Allen^a) den, die disen brief sehent lesent oder horrent lesen, kund ich Lutolt der Schenk von Landegg¹ vnd vergich des offenlich mit disem brief fur mich vnd alle L min erben, das ich mit wolbedahtem sinne vnd mut reht vnd redlich verkoft vnd ze koffin geben han ains rehten schlahten jemerwerenden ewigen kofs den erbern wolLbeschaiden Vlrichen Gramlich custer vnd korherr ze den ziten ze Byschoffcelle², Albrehten Zingibar, Vlin Blaicher vnd Hansen Wisten alle dry burger ze Byschoffcelle L vnd alle vier maister pflager vnd versorger des husz vnd spitals des hailigen gaistes gelegen daselbs in der stat vnd stosset an dero von Haydelberg³ hus vnd an das selb hus, den zehenden ze Stetfurt⁴ mit den nachgenemten gutern, die och dar in vnd zu dem selben zehenden gehorrent, minen tail vnd alli minu reht, den zehenden ze Kagelrain⁵, den zehenden ze Koln⁶, den zehenden ze Ruti⁷ vnd den zehenden ze Kalthusern⁸, du min reht ledig aygen sint gewesen, fur ledig aygen, vnd ist der koff beschahen vnd vollefurt reht vnd redlich vmb funfhundert vnd funf vnd zwainzig pfunt alles guter vnd genger haller, der selben haller ich von inen gantzlich vnd gar gewert bin vnd von inen enphangen han vnd an minen guten schinbern offen nutz bekert han, vnd han och inen die selben zehenden mit allen rehten vnd ansprachen, so ich vnd min erben, ob ich nit wer, darzu hattont ald haben mohten, willenklich vnd frylich reht vnd redlich vf geben vnd geuertgot an offner strâss des richs vnd wie su sin notdurftig sint vnd dar an su habent sint, also vnd in den rehten, dz die vorgeschriben zehenden hinnahin nach dem tag, als dirre brief geben ist, mit allen nutzen gewonhaten^b) vnd zugehorden^c), als ich si vncz her ingehept vnd genossen han, an das vorgeschriben hus vnd spital gehorren vnd des reht ledig aygen sin sol, vnd dar vmb so han ich mich willenklich verzigen vnd verzih mich mit disem brief gantzlich vnd gar fur mich vnd alle min erben der vorgeschriben zehenden aller aygenschaft aller kuntschaft aller gewer lut vnd brief alles gaistliches vnd weltliches rehtes aller vordrung vnd anstrach^b) aller reht vnd rehtug^b), so ich oder min erben, ob ich nit wer, an die vorgeschriben zehenden ie gehept habint oder hie nach jemer gehan oder gewinnen mugent. Ich han och gelopt mit miner guten truwe, das ich vnd min erben, ob ich nit wer, des selben zehenden vnd koffes reht wern sin sollint nach des landes reht gen manlichem an gaistlichen vnd an weltlichen gerihten vnd an allen den stetten, wen wa ald wie dik sin die obgenanten pflager iro nachkomen vnd der selb spital bedurfent ald notdurftig sint. Vnd ze vrkunt der warhat^b) aller vorgeschriben ding vnd kofs so han ich obgenanter Lutolt Schank min insigel fur mich vnd alle min erben offenlich gehenkt an disen brief. Der geben ist ze Byschoffcell an dem nahsten zinstag vor sant Johans tag des Toffers in dem jar, do man zalt von Cristus geburt druczehenhundert jar, nunczig jar, dar nach in dem vierden jare.