ut decuit reverenter receptis intellectis et recensitis nos in hiis et semper, sicut tenebamur et tenemur, mandatis apostolicis obedire volentes ad requisicionem dicti Johannis Erhardi procuratoris et quo supra nomine procuratorio auctoritate apostolica nobis in ea parte commissa per nostras litteras citatorias sigillo pendenti officiolatus^b) Basiliensis sigillatas et per discretum Hainricum de Diessenhouen⁷ clericum Constanciensis dyocesis publicum auctoritate imperiali et curie Basiliensis predicte notarium subscriptas et sigillatas Johannem Dunbach principalem in prescriptis litteris contentum omnesque alios, quorum interesset et qui sua rederent interesse, peremptorie citari mandavimus et citavimus, quatinus sextagesima die post citacionem per illos, quibus mandabantur, vel aliquem eorum factam, si ipsa dies iuridica foret et nos in hiis presideremus, alioquin proxima die iuridica immediate sequenti, qua nos sic presidere contingeret in civitate Basiliensi et in loco consistoriali inibi per se vel suum procuratorem seu procuratores ydoneos coram nobis comparerent habere in de et super in dictis apostolicis litteris contentis, prout iustum foret processuri et procedi visuri dicturi facturi et recepturi, quod iustitia et ordo dictaret racionis et specialiter iuxta dictarum litterarum apostolicarum formam absolvendos absolvi et ab eis cauciones et iuramenta recipiendas et recipienda recipi et sibi pro modo culpe penitenciam salutarem et alia, que de iure fuerint iniungenda iniungi interdictaque relaxari infamie maculam aboleri et omnia et singula iuxta ipsarum litterarum formam facienda fieri ad videndum et audiendum eciam cum tali certificacione, quod sive in dicto termino comparerent sive non, in et super premissis, prout iustum esset, procederetur, prout hec et alia in ipsis litteris citatoriis debite publicatis plenius continentur, die autem citacionis pretacte, que evenit et fuit feria secunda seu die lune none mensis februarii et anno domini M^o CCC^o LXXXX quarto propter^b) diem hestuam dominicam feriatam coram nobis Basilee et in loco consistoriali officialatus ibidem comparuit in iure et iudicio peritus et discretus vir magister Hainricus de Wittenwille⁸ advocatus curie Constanciensis procurator et procuratorio nomine absolvendorum et ad quorum instanciam dictas litteras citatorias feceramus offerens nobis litteras apostolicas et citatorias supradictas sanas integras et illesas omnique vicio et suspicione prorsus carentes ac unum instrumentum publicum per discretum Johannem Nicolai de Valkenberg⁹ clericum Vratislauiensis¹⁰ diocesis publicum auctoritate imperiali notarium signatum et subscriptum, per quod de intimacione publicacione et execucione dictarum litterarum citatoriarum presertim prefato Johanni Dunbach et contra eum debite factis, quodque terminus litterarum citatoriarum earundem in hodiernam diem pretactam incidit et quod ipsa hodierna dies terminus eiusdem citacionis existit patebat et constabat sufficienter unâ cum certis procuratoriis seu mandatis presentavit procurator Johannis Dunbach ut prefertur citati non comparentis nec pro se mittentis contumaciam accusando, petens a nobis et per nos ipsum citatum reputari contumacem et in eius contumaciam procedi ad executionem absolucionis relaxacionis et aliorum nobis in predictis litteris apostolicis, ut premittitur, commissorum et contentorum offerens se paratum facere omnia et singula penitentia facienda iuxta exigentiam et tenorem litterarum apostolicarum predictarum et procuratorio nomine dominorum suorum predictorum ad cuius procuratoris peticionem ipsum Johannem citatum reputavimus contumacem et in eius contrarium in eventum deliberacionis nostre presentem causam et terminum citacionis predictum ac presens negocium in eo statu, in quo tunc erant, ex officio nostro usque in diem crastinum hora prime et eadem hora prime prefatus magister Hainricus procurator et procuratorio nomine quo supra unâ cum discreto Vlrico dicto Spaller de Waltzhut¹¹ notario curie Basilien­sis predicte uno conprocuratorum absolvendorum prescriptorum, quiquidem Vlricus vigore potestatis ab eisdem dominis suis sibi concesse et tradite in hac parte et cum huiusmodi potestate sibi substituit eorundem dominorum suorum predictum magistrum Hainricum procuratorem comparuit coram nobis in loco consistoriali pretacto subsequenterque ipse magister Hainricus procurator et procuratorio nomine omnium absolvendorum premissorum petivit a nobis et per nos, prout supra petiverat, procedi ad execucionem nobis, ut premittitur, commisorum nobis illi respondente nos paratos per eum a nobis petita facere iuxta formam dicte commissionis nobis facere et eum requirente nobis per eum dari caucionem ydoneam in ipsa commissione contentam videlicet quam sibi expressimus fore fideiussoriam vel pignoraticiam ipso procuratore replicante caucionem iuratoriam in hac parte sufficere, nobis hoc negante in eventum sibi deliberandi super caucionem huiusmodi usque ad horam vesperarum eiusdem diei et ab eadem hora ad peticionem iamdicti procuratoris et Johannis Erhardi sui conprocuratoris suprascripti comparentium coram nobis usque in diem crastinum hora prime in statu iamdicto et ab eadem hora prime iamdicti crastini videlicet ferie quarte ante diem sancti Valentini martiris ad peticionem procuratorum iamdictorum comparentium coram nobis usque ad horam vesperarum iamdicte ferie quarte et ab eadem hora vesperarum ad peticionem procuratorum eorundem in statu iamdicto usque ad crastinum dominice, qua cantatur Invocavit, tunc venture et ab eodem crastino iamdicte dominice videlicet nona die marcii ad peticionem prefati Johannis Erhardi procuratoris usque in diem crastinam ab eadem die crastina videlicet feria tertia post eandem dominicam decima die mensis marcii predicti ex officio nostro usque ad feriam quintam proxime secuturam videlicet duodecimam diem mensis marcii prelibati continuavimus et prolongavimus iamdictam vero feria quinta seu die iovis duodecima eiusdem mensis marcii, que fuit dies sancti Gregorii pape sed proxima post dominicam, qua in ecclesia dei cantabatur Invocavit me etc. sub anno domini M^o CCC^o LXXXXquarto pontificatus prefati domini Bonifacii pape noni anno quinto indictione prima superveniente comparuerint hora post completum in ecclesia Basiliensi officium completorii tempore quadragesimali in stupa existente super domo consistoriali curie Basiliensis predicte in atrio eiusdem ecclesie situati coram nobis notarioque publico et testibus infrascriptis prenominati magister Hainricus et Johannes Erhardi procuratores et procuratorio nomine ut supra idemque Johannes quo supra nomine sibi substituit ipsum magistrum Hainricum procuratorem dominorum suorum predictorum cum omni potestate facultate et auctoritate sibi in hac parte ab eis traditis et concessis premissisque omnibus et singulis per nos receptis ac diligenter visis et recensitis iamdictis magister Hainricus procuratorio nomine quo supra contumaciam ipsorum citatorum videlicet inprimis Johannis Dunbach et aliorum, quorum interesset et qui sua crederint interesse, accusavit eosque contraentes reputari et eciam in eorum contrarium ad execucionem prescriptarum litterarum apostolicarum et iuxta formam earundem litterarum citatoriarum procedi et ipsam fieri humiliter et instanter petivit. Et quia ipsi citati diutius et sufficienter per nos predictosque magistrum Hainricum et Johannem procuratores et quo supra nomine procuratorio expectati non comparuerunt nec pro se miserunt, nos demum ipso magistro Hainrico procuratore et procuratorio nomine quo supra instante et ad id iusticia nos artante ipsos citatos contumaces, prout et erant, merito reputavimus et in contrarium eorundem procedentes et prescriptas litteras apostolicas et mandatum apostolicum nobis per eas factum sicut tenebamur et tenemur exequi volentes prefatos abbatem cellerarium advocatum iudices ministros scultetos proconsules consules scabinos undecimarios magistroscivium cives opidanos homines personas et clericos antedictos in eisdem litteris apostolicis comprehensos et quoscumque alios propter premissa culpabiles et qui sententiis excommunicacionis et penis in prescriptis litteris apostolicis contentis fuerant irretiti recepta per nos et per nos habita ydonea caucione fideiussoriaque super eo, pro quo evitati erant nostris et ecclesie mandatis parebunt et eciam per prenominatum magistrum Hainricum procuratorem et procuratorio nomine quo supra in suam et eorundem excommunicatorum dominorum suorum, a quibus et prout ab illis se instructum fore dicebat et obtinuit animas prestito iuramento, quod decetero similia non attemptent nec ea committentibus prestent auxilium consilium vel favorem et quod predictas expensas, in quibus ipsi per dominos Petrum episcopum tunc et Thomam auditores predictos condempnati sunt, ut prefertur, postquam fuerint racionabiliter taxate, prenominato Johanni Dunbach actori in hac parte effectualiter solvant ab huiusmodi premissis excommunicacionum et aliis sententiis et penis dicto procuratore a nobis quo supra nomine humiliter et instanter petente auctoritate apostolica nobis commissa, qua et fungimur in hac parte, absolvimus in hiis scriptis et hac vice in forma ecclesie consueta et eciam interdictum huiusmodi cum toto suo effectu relaxavimus et presentibus relaxamus necnon super irregularitate, si quam abbas cellerarius clerici et ecclesiastice predicti et eciam singulares persone ex huiusmodi conventu huiusmodi excommunicacionum sentenciis et penis seu earum aliqua ligati divina non canonice in contemptum clavium forsan celebrarunt vel immiscuerunt se illis cum eisdem auctoritate predicta dispensavimus et tenore presencium dispensamus ac abolevimus et abolemus omnem infamie maculam sive notam per eos premissorum occasione contractam, non obstantibus omnibus et singulis suprascriptis, que prenominatus dominus noster Bonifatius papa in predictis suis litteris voluit et wlt, non obstare, premissas vero absolucionem relaxacionem dispensacionem et abolicionem nolumus nec intendimus ad opida Lindow et Phullendorff memorata vel eorum incolas burgenses clericos maiores vel minores aut personas quascumque in eisdem opidis vel eorum altero commorantes intelligi extendi vel aliqualiter prout nec possumus ipsorum exigente in curia dilatari, quos ab eisdem beneficiis obinde penitus segregamus et excludimus in hiis scriptis, vobis et cuilibet vestrum firmiter et districte atque sub pena suspensionis ab officiis vestris divinorum late sententie presentibus in rebelles canonica cum trium dierum monitione penitencia auctoritate apostolica supradicta mandantes, quatinus cum et prout requisiti fueritis premissa sic esse facta, publicetis et eciam taliter facta custodiatis et observetis. In quorum premissorum omnium et singulorum testimonium evidens atque robur presentes litteras seu hoc presens publicum instrumentum per Hainricum de Diessenhouen notarium publicum infrascriptum fieri et publicari mandavimus et sigilli nostri officiolatus Basiliensis fecimus appensione communiri. Datum et actum anno domini pontificatu indictione mense die hora et in stupa proxime subscriptis, presentibus discretis viris domino Petro Laurentii capellano sancti Petri Basiliensis¹², Nicolao dicto Valk vicario in Ratoltzstorff¹³ Basiliensis diocesis ecclesiarum, magistro Bertoldo dicto Karl de Rotwil¹⁴ Constanciensis diocesis prelibate phisico Basilee commorante necnon Johanne dicto Golder de Constancia subdyacono familiari nostro, Petro Wolframi clerico Maguntini¹⁵, Johanne dicto Inlasser de Solodre¹⁶ notario curie Basiliensis prelibate Basilee commorantibus, Vlrico dicto Nyderdorff de Constancia et Leonhardo dicto Schonbentz de Lindaugia Constanciensis diocesis sepedicte publicis auctoritate imperiali notariis et aliis personis pluribus fidedignis testibus ad premissa in eorum testimonium vocatis specialiter et rogatis. (ST)^c) Et me Heinrico de Diessenhouen clerico Constanciensis dyocesis coniugato Basilee commorante publico auctoritate imperiali et curie Basiliensis prenotate notario iurato suprascripto, qui presentes litteras seu hoc presens publicum instrumentum exinde confectam et de manu alterius scriptum me aliis presens fieri concurrentibus negociis prepedito prehabita debita collacione manu mea me hic in eodem subscribendo publicavi et signo meo solito una cum appensione sigilli prenominati domini executoris officiolatus Basiliensis pretacti signavi de mandato executoris eiusdem et eciam alias vocatus et requisitus in testimonium premissorum.