Ich^a) Johans von Bonstetten¹ ritter tun kunt vnd vergich dez offenlich an disem brieff allen, die in ansehent oder horend lesen, daz ich von der L ersamen frowen frow Vrsulen schenkinen von Casteln vnd von Burkarten schenken von Casteln² irem sun gesezzen ze Menbrehtzhofen³ an L barem gut enpfangen hab dru hundert pfund guter haller vnd bin och der gentzlich von inen gewert vnd hab si in minen redlichen L nutz geben vnd bekert, vnd das ich der selben frowen frow Vrsulen schenkinen vnd Burkart schenken irem sun vnd dez selben Burkartz erben vmb daz obgenant gut die dru hundert pfund haller hab ze koffent geben recht vnd redlich vnd ains yemmer werenden ewigen kouffs disu nach geschriben guter, der ain tail aigen ist vnd ain tail lehen ist von minem herren von sant Gallen vnd ain tail lehen von minem herren von Costentz, das ist dez ersten der wingart, der gelegen ist ze dem Holtz⁴, der recht aigen ist, so sind dise nachgeschribne guter lehen von sant Gallen, das ist ain schuppus gelegen ze Roggwile⁵ vnd ain gutli gelegen ze Roggwile haisset des Swagers gut vnd ain wis gelegen ze Arbon⁶ vor der statt an den wisen vnd ain gutli haisset das Nidertan⁷, so sind dise nachgeschribne guter lehen von minem herren von Costentz, das ist ain gutli ob den Eggen⁸ haissett Gamperlis gut vnd ain gutli ist gelegen ze Golda⁹ haisset der Bentzinen gut, vnd hab och der selben frowen vnd dem selben Burkart schenken vnd sinen erben fur mich vnd all min erben die obgenanten guter mit aller zugehord also ze koffent geben vmb das obgenant gut das aigen fur aigen vnd daz lehen fur lehen, vnd hab inen och die obgenanten guter, die lehen sint, geuertgot vnd vff geben vor den obgenanten lehenherren nach lehens recht, vnd hab mych dar vber verzigen vnd verzih mich des mit disem brieff fur mich vnd all min erben gen der obgenanten frow Vrsulen schenkinen vnd gen Burkarten schenken irem sun vnd gen sinen erben vnd nachkomen aller aigenschafft aller lehenschafft aller vordrung vnd ansprache vnd als mins rechten, so ich an den obgenanten gutern gar ald an ainem tail gehebt hab oder yemer dar an gewinnen mocht nun oder hienach mit gericht ald an gericht gaistlichem vnd weltlichem, vnd hab och dar zu gelopt fur mich vnd min êrben, dez selben kouffz der selben frow Vrsulen schenkinen vnd Burkart schenken vnd dez erben recht wêr ze sind gen manglichem das aigen fur aigen vnd das lehen fur lehen nach recht dez landes vngeuarlich. Vnd des allez ze warem vnd offem vrkund aller dirr vorgeschriben ding gib ich der obgenant Johans von Bonstetten ritter min insigel an disen brieff. Der ist ze Costentz geben, do man von Cristes geburt zalt druzehenhundert jar, dar nach in dem funf vnd nuntzigosten jâr, an sant Mathyes abent dez zwelffbotten.