Ich^a) Jôs Maygêr von Altstetten¹ kund vnd vergich offênlich an disem brief allen den, die in ansehent alder hoLrent lesen, das ich mit guter zitlicher williger vorbetrahtunge hân verlihen mit vrkund disz briefs den erbern L knehten Bernharten, Hansen vnd Philippen Philippen von Seuelan² saligen sunen gebrudern den zehenden L ze Murris³, der hut ze tag von mir lehen ist vnd den der egedaht Bernhart von Seuelen vormals von minêm gnedigen herren grâf Hainrichen von Werdenberg⁴ saliger gedahnusse ze lehen enpfangen hatt. Den selben zehenden ze Murris mit allen rehten nutzzen vnd gewonhaiten, so darzu vnd darin horet vnd gehoren sol, vnd slehtz mit allen zugehorden, als su vnd ir vatter salig Philipp vnd Seuelen den vntz her inne gehept vnd genossen hând, den hab ich vorgedâhter Jôs Mayger von Altstetten alsus reht redlich vnd willenclich den obgedahten Bernharten, Hansen vnd Philippen von Seuelen gebrudern ze rehtem lehen gelihen vnd verlihen nach lehens reht vnd in iro hande brâht mit allen sachen worten vnd werchen, als vmb solich lehenschaft reht sitt vnd gewonlichen ist, ân all geuarde. Vnd sollin ôch ich alle min erben vnd nahkomen der selben Bêrnhartz, Hansen vnd Philippen von Seuelen gebrudere vnd iro erben vmb den obgênanten zehenden mit allen nutzzen vnd zugehorden gnadig lehenherren sin nâch lehens reht ôch ân als geuare. Des alles ze wârem offemm vrkunde hab ich vorgeschribner Jos Maygêr von Altstetten min insigel offênlich gehênkt an disen brief. Der geben ward an dem nehsten mentag nach vnser lieben ffrôwen tag zem arnde in dem mertzzen, do man zalt von Cristes geburte druzehenhundert vnd nuntzig jar, darnach in dem vierden jar.